Dr Joseph O.
Dialäkt: Mìlhüüserisch |
„Jo“ Abbott (* 15. Janner 1840 bii Decatur, Alabama; † 11. Hornung 1908 z’ Hillsboro, Texàs) ìsch a àmerikànischer Politiker gsìì. Vu 1887 bis 1897 hàt’r dr Bundesschtààt Texàs ìm Represantàntahüus vu da Verainigta Schtààta vertratta.
Dr Joseph Abbott ìsch ànna 1840 bii Decatur ìm Norda vum Bundesschtààt Alabama-n-uff d’ Walt kumma. Ar ìsch dr Suhn gsìì vum William un vu dr Mary Abbott geboorena McMillan. Ar hàt älf Gschwìschterta ghàà. Ànna 1853 ìsch’r mìt siina Äältra ìns Freestone County-n-ìm Oschta vum Texàs kumma. Doo ìsch’r ìn a prìwààta Schüal gànga. Wahrem Sezessioonskriag hàt’r àls Owerschtlöitnànt ìm Heer vu dr Konfederàzioon bediant. Ar ìsch àwwer verlätzt worra un hàt fìr a kurza Zitt müassa rüaja; drnooh hàt’r witter bis àm Kriagsand gekampft. Noh-n-em Kriag hàt’r ìns Limestone County gwàndelt. Ar hàt sii Schtudium vum Racht z’ Springfield wittergmàcht un ìsch ànna 1866 àls Rachtsànwàlt züagloo worra. Ar hàt àlso ààgfànga, ìn dam Berüaf z’ schàffa. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi. Ànna 1870 un 1871 ìsch’r Àbgoordnet’r ìm Represantàntahüüs vum Texàs gsìì. Ìm Hornung 1879 hàt ìhn dr Gouverneur vum Texàs Oran M. Roberts àls Rìchter vum 28. Grìchtsbezirk ärnännt, wo d’ Hill, Johnson, un Bosque Countys umfàsst. Ànna 1880 hann Wahler dr Abbott àn dara Schtälla bschtaadigt. Züadam hàt maa-n-ànna 1886 ärfolgloos versüacht, dr Abbott fìrs Owergrìcht vum Texàs z’ nominiara.
Àn dr Kongrasswàhl vu 1886 hàt maa dr Abbott ìm säckschta Wàhlbezirk vum Texàs ìns àmerikànischa Represantàntahüus gwählt. Ìm Hüüs z’ Washington, D.C. ìsch’r àb’m 4. März 1887 gsìì, àls Noohfolger vum Olin Wellborn. Ar ìsch viarmol wìedergwählt worra un ìsch àlso bis àm 3. März 1897 ìm Kongrass blìewa. Ànna 1896 hàt’r sìch nìt fìr a Wìederwàhl uffgschtällt. Noh-n-em And vu siinera Àmtszitt ìm Kongrass hàt dr Abbott witter àls Ànwàlt z’ Hillsboro gschàfft. Doo ìsch’r àm 11. Hornung 1908 gschtoorwa. Beardigt worra-n-ìsch’r uff’m àlta Frìedhoof z’ Hillsboro.
Dr Abbott hàt àm 15. Dezamber 1868 d’ Rowena W. Sturgis (1843-1908) ghiiroota ghàà. Zamma hann sa fìmf Kìnder ghàà.
D’ klaina Schtàdt Abbott ìm Hill County ìm Texàs ìsch noh-n-ìhm gnännt.
This article uses material from the Wikipedia Alemannisch article Joseph Abbott (Politiker), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.