S Dschääsfestiwal Baasel isch en internazionaali Muusigveraastaltig, wo jeedes Joor im Früelig in dr Schwizer Stadt Baasel stattfindet.
Dialäkt: Baseldütsch |
Im Februar 1976 het "Jazz in Basel" under dr Läitig vom Urs Blindenbacher in dr Baasler Safrezumft en ersts Dschääskonzärt organisiert, mit em Posuunist Albert Mangelsdorff. In de Joor druf, wo d Safrezumft z chlii worde isch, häi d Konzärt in gröössere Sääl stattgfunde, im Stadttheater, in dr Muusigakademii, im Stadtcasino Basel, im Volkshuus, im Burghof Lörrach, im Kunstmuseum Baasel und im bird's eye jazzclub. Denn si si vo Jazz in Basel/OFF BEAT und dr Dschäässchuel Baasel zämme under em Leibel «JAZZ BY OFF BEAT/JSB» organisiert worde mit em Blindenbacher as künstlerischem Läiter. 2012 het d Stifdig Jazzfestival Basel dr Verdraag vom Blindenbacher nüm ernöijeret, wil si s finanzielle Risiko nüm uf sich het welle nee. Dr Blindenbacher het denn d Off Beat Concert GmbH gründet, wo s Konzärt 2013 organisiert het.
This article uses material from the Wikipedia Alemannisch article Jazz Festival Basel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.