Ingeborg Schütze
D Ingeborg Schütze (* 12.
August">12. Augschte 1942 z Löörech as Ingeborg Denz) isch e dytschi Dialäktdichteri.
Lääbe
D Schütze isch ghyrote un het mit ihrem Mann Friedrich, eme Metzger, e Dochter un zwee Sihn. Si lääbe z Löörech.
Scho ase Chind het si gärn Gschichtli gschribe. Richtig aagfange het si mit em Schrybe um 1987/1988. Wu si fir ihre Kusäng Heinz Reff s Buech „Zwischen Kernholz und Rinde“ illuschtriert het, het si ihm au Gschichte vu sich zum Lääse gee. Är het si eso guet gfunde, ass er d Schütze ab do gferderet het. Anne 1992 het si di erschte Gedicht gschribe. Uf Aaregig vum Walter Jung, em Rotsschryber vu Löörech, het si anne 1994 unter em Titel „Lebensmelodie“ en erschte Band mit hochdytsche un alemannische Gedicht publiziert. Im Lauf vu dr Johr het si vier Biecher mit Gedicht un Gschichte uusegee, speter het si ihri Wäärch nume no uf CD-Rom vereffetligt. Derzu sin verainzelt chlaineri Bydreg vun ere in Anthologie un andere Biecher uusechuu. Mittlerwyli het si iber 600 Gedicht un 30 Gschichte gschribe.
Zue re Autorelääsig bim Huusemer Altenomidag schrybt d Badisch Zytig 2010:
„Sie zeigte sich als exakte Beobachterin von Natur und Menschen mit einer beachtlichen Gedankentiefe und dichterischem Verarbeiten der Geschehnisse. Besinnliche und heitere Töne wurden angeschlagen, wie eine „Melodie durchs Leben“ zogen sich Reklamen fürs badische Ländle und dem neuen Schluss fürs „Dieterli“ aus Hebels „Der Mann im Mond“. So verbreitete Ingeborg Schütz viel Frohsinn bei Hausens Senioren.“
D Schütze isch syt 1996 Mitglid bi dr Muettersproch-Gsellschaft un isch au fimf Johr lang im Vorstand vu dr Regionalgruppe Dreiländerck gsii, derzue laitet si dr „Alemannisch–Treff" im Löörecher „Treffpunkt ab 50“ fir Seniore.
Wäärch
Biecher
- Lebensmelodie. 1994
- Sommerblüten und Herbstlaub. 1995
- Holzschittli. 1996
- Silberdischtle un Märzeveieli. 1997
uf CD-ROM
- Im Wandel der Zeiten
- Von Herz zu Herz
- Liislig lüttet e Glöckli. 2008
Literatur
- Autoren aus dem Dreiländereck. In: Alemannisch dunkt üs guet I/II 2000, S. 24–25
Weblink
- d Ingeborg Schütze uf dr Websyte vu dr Muettersproch-Gsellschaft
- Loblied auf die alemannische Sprache (Site cha nüme abgrüeft wärde; Suche im Webarchiv) , Badische Zeitung, 22. Mai 2010
- „Mein Mann, der Heimwerker“, Markgräfler Tagblatt, 19. Septämber 2016
This article uses material from the Wikipedia Alemannisch article Ingeborg Schütze, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.