Dr Hans-Peter Burget (* 1948 z Badewyler) isch e dytsche Pedagog un alemannische Dialäktautor.
Dr Burget isch z Mille im Markgreflerland ufgwagse. Är isch uf d Alemanne-Realschuel z Mille gange un het dert anne 1966 dr Abschluss gmacht. No dr Schuel het er Elektroniker glehrt.
E baar Johr lang het er uf eme Schiff gschafft un isch iber d Wältmeer gfahre. Derno het er Pedagogik un Erwagsenebildig studiert un iber 35 Johr lang bi dr Caritas gschafft, unter anderem as Abdailigslaiter bim Diözesancaritasverband Fryburg. Bim Kadolische Landvolk isch er au e Zytlang Referänt gsii.
Är isch ghyrote gsii mit dr Renate Burget geb. Riegger (1950-2018) un het mit ire z Ämmedinge-Maleck un speter z Ämmedinge gläbt. Noch em Dod vu syre Frau isch er uf Norddytschland zoge un läbt syt em Novämber 2019 in ere Seniore-WG z Glücksburg in dr Nechi vu Flensburg.
Är schrybt Gschichte un Lieder uf Alemannisch, aagfange het er dodermit mit Ändi Fufzg Au d Melodie zue syne Lieder schrybt er sälber un duet derzue Gitarre spile. Wel er scho kritisiert woren isch fir d Grammatik un d Uussproch vu sym Alemannisch, het er mol gsait: „E jeder soll schwätze wie ’nem dr Schnabel gwachse isch. D’ Leit werre inner Schul gnüe trietzt. D’ Sproch müeß ussem Mensche cho’, d’ Grammadig isch egal.“
Dr Burget het si au dr Haimetkund gwidmet, fir s Landrotsaamt Ämmedingen het er z Maleck d Chlaidänkmeler ufgnuu.
This article uses material from the Wikipedia Alemannisch article Hans-Peter Burget, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.