D Gselschaft für Völker, wo in Gfoor sind isch en internazionali Organisazioon, wo sech uf der ganze Wält für chlyneri Völker tuet ysetze, wo ne s Läbe vo der Regierig in ihrem Land oder von ere sterchere Volksgruppe schwär gmacht wird.
Es git vil soziali Gruppe, wo i de Länder, wo si läbe, e ethnischi, religiösi und sproochlechi Minderheit sind. I huuffe Länder brobiere d Regierige, d Verwaltig oder s Militäär und au anderi soziali Gruppe – us ganz verschidene Gründ – sotige schwechere Völker alles wäggznää, wo me cha. Ihri Sprooche wärde verbotte, me nimt ne s Land, d Hüüser und anderi Sache wägg, me underdrückt ihres religiöse Lääbe und ihri Kultur und macht suscht ihri eigeständigi Existänz kabutt. Es goot bis zu der Uusroddig, em totale Völkermord a so Lüüt, oder me tuet se eifach us ihrem alte Läbensruum verjage. Eso git’s immer mee politischi Flüchtling uf der Wält, wo d Heimet verlüüre und i de nöie Länder, wo si hii chöme, i vilne Fäll keis aständigs Läbe chönne ha und abgläänt wärde.
D Gselschaft für bedrooti Völker angschiert sech für d Rächt und s eigeständige Lääbe vo dene Volksgruppe y, tuet über die dramatische politische Fäll imformiere und wott de Flüchtling hälfe.
D GfbV isch anne 1970 z Düütschland entstande. Hüt git’s vonnere au regionali Gruppe i anderen Länder, so wie au i der Schwiiz.
Sid anne 2005 cha si em Europaroot offiziell bi der Arbet hälfe.
This article uses material from the Wikipedia Alemannisch article Gesellschaft für bedrohte Völker, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.