Dr Öiropäisch Tag Vo Der Jüdische Kultur: En Gedänktag
Dr Europäisch Tag vo der jüdische Kultur isch en Akzioonstag, wo s z Öiropa all Joor am erschte Sunntig im Septämber git.
Gschicht
Me het drmit anne 1999 agfange.
Es sind jüdischi und au anderi Organisazioone, wo a däm Tag aller Gattig kulturelli Sache abüüte. Es git au für Lüüt, wo sälber nit zu de Jude ghööre, Bsüech vo jüdischen Yrichtige, bsunders de Sünagooge, und Musig, Auusstelige vo jüdischem Kulturguet und no meh.
Me wott do drmit öppis für s Adänke a die rychi jüdische Kulturgschicht z Öiropa tue, wo notürli diräkt mit dr algemeine Gschicht vo de Jude vrbunden isch.
I dr Schwiiz luegt sit em Afang s Jüdische Museum z Basel für d Koordinazioon vo de Agebott a däm Tag. Ane 2019 sind – zum zwänzigschte Mol, sit s dä Tag git – i dr Schwiiz i de Stedt Basel, Bärn, Dälschbrg, Gämf, La Chaux-de-Fonds, Lausanne und Züri und drzue au z Ändigen un z Lengnau im Surbtal spezielli Programm gsi. Z Züri het au dr Veräin Omanut mitgmacht, wo für die jüdischi Kunscht do isch.
Im Elsass het me scho ane 1995 mit äänleche Kulturprogramm agfange. S Musée judéo-alsacien z Buxwiller im Underelsass und anderi Instituzioone mache bim Programm vom öiropäische Tag mit.
Termin un Theme
- Sunntig, 29. Augschte 1999
- Sunntig, 3. Septämber 2000
- Sunntig, 2. Septämber 2001: Das Judentum und die Künste
- Sunntig, 16. Juni 2002: Jüdischer Kalender und jüdische Feiertage in Kunst, Musik und Ernährung
- Sunntig, 7. Septämber 2003: Pessachfest
- Sunntig, 5. Septämber 2004: Judentum und Erziehung
- Sunntig, 4. Septämber 2005: Jüdische Küche
- Sunntig, 3. Septämber 2006: Europäische Routen des jüdischen Erbes
- Sunntig, 2. Septämber 2007: Zeitzeugnisse
- Sunntig, 7. Septämber 2008: Jüdische Musik
- Sunntig, 6. Septämber 2009: Jüdische Feste und Bräuche
- Sunntig, 5. Septämber 2010: Kunst und Judentum
- Sunntig, 4. Septämber 2011: Erbe und Modernität
- Sunntig, 2. Septämber 2012: Jüdischer Humor
- Sunntig, 29. Septämber 2013: Jüdische Kultur und Natur
- Sunntig, 14. Septämber 2014: Frauen im Judentum
- Sunntig, 6. Septämber 2015: Brücken
- Sunntig, 4. Septämber 2016: Jüdische Sprachen
- Sunntig, 3. Septämber 2017: Diasporas
- Sunntig, 2. Septämber 2018: Storytelling – Geschichten erzählen
- Sunntig, 1. Septämber 2019: 1999–2019: 20 Jahre Europäischer Tag der Jüdischen Kultur
Weblink
Fuessnoote
This article uses material from the Wikipedia Alemannisch article Europäischer Tag der jüdischen Kultur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.