Christoph Sieber

Januar">19. Januar 1970 z Balenga em Zollernalbkreis uff dr Schwäbischa Alb) ischt a deitscher Kabareddischt.

Aus seim Leaba

Dr Christoph Sieber ischt am 19. Januar 1970 z Balenga uff d Welt komma. Wia-nr oi Johr alt gwäa ischt, ischt’r mit seine Eltra noch Nideresche em Schwarzwald-Baar-Kreis zoga, weil deet sei Vadder zom Birgermoischtr gwehlt worra ischt. Sei erschtr Ufftridd vor-a-ma greeßra Publikom hot dr Sieber em Alder vo siiba Johr bei dr Uffihrong vo-ma Theaderstickle en dr Grundschuel z Nideresche ghet ond dobei Theaderluft grocha. Noch-em Abidur hot’r an dr renommirda Folkwang-Universideet en Essen a Studiom em Fach Pantomime oogfanga. Neaba seim Studium hot’r noh an a baar Theader mitgschafft. Sei kinschtlerischa Abschlusspriafong hot’r 1995 mit seim Programm Abgeschminkt gmacht.

Em Johr druff hot dr Sieber mit seim Programm a Gaschtspiil em Mainzer-Forum-Theader Unterhaus geaba. Vom 1. Okdobr 2010 bis zom 12. Juli 2013 isch seller Moo Gaschtgeber vom Sidweschtrundunk (SWR) seim Kabaredd-Programm Spätschicht – Die Comedie Bühne gwäa, wo oimol em Monat em Kuldurzentrum Mainz vor Publikum uffzeichnet worra ischt. A baar-mol isch dr Sieber au Gascht em Stefan Raab seira Sendong TV total beim Privatsender ProSieben ond em Ottfried Fischer seira Sendong Ottis Schlachthof beim Boirischa Fernseha gwäa. Heitzodag hot’r reglmäßige Ufftridd en de Sendonga Satire Gipfel em Programm vo dr ARD, Stratmanns – Jupps Kneipentheater im Pott beim WDR, Die Anstalt ond en dr Heute-show, boide em ZDF. Bei deam Sender moderiirt’r au noh seit 2015 sei oigena Sendong Mann, Sieber!, ondrstitzt vom Mainzer Musik-Kabareddischda Tobias Mann.

A Auswahl vo seine Bihna-Programm

1995: Abgeschminkt
1997: Jeder ist ein Deutscher – Fast überall
1998: Sie haben mich verdient
2005: Das gönn ich Euch
2011: Alles ist nie genug
2015: Hoffnungslos optimistisch

Auszoichnonga

2001: Heilbronner Lorbeeren
2001: Fohlen von Niedersachsen
2003: Scharfe Barte, Publikoms- ond Jurypreis
2004: St. Ingberter Pfanne, Publikoms- ond Jurypreis
2004: Deutscher Fachmedienpreis
2005: Goldenes Künstler-Magazin: Künstler des Jahres en dr Sparte Kabarett/Comedy
2006: Goldener Rostocker Koggenzieher
2006: Obernburger Mühlstein, Publikumspreis
2007: Centro Comedy Star
2008: Thüringer Kleinkunschtpreis
2009: Nordrhein-Westfälischer Kleinkunschtpreis Bocholter Pepperoni
2010: Bada-Wirdabergischer Kleinkunschtpreis
2010: Das große Kleinkunstfestival, Jury-Preis
2010: Leipziger Löwenzahn
2012: Bayrischer Kabarettpreis, Senkrechtstarter-Preis
2012: Mindener Stichling
2013: Memminger Maul
2014: Zeck-Kabarettpreis – Newcomerpreis Fresh Zeck
2015: Deutscher Kleinkunschtpreis en dr Sparde Kabarett

Weblink (zogleich Quella)

Oinzlne Nôchweis

This article uses material from the Wikipedia Alemannisch article Christoph Sieber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.