Baeckeoffe: Es elsässischs Gricht

Typischerwys wärded defür Rind-, Lamm- und Schwynsfleisch und ggäbenefalls Schwynsfüessli i trochnem Wysswyy mit verschidene Gmües mindestens 12 Stund lang mariniert und aaschliessend zwei bis drüü Stund lang im Ofe zäme mit Zwible, Härdöpfel, Rüebli und Porree ggaart. Mer tuets Gericht inere Tonterrine zuebereite.

S Gricht het sy Name vom Bachofe vom Beck übercho. Detane hend früehner d Fraue vom Dorf iri Terrine bbrunge, wenn ene d Arbet wenig Zyt zum Choche glah het, und zum d Restwärmi vom Bachofe usznütze. Demit d Terrine bis zur Abholig nid ufgmacht worden isch, het mer d Terrine vor de Ablieferung bim Beck mit eme Ring us Brotteig uf em Teckel versiglet.