Anne Spiegel: Dytschi Bolitikeri

Dezember">15. Dezämber 1980 z Leimen) isch e dytschi Bolitikeri (Bindnis 90/Di Griene). Vum 8. Dezämber 2021 bis zum 11. April 2022 isch si Bundesminischter fir Familie, Seniore, Fraue un Jugend im Kabinett Scholz gsii.

Vu Mai 2016 bis Mai 2021 isch si Minischteri fir Familie, Fraue, Juged, Integration un Verbrucherschutz vum Land Rhyland-Pfalz gsii, ab Jänner 2021 au zuesätzli Minischteri fir Umwält, Energy, Ernehrig un Forscht. Vum 18. Mai 2021 bis zum 7. Dezämber 2021 isch si Minischteri fir Klimaschutz, Umwält, Energy un Mobilidet un Stellverdrätteri vu dr Minischterbresidänti im rhyland-pfälzische Kabinett Dreyer III gsii.

D Anne Spiegel het unter anderem italienischi Vorfahre, iri Großmueter vu dr Muetersyte här stammt vu Sizilie. D Spiegel isch z Speyer un z Ludwigshafen ufgwagse, isch dert uf d Albert-Schweitzer-Grundschuel gange un het 2000 am Heinrich-Böll-Gimnasium ire Abitur gmacht. Derno het si bis 2007 Bolitik, Filosofy un Psichology an dr TU Darmstadt, dr Universitdet Mainz, dr Universitet Mannem un dr Universitet Salamanca z Spanie studiert. Im Friejohr 2007 het si ire Abschluss as Magistra Artium an dr Universitet Mainz abglait. Derno het si vu 2008 bis 2010 as Sprochtraineri bi Berlitz z Mainz, z Mannheim un z Heidelberg gschafft.

D Spiegel läbt mit irem Mann, eme Schotte, un vier Chinder z Speyer.

Bartei

D Spiegel het vu 1999 bis 2002 em Landesvorstand vu dr Grien Juged Rhyland-Pfalz aaghert, dervu zwai Johr as Vorstandssprächeri. Derno het si bis 2004 em Bundesvorstand vu dr Griene Juged aaghert.

Anne 2005 isch d Anne Spiegel de erscht dytsch Jugeddelegiert bi dr Verainte Natione gsii. Si het im Spotjohr 2005 Jugedligi us dr Bundesrepublik Dytschland bi dr Generalversammlig vu dr Verainte Natione verdrätte.

Im Novämber 2019 isch d Spiegel in Barteirot vu Bindnis 90/Di Griene gwehlt wore. Si het 64 Brozänt vu dr Stimme kriegt un het si gege ne baar Kandidatene duregsetzt.

D Anne Spiegel isch Spitzekandidati vu Bindnis 90/Di Griene Rhyland-Pfalz zur Landdagswahl 2021 gsii. 95 Brozänt vu dr Delegierte hän fir si gstimmt. Iri Bartei isch bi dr Wahl am 14. Merz uf 9,3 % chuu un het ire Stimmenaadail im Verglych zue 2016 fascht chenne verdopple.

Landdagsabgordneti

Bi dr Landdagswahl 2006 isch si Diräktkandidati im Wahlkrais Ludwigshafen II un uf Lischteblatz 7 vu Bindnis 90/Di Griene Rhyland-Pfalz gsii, isch aber nit gwehlt wore, wel di Griene an dr 5-%-Hurd hange blibe sin.

Bi der Landdagswahl 2011 isch d Spiegel in Landdag gwehlt wore. Si isch Kandidati im Wahlkrais Speyer gsii un dert uf 17,1 % vu dr Stimme chuu. Si isch iber d Lischt (Lischteblatz 3) vu Bindnis 90/Di Griene Rhyland-Pfalz in Landdag yyzoge. Dert isch si stellverdrättendi Fraktionsvorsitzeri gwehlt wore. Si isch Sprächeri fir Fraue, Integration, Migration un Flichtlingsbolitik gsii. Derzue isch si Mitglid im Uusschuss fir Glychstellig un Fraueferderig gsii, im Uusschuss fir Integration, Chinder, Familie un Juged un im Zwischenuusschuss, derzue stellvertdrättend Mitglid im Uusschuss fir Sozialbolitik, im Elteschterot un in dr Enquetekummission fir Burgerbedailigung.

Bi dr Landdagswahl 2016 isch si wider Diräktkandidati im Wahlkrais Speyer gsii un isch dert uf 10,4 % vu dr Stimme chuu. Wie 2011 isch d Spiegel iber d Lischt (Lischteblatz 3) in Landdag yyzoge. Wu si zur Minischteri ernännt woren isch, het si ire Mandat niderglait, fir sii isch d Pia Schellhammer in Landdag noogruggt.

Bi dr Landdagswahl 2021 isch si wider Diräktkandidati im Wahlkrais Speyer, isch aber au wider iber d Lischt in Landdag yyzoge. Wu si wider zur Minischteri ernännt woren isch, het si ire Mandat niderglait. Fir sii isch d Lisett Stuppy in Landdag noogruggt.

Landesminischteri

Im Kabinett Dreyer II isch d Spiegel im Mai 2016 Minischteri fir Familie, Fraue, Juged, Integration un Verbrucherschutz wore. Ab Jänner 2021 isch si noch em Ruggdritt vu dr Ulrike Höfken au zuesätzli Minischteri fir Umwält, Energy, Ernehrig un Forscht gsii. Syt em 18. Mai 2021 isch si Minischteri fir Klimaschutz, Umwält, Energy un Mobilidet un Stellverdrätteri vu dr Minischterbresidänti im rhyland-pfälzische Kabinett Dreyer III.

As Minischteri isch si im April 2018 as erschti Minischteri z Rhyland-Pfalz in Mueterschutz gange, go ire viert Chind uf d Wält bringe.

Bundesminischteri fir Familie, Seniore, Fraue un Juged

Noch em Abschluss vu dr Koalitionsverhandlige zue dr Ample-Koalition het dr Griene-Bundesvorstand d Spiegel am 25. Novämber 2021 as Noofolgeri vu dr Christine Lambrecht im Amt vu dr Bundesfamilieminischteri im neie Kabinett nominiert. Am 8. Dezmber 2021 isch si vum Bundesbresidänt Frank-Walter Steinmeier offiziäll ernännt wore un het druf ire Amtsaid im Dytsche Bundessag glaischtet.

Churz no irem Amtsaadritt het si dr Kampf gege Gwalt an Fraue ain vu ire Arbetsschwärpinkt gnännt.

Am 11. April 2022 isch si as Minischteri no massiver Kritik in Medie un vum bolitische Gegner an irem Verhalte no dr Fluetkataschtrof im Ahrdal zruggdrätte.

  Commons: Anne Spiegel – Sammlig vo Multimediadateie

• Websyt vu dr Anna Spiegel
• Spitzenkandidatencheck: Anne Spiegel (B90/Die Grünen) beantwortet Ihre Fragen SWR, 6. Merz 2021 (Interview, 39 min)