Anna Rosenwasser

Mai">1. Mai 1990) isch e Schwyzer Schurnalischti, Kolumnischti, Bolit- un LGBTQ-Aktivischti. Mer chännt si in dr Schwyz dur ire gsellschaftli un bolitisch Engaschmänt fir di rächtli Glychstellig vu Homosexuälle (Eh fir alli). Si setz si effetli gege Homophoby, gege d Diskriminierig vu sunschtige sexuälle Minderhaite un Persone mit ere sältenere Gschlächtsidentitet yy.

D Mueter vu dr Anna Rosenwasser isch Schwyzeri, ire Vater isch vu Israel. Ufgwagse isch d Rosenwasser z Schafuuse. Si het an dr ZHAW Winterthur Schurnalismus un an dr Uni Züri Bolitologiy un Gschicht vu dr Neizyt studiert.

Syter 2008 schafft d Rosenwasser as freii Schurnalischti un schrybt Kolumne wie zem Byschpel fir hellozurich, SAITEN un s Mannschaft Magazin. Si isch e baar Johr lang im Vorstand vu dr greschte Schwyzer LGBTQ-Jugedgruppe Milchjugend gsii. 2017 isch si Mitgrinderi un Laiteri vu dr Schafuuser LGBTQ-Jugendgruppe andersh gsii. Vu 2017 bis 2021 isch d Anna Rosenwasser d Co-Gschäftsfiereri vu dr Lesbeorganisation Schwyz LOS gsii.

Anne 2018 isch si fir dr LGBT+-Award vum Swiss Diversity Awards nominiert wore. Im nämlige Johr het d Anna Rosenwasser uf em zweete Lischteblatz vu dr JUSO-Lischt fir dr Nationalrot kandidiert. Zäme mit em Kantonsbolitiker Florian Vock un em Illuschtrator Claudio Näf het si anne 2021 s Buech Queer Sex – Whatever the fuck you want vereffetligt.

D Anna Rosenwasser isch vor allem bi dr boode bolitische Vorlage iber dr Diskriminierigsschutz fir Lesbe un Schwuli (2020) un d Eh fir alli (2021) national un international in Erschynig drätte un wird vu dr Medie wäge däm as e wichtigi Verdrätteri vu dr LGBTQ-Lyt in dr Schwyz aagluegt.

D Anna Rosenwasser läbt mit ire Partneri im Zürcher Kreis 5.

• Anna Rosenwasser, Florian Vock und Claudio Näf: Queer Sex – Whatever the fuck you want. Print Matters, Zürich 2021, ISBN 978-3-033-08178-9

• Websyte vu dr Anna Rosenwasser
• SRF: Anna Rosenwasser bei Gredig Direkt,. Abgruefen am 26. Mai 2021.
• SRF: Anna Rosenwasser im Literaturclub. Abgruefen am 8. November 2021.
• Ein Gespräch mit Anna Rosenwasser: «Nach dem Coming-out sang die ganze Klasse ‹Happy Birthday›». Abgruefen am 8. Novämber 2021.

• Interview mit dr Anna Rosenwasser in dr NZZ am Sonntag: «Sprache ist ein Spielplatz!» – «Das Gendersternchen ist unästhetisch!» Eine Debatte zwischen einer jungen Frau und einem älteren Mann. Abgruefen am 8. Novämber 2021.
• Gaschtbydrag vu dr Anna Rosenwasser im Tagesanzeiger: Wie soll meine Tochter mit Sexismus umgehen? Abgruefen am 8. Novämber 2021.
• Finanz und Wirtschaft: Kaffee ... mit Anna Rosenwasser. Abgruefen am 8. Novämber 2021.
• Gaschtkommentar vu dr Anna Rosenwasser in dr NZZ: Oh boy, dieses Gendern! Abgruefen am 8. Novämber 2021.
• SRF Diskussion mit dr Anna Rosenwasser: Was soll man sagen – Macht, Moral und Cancel Culture. Abgruefen am 8. Novämber 2021.