Inkinsela Yasemgungundlovu
Inkinsela yaseMgungundlovu yinoveli ebhalwe nguSibusiso Nyembezi yashicilelwa okukuqala ngonyaka wezi 1961.
Lencwadi ikhuluma ngendoda eqhamuka eMgungungundlovu eyabe ineqhinga lokuqola abantu basemakhaya imfuyo yabo.
Isethulo
Kule noveli kuxoxwa ngendoda esuka edolobheni ehambela endaweni yaseNyandunyandu izibiza ngokuthi ingu-C.C. Ndebenkulu nokuthi ingeyaseMgungundlovu. Abantu baseNyanyadu ibatshela ukuthi iyinkinsela ezikhathaza kakhulu ngokusiza abantu bakubo abaMnyama. Ithi abaseNyanyadu ingabasiza ngokubadayisela izinkomo zabo ngamanani amakhulu kakhulu. Iqiniso selivela ngasekugcineni kwendaba, le ndoda isihamba nazo izinkomo. Lesi qumama esizishoyo yisigelekeqe sokuqala sokugcina esikade sasibawumbaza abantu ngemfuyo yabo, ngisho nabafelokazi imbala. Kodwa amaqhinga akhe ayabonakala, ebonwa ngabasebasha emphakathini kanye nabafundile.
Abalingiswa abahamba phambili umndeni kaZeph Mkhwanazi, okubalwa kuwo indodana, indodakazi kanye nonkosikazi wakhe .
Ukuguqulwa
Lenoveli yaguqulwa yenziwa umdlalo womoya esiteshini somsakazo esabe saziwa ngokuthi iRadio Zulu. Akugcinanga lapho yaphinde yaguqulwa yenziwa umdlalo owuchungenchunge kamabonakude ngonyaka wezi-1983.
Ukuhunyushwa
Ngonyaka wezi-2008 lenoveli yahunyushelwa olimini lwesiNgisi ihunyushwa nguSandile Ngidi, lapho isinegama elithi The Rich Man Of Pietermaritzburg
Imithombo
This article uses material from the Wikipedia isiZulu article Inkinsela yaseMgungundlovu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.