IThusi liyisiqungo esakhiwe ngokuyinhloko ngosoklele, kanye nesithanambi esingaba yi-12 ekhulwini futhi imvama kufakwa nezinye izinkimbi (ezihlanganisa isAlumbe, uManyazini, INimbi noma iZethe) futhi ngezinye izikhathi kufakwa nokungenkimbi, okufana nepholoba, noma iSiphemba.
Lezenezelo zikhiqiza izinhlobo zeziqungo ezingaba eziqatha kunosoklele uwodwa, noma ezinezinye izakhi eziwusizo, ezifana nobukhwepha, ukulembuluka (ductility) noma ukuguxazela.
Inkathi yasemivubulukweni lapho ithusi laliyinkimbi eqatha kakhulu futhi lisetshenziswa kabanzi yaziwa ngokuthi inkathi yethusi. Lenkathi yethusi yaqala entshona naseYurashiya naseNdiya phakathi nekulungwane yesine BCE, nasekuqaleni kwenkulungwane yesibili BCE eShayina; yasabalalela kwezinye izindawo kancane kancane ezifundeni zonke. Inkathi yethusi yalandelwa inkathi yensimbi kusuka ngowe-1300 BCE futhi yafinyelela eYurashiya cishe ngowama-500 BCE, nakuba ithusi laqhubeka nokusetshenziswa kabanzi ngokungafani nanamuhla.
Ngenxa yokuthi imisebenzi yobuciko yayivame okwenziwa ngosoklele nezethe futhi amathusi anezakhiwo ezihlukile, izindluzokugcina (museums) kanye nezincaziso zongoti zemisebenzi yobuciko emidala, zisebenzisa kakhulu ibizo elithi "isiqungo sosoklele."
This article uses material from the Wikipedia isiZulu article IThusi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.