顧嘉煇: 香港音樂家 (1931-2023)

顧嘉煇最多人知嘅就係擅長作、編曲同埋指揮，節奏簡潔流暢，曲風兼容中西，寫咗無數家傳戶曉、膾炙人口，直到而家仍有人當做經典金曲，而且份人謙虛有禮，又猛咁學習嚟鞏固知識；因為噉顧嘉煇自入行以嚟，喺樂壇廣結人緣，知名度遍及華人地區；亦曾經先後栽培過無數歌手，譬如好似分別有：仙杜拉、葉麗儀、徐小鳳、羅文、汪明荃、葉振棠、陳潔靈、關正傑、關菊英、麥潔文、林志美、呂方、黃耀明、羅嘉良、李樂詩等 當今樂壇實力派唱將；所以有「華人歌壇元老級前輩」嘅美譽。

早年生活

顧嘉煇喺中華民國廣州出世，鄉下嚮江蘇蘇州；阿爸係顧淡明，阿媽係石穎文；佢親家姐同樣係喺廣州出世，藝名顧媚（真名「顧嘉瀰」），細佬係顧嘉鏘，佢十七歲嗰時全家落到嚟香港，曾經做過琴師，跟家姐顧媚賣唱搵食。

入行經歷

六十年代初，顧嘉煇得到邵逸夫同方逸華嘅資助，喺美國波士頓伯克利音樂學院（Berklee College of Music）留學。返到香港就喺邵氏憑一首電影插曲《夢》繼而開始咗佢嘅事業里程，之後又加入TVB做音樂總監。1981年又再到美國深造音樂半年，回港後繼續為無綫電視效力。

七十至八十年代，佢先後創作咗好多電視劇主題曲，當中以仙杜拉主唱嘅《啼笑因緣》掀起粵語流行曲熱潮。當中佢相當多嘅佳作都係由黃霑作詞。呢個後來被稱為「煇黃」嘅組合到今時今日仍受到誇讚。後來電視歌熱潮逐漸衰落，顧嘉煇開始減產，九十年代又移民加拿大，但兩個人間中都仲有合作，1998至千禧年初更喺香港紅館、廣州、星馬搞過幾次音樂會，反應熱烈。2004年尾，黃霑因患肺癌行先一步，顧嘉煇亦有返香港拜祭佢，並表示黃霑嘅離開係佢一生人最大嘅遺憾，少咗一個拍檔，好唔捨得佢。

顧嘉煇所得其他獎項多不勝數，較重要嘅包括香港作曲及作詞家協會音樂成就大獎、香港電台十大中文金曲最高榮譽獎（金針獎前身）、亞洲電影節最佳電影歌曲獎、香港電影金像獎最佳音樂、台灣金馬獎最佳音樂等等。

2012年久違返港舉行《顧嘉煇大師經典演唱會》，2015年5月舉行《顧嘉煇榮休盛典演唱會》，之後又喺2016年頭舉辦《顧嘉煇金紫荊慈善演唱會》。

逝世

2023年1月3號：煇哥响加拿大感染咗武肺，又走咗，享年91歲，未生日。

顧嘉煇自入行幾十年以來所作過嘅歌超過一千二百首，所以佢有一個稱號叫做「華人元老級樂壇教父」。

• 《夢》（1961年）～ 原唱：顧媚；曲/編：顧嘉煇；詞：陶秦
• 《郊道》（1963年）～ 原唱：凌波；曲/編：顧嘉煇；詞：陳又新
• 《小雲雀》（1965年）～ 原唱：顧媚，曲/編：顧嘉煇，詞：林琴
• 《明日之歌》（1967年）～ 原唱：靜婷；曲/編：顧嘉煇；詞：陶秦
• 《愛你變成害你》（1972年）～ 原唱：潘迪華；曲/編：顧嘉煇；詞：黃霑
• 《星河》（1972年）～ 原唱：詹小屏、重唱：江鷺；曲/編：顧嘉煇；詞：瓊瑤
• 《煙雨濛濛》（1973年）～ 原唱：鄭少秋；曲/編：顧嘉煇；詞：蘇翁
• 《啼笑因緣》（1974年）～ 原唱：仙杜拉；曲/編：顧嘉煇；詞：葉紹德
• 《芸娘》、《好夫妻》（1974年）~ 原唱：華娃（劉淑雯），曲：顧嘉煇，詞：葉紹德
• 《田園春夢》（1975年）～ 原唱：伍衛國、關菊英；曲/編：顧嘉煇；詞：盧國沾
• 《乘風破浪》(1975年) ~ 原唱：楊詩蒂，曲/編：顧嘉煇，詞：盧國沾
• 《狂潮》（1976年）～ 原唱：關菊英；曲/編：顧嘉煇；詞：黃霑——TVB同名電視劇《狂潮》主題曲
• 《心有千千結》～ 原唱：鍾玲玲、石修；曲/編：顧嘉煇；詞：盧國沾
• 《鮮花滿月樓》～ 原唱：張德蘭（張圓圓），曲/編：顧嘉煇；詞：盧國沾
• 《願君心記取》（1977年）～ 原唱：張德蘭；曲/編：顧嘉煇；詞：盧國沾
• 《明日天涯》（1977年）～ 原唱：羅文，曲：顧嘉煇，詞：依達
• 《小時候》（1977年）～ 原唱：路家敏；曲/編：顧嘉煇；詞：鄭國江
• 《小太陽》～ 原唱：路家敏；曲/編：顧嘉煇；詞：鄭國江
• 《獅子山下》（1979年）～ 原唱：羅文；詞：黃霑；曲/編：顧嘉煇；——香港電台同名電視劇《獅子山下》主題曲
• 《茫茫路》（1979年）～ 原唱：張德蘭；曲/編：顧嘉煇；詞：盧國沾
• 《網中人》（1979年）～ 唱：張德蘭；曲/編：顧嘉煇；詞：鄧偉雄
• 《上海灘》（1980年）～ 曲/編：顧嘉煇；詞：黃霑；原唱：葉麗儀——TVB同名電視劇《上海灘》主題曲
• 《萬般情》（1980年）～ 曲/編：顧嘉煇；詞：黃霑；原唱：葉麗儀
• 《上海灘龍虎鬥》（1980年）～ 曲/編：顧嘉煇；詞：黃霑；原唱：葉麗儀
• 《親情》（1980年）～ 詞：黃霑；曲/編：顧嘉煇；唱：羅文——TVB同名電視劇《親情》主題曲
• 《初戀/First Love》（1980年）～ 原唱：陳百強；曲：陳百強；編：顧嘉煇；詞：鄭國江
• 《突破》（1981年）～ 原唱：陳百強；曲/編：顧嘉煇；詞：鄭國江
• 《漣漪》（1981年）～ 原唱：陳百強；曲：陳百強；編：顧嘉煇；詞：鄭國江
• 《紅顔》（1981年）～ 曲/編：顧嘉煇；詞：鄭國江；原唱：葉麗儀
• 《女黑俠木蘭花》（1981年）～ 原唱：葉麗儀
• 《隨想曲》（1982年）～ 曲/編：顧嘉煇；詞：鄭國江；原唱：徐小鳳
• 《戲班小子》（1982年）~ 原唱：葉振棠、曲/編：顧嘉煇、詞：鄭國江
• 《忘盡心中情》（1982年）~ 原唱：葉振棠、曲/編：顧嘉煇、詞：黃霑
• 《心債》（1982年）～ 原唱：梅艷芳；曲/編：顧嘉煇；詞：黃霑
• 《勇敢的中國人》（1982年）～ 原唱：汪明荃；曲/編：顧嘉煇；詞：黃霑
• 《鐵血丹心》（1983年）～ 原唱：羅文、甄妮；曲/編：顧嘉煇、詞：鄧偉雄
• 《一生有意義》（1983年）～ 曲/編：顧嘉煇、詞：黃霑、原唱：羅文、甄妮
• 《世間始終你好》（1983年）～ 曲/編：顧嘉煇、詞：黃霑；原唱：羅文、甄妮——無綫電視劇《射鵰英雄傳》主題曲
• 《何日再相見》、《問世間》、《留住今日情》及《情義倆心堅》（1983年）～ 曲：顧嘉煇；詞：元好問/鄧偉雄；原唱：張德蘭
• 《萊茵河之戀》（1983年）～ 原唱：麥潔文、曲/編：顧嘉煇；詞：鄭國江（江羽）
• 《夜夜痴纏》（1984年）～ 曲/編：顧嘉煇；詞：林振強；原唱：麥潔文
• 《劍影淚痕》（1984年）～ 曲/編：顧嘉煇；詞：鄧偉雄；原唱：麥潔文
• 《最孤寂時分》（1984年）～ 曲/編：顧嘉煇；詞：盧國沾；原唱：麥潔文
• 《笑傲江湖》（1984年）～ 曲、編：顧嘉煇；詞：鄧偉雄；原唱：葉振棠、葉麗儀
• 《The Pearl Watcher Touch》（1984年）～ 原唱：陳百強；曲/編：顧嘉煇（無綫電視英語頻道明珠台歌）
• 《畫出彩虹》（1984年）～ 原唱：陳百強；曲/編：顧嘉煇；詞：鄭國江
• 《等》（1984年）～ 原唱：陳百強；曲：陳百強；編：顧嘉煇；詞：鄭國江
• 《雪山飛狐》（1985年）～ 曲/編：顧嘉煇；詞：黃霑；原唱：呂方、關菊英
• 《祇有情永在》（1986年）～ 原唱：張學友、鄺美雲；曲/編：顧嘉煇；詞：鄧偉雄
• 《萬水千山總是情》～ 原唱：汪明荃；曲：顧嘉煇；詞：鄧偉雄
• 《季節》（1987年）～ 原唱：羅嘉良，曲：顧嘉煇，詞：鄭國江
• 《昨日、今日、明日》（1988年）～ 原唱：陳百強；曲/編：顧嘉煇；詞：鄭國江
• 《始終會行運》～ 曲：顧嘉煇；詞：黃霑，原唱：張國榮
• 《交出我的心》～ 原唱：梅艷芳，曲：顧嘉煇，詞：黃霑
• 《誰可改變》～ 原唱：譚詠麟，曲：顧嘉煇，詞：鄭國江
• 《小李飛刀》～ 原唱：羅文，曲：顧嘉煇，詞：盧國沾
• 《焚心以火》（1990年）～ 曲/編：顧嘉煇、黃霑；詞：黃霑，原唱：葉蒨文
• 《年少無情》（1990年）～ 曲：顧嘉煇、詞：陳少琪，原唱：張學友、關淑怡
• 《留住秋色》（1993年）～ 曲：顧嘉煇；詞：簡寧；原唱：張學友、周慧敏
• 《絕世絕招》（1994年）～ 曲：顧嘉煇，詞：黃霑，原唱：張智霖、吳倩蓮
• 《無悔愛你一生》（1995年）～ 原唱：李樂詩，曲/編：顧嘉煇、詞：黃霑
• 《難為正邪定分界》（1982年）～ 詞：鄭國江；曲/編：顧嘉煇；唱／原唱：葉振棠、麥志誠——無綫電視劇《飛越十八層》主題曲
• 《倆忘煙水裡》（1982年）～ 詞：黃霑、曲／編：顧嘉煇；原唱：關正傑、關菊英——電視劇《天龍八部之六脈神劍》主題曲
• 《一生有意義》、《桃花開》、《千愁記舊情》、《肯去承擔愛》～（1983年）～ 詞／黃霑 曲／顧嘉煇 唱／羅文、甄妮——無綫電視電視劇《射雕英雄傳》主題曲及插曲
• 《當年情》（1986年）～ 詞：黃霑 曲：顧嘉煇 唱：張國榮——電影《英雄本色》主題曲
• 《奔向未來的日子》（1987年）～ 曲：顧嘉煇、詞：黃霑，原唱：張國榮——電影《英雄本色II》主題曲
• 《水中仙》（2002年）～ 原唱：馬浚偉，曲/編：顧嘉煇，詞：陳少琪——電視劇《洛神》主題曲
• 《惜花》～ 原唱：顧紀筠，電視劇《洛神》插曲
• 《翡翠劇場》（2004年）~ 曲：顧嘉煇；詞：林夕、原唱：黃耀明
• 《歲月風雲》（2007年）～ 詞／張美賢；曲／顧嘉煇；唱／李克勤、小剛——無綫電視及中國中央電視台電視劇《歲月風雲》主題曲
• 《心藥》（2014年）～ 曲/編：顧嘉煇、詞：林夕、原唱：張德蘭
• 《最初的快樂》(2015年）～ 詞：林夕，原唱：謝安琪，顧嘉煇退休告別作

勳銜

• 大英帝國員佐勳章（1982年）
• 銅紫荊星章（1998年）
• 金紫荊星章（2015年）

榮譽博士學位

• 香港演藝學院榮譽博士（2011年）
• 香港教育學院榮譽人文學博士（2014年）
• 香港中文大學榮譽社會科學博士（2014年）

獎

• 香港藝術發展局終身成就獎（2011年4月）
• 世界華商基金會世界傑出華人獎（2013年）