肥媽

唱片

其他歌曲

• 1994年：亞視劇集《戲王之王》主題曲《星光背影》
• 1994年：亞視劇集《子夜情人》主題曲《戀戀紅塵》
• 2002年：亞視劇集《法內情2002》插曲、民主倒董力量會歌、香港人民廣播電台節目《風蕭蕭》主題曲《為了夢想》。
• 2009年：東亞運動會主題曲《衝出世界》
• 2017年：無綫劇集《味想天開》主題曲《天賜的滋味》

電影

主持電視節目問題

2014年4月係發牌風波後TVB收視低潮，肥媽主持飲食節目《食平DD》時，疑用六四事件人命講笑。此節目有集內容極度怪異——「全豬宴發掘豬『內臟』美」。起初主持二人到街市，陸浩明先大叫:「我要反，我要平反，我要平反！」肥媽見狀就話：「做咩呀你，買菜要平反咩呀？」陸答：「肥媽，我作為一個良知知識分子，真係想為『佢地』討回公道呀。佢地又唔係滋事份子，無論多惡劣環境，毫無怨言，加上佢地又支持環保又廚餘回收。佢地壯烈犧牲，點解重要被詆毀？」原來只係講肉檔隻豬。雖然整段對話無提過「屠」，「六四」，單係無故話「平反」、「知識分子」、「討回公道」就令大家聯想到六四，引來評論。《輔仁媒體》就認為對死難者抽水係大為不敬。

2018年10月，肥媽點人食大灣區淡水刺身。佢個節目《大灣區活好D》，連續兩日介紹當地魚生同埋鯇魚魚生。肥媽重大讚師傅放血技巧好：「你睇啲魚完全無血，所以一啲都唔腥。」不過，食物安全中心就對節目表示關注，呼籲市民切勿進食淡水魚生，並表示：淡水魚可能帶有寄生蟲。香港早已立法禁售傳統中式魚生。

親中親建制立場

自從佢反佔中後，政見表態漸藍愈紅。

2014年5月，港府推「2017年普選行政長官/2016年立法會選舉辦法公眾諮詢」短片，邀請肥媽利用烹飪比喻普選。片中肥媽話政府就政改方案會盡力求同存異，希望尋求一個大家又接受又可行方案，但強調只係理想，希望大家先讓政改（所謂「袋往先選舉」）通過。短片曝光令肥媽受到指責，被鬧「教人煮餸教到懵咗」。

2019年6月「反送中」抗爭白熱化後，肥媽同過去幾年一樣「站警方果邊」。7月20日佢同陳百祥等人現身添馬公園主持「守護香港行動」（即「撐警大會」）。佢台上疾呼：「300多萬選民，你們去邊？點解無出黎投票？請大家未來一年選返一班真真正正議員（指建制派）入立法會。」

同年7月21日「元朗恐襲」後，肥媽同警方「割席」。肥媽接受傳媒電話訪問時，表現激動，泣不成聲。佢聲言自己無撐警，無特別支持一方，兩邊都無「撐」，她心痛點解「一家人要打爛香港」。佢話己家中都有人撐警，有人支持示威。肥媽又呼籲特首林鄭月娥出黎同市民對話，覺得先有轉機，可以「搞好香港」。她自知自己少讀書，香港問題要讀書人去處理，重話自己有心理病要食藥。

肥媽曾經有份參與一份聯署，支持北京未經諮詢或香港人同意，強行訂立嘅《港版國安法》，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世。

方艙醫院爭議言論

2022年三月，中國政協既肥媽戴多個口罩，多層保護上身，參觀青衣方艙醫院。佢話果度「幾鬼舒服」，「環境好」好過私家醫院。重狂言希望日後方艙變成「臨時房屋」令失業既，無家既人去住。因講法誇張，反襯到事實記錄同埋普遍評論。

確診武肺家中隔離

2022年六月，肥媽透露自己感染武肺病毒，有頭痛病徵。佢事先打埋四針科興疫苗，由兒科醫生李家仁經手。 肥媽表示自己一向「好小心」，未夢過自己會「中招」。佢話確診前一日既快測結果重係陰性同埋如常「四周圍去」：行山，到街市，外出食飯和買衫。 確診後，肥媽家中自我隔離，無去佢話好既方艙醫院。

聲音畀人惡搞回帶

佢嘅唱腔辨識度高，加上佢嘅親中政治立場，令佢成為一啲網民惡搞嘅對象。例如喺香港反送中運動入面，就有人剪輯佢嘅發言，惡搞變做歌曲《肥媽有話兒》，變成鬧香港警察係黑警嘅歌詞。另外，高登音樂台亦有一位成員化名做「尖沙咀肥媽」，推出唔少惡搞歌曲。

1990年代，肥媽重唱過「鹹濕歌」，不時畀網民「回帶」引用佢電影片段：「將個膠笠戴落何B仔，做愛...係去實惠」。

• 肥媽喺tvb.com嘅資料
• 肥媽嘅facebook頁
• 肥媽嘅Instagram頁
• 肥媽嘅新浪微博