聲生不息: 芒果TV電視節目

聲生不息 Infinity and Beyond / Endless Melody
別名	聲生不息·港樂季
類型	音樂
格式	綜藝
總導演	洪嘯
主持	何炅
金曲推薦人	王祖藍
製作國家／地區	中國大陸  香港
語言	普通話、粵語
字幕	簡化字、繁體字
標語	好歌獻給你
集數	12（湖南衛視版、TVB版13集）
每集長度	150分鐘（湖南衛視版，含廣告） 90分鐘（香港版第1-6集，含廣告） 120分鐘（香港版第7集起，含廣告）
主題曲	《好歌獻給你》
作曲	馬飼野康二
填詞	鄭國江
主唱	群星
製作
拍攝／製作年份	2022年
總出品人	張華立、龔政文
總策劃	蔡懷軍
出品人	張勇、蔡懷軍
總監製	周山
監製	鄭華平、梁德平、劉琛良、楊喜卿、方菲、張志紅、羅澤軍
拍攝地	馬欄山視頻文創產業園
機位	多機位
製作公司	湖南快樂陽光互動娛樂傳媒有限公司 電視廣播有限公司
芒果TV首播
播出國家／地區	中國大陸
播出日期	2022年4月24號 (2022-04-24)—7月10號 (2022-07-10)
湖南衛視首播
圖像制式	SDTV 576i HDTV 1080i
聲音制式	立體聲
播出國家／地區	中國大陸
播出日期	2022年4月24號 (2022-04-24)—7月10號 (2022-07-10)
播出時間	逢星期日 19:30－22:00
翡翠台首播
圖像制式	HDTV 1080i
聲音制式	立體聲
播出國家／地區	香港
播出日期	2022年4月24號 (2022-04-24)—7月17號 (2022-07-17)
播出時間	第1-6集： 逢星期日 20:30－22:00 第7集起： 逢星期日 20:30－22:30

節目主要喺湖南長沙拍，嘉賓嚟自香港同中國大陸嘅歌手，同新生代歌手參加，以全新風格，重新演繹香港嘅經典粵語同國語流行曲。節目喺2022年4月17號芒果TV月湖南衛視播出引言片，首期節目喺2022年4月24號逢星期日12:00喺芒果TV、19:30喺湖南衛視、20:30喺翡翠台播出。引言片喺2022年4月17號芒果TV同湖南衛視播出。引言篇中，包括歌手、作詞人等在內的香港音樂人用心回憶港樂歷史、用情闡述港樂內涵。

節目喺中港兩地都有唔少迴響同討論，但喺香港就被批評扭曲廣東歌曲歷史同埋唔肯提政見唔同嘅音樂人。

• 男隊：林子祥、李克勤、李健、林曉峰、毛不易、曾比特、馬賽克樂隊
• 女隊：葉蒨文、李玟、楊千嬅、周筆暢、劉惜君、單依純、炎明熹、安崎

特邀嘉賓

• 第二次公演︰盧冠廷、呂方（錄像形式表演）
• 第三次公演︰張智霖、王源（現場表演）
• 第四次公演︰周柏豪、楊丞琳（現場表演）
• 第五次公演︰譚詠麟、張明敏（錄像形式表演）、糖妹（現場表演）
• 聲生不息金曲盛典：張智霖、陳小春（頒獎嘉賓）

第一期

呢期係聲生不息初舞台，主題係港樂與「我的驕傲」。第一期，喺北京時間2022年3月27號錄製、2022年4月24號首播。呢期分做男、女歌手兩隊對賽，總共有八個回合一對一比賽，每個回合競演完後，現場觀眾即時投票，投票率最高一方贏。而喺競演開始前，現場觀眾會根據呢期歌手演唱嘅歌曲投票而得出對每個歌手嘅期待值，喺每回合贏嘅一方可以攞嗮對方嘅期待值，全晚期侍值總和最高嘅一隊贏，並且增加一個「港樂」時代唱片嘅名額。最終男歌手隊攞到34分期待值，女歌手隊就攞到38分期待值，呢期由女隊贏。

第一輪

第二期

呢期係聲生不息第一輪競演（上部），主題係港樂與我的「愉快少年事」。第二期，喺北京時間2022年4月9號錄製、2022年5月1號首播。呢期採用合作舞台形式對賽，由隊長帶領，男女2隊分別各以3首合唱歌對戰。總共有三個回合，每個回合競演完後，現場觀眾即時投票，投票率最高一方贏。而喺競演開始前，現場觀眾會根據呢期歌手演唱嘅歌曲投票而得出對每個歌手嘅期待值，喺每個回合贏嘅一方可以攞嗮對方嘅期待值。

呢期獎項：

• 女子組最受歡迎歌曲：葉蒨文、李玟、周筆暢《我要你的愛》
• 男子組最受歡迎歌曲：林子祥、曾比特《單車》

第三期

呢期係聲生不息第一輪競演（下部），主題係港樂與我的「愉快少年事」。第三期，喺北京時間2022年4月9號錄製、2022年5月8號播出。

第二輪

第四期

呢期係聲生不息第二輪競演（上部），主題係港樂與我的「一生所愛」。第四期，喺北京時間2022年4月24號錄製、2022年5月15號播出。

第五期

呢期係聲生不息第二輪競演（下部），主題係港樂與我的「一生所愛」。第五期，喺北京時間2022年4月24號錄製、2022年5月22號播出。

第三輪

第六期

呢期係聲生不息第三輪競演（上部），主題係港樂與我的「城市人生」。第六期，喺北京時間2022年5月14號錄製、2022年5月29號播出。

第七期

呢期係聲生不息第三輪競演（下部），主題係港樂與我的「城市人生」。第七期，喺北京時間2022年5月14號錄製、2022年6月5號播出。

第四輪

第八期

呢期係聲生不息第四輪競演（上部），主題係港樂與我的「葡萄成熟時」。第八期，喺北京時間2022年5月29號錄製、2022年6月12號播出。

第九期

呢期係聲生不息第四輪競演（下部），主題係港樂與我的「葡萄成熟時」。第九期，喺北京時間2022年5月29號錄製、2022年6月19號播出。

第五輪

第十期

呢期係聲生不息第五輪競演（上部），主題係港樂與我「共此時」。第十期，喺北京時間2022年6月12號錄製、2022年6月26號播出。

第十一期

呢期係聲生不息第五輪競演（下部），主題係「勁歌金曲衝刺夜」。第十一期，喺北京時間2022年6月12號錄製、2022年7月3號播出。

第十二期

呢期係聲生不息金曲盛典。第十二期，喺北京時間2022年7月6號錄製、2022年7月10號播出。

前期籌備

播出前林鄭月娥拍片支持

節目播出前，香港行政長官林鄭月娥親自錄製兩分鐘短片，表達自己對香港音樂嘅看法，同埋對呢個節目嘅支持。

林曉峰參賽被網民關注

呢次節目參賽者之一嘅林曉峰，由於佢本身唔係歌手嘅，當網民知道佢參賽嘅時候，都引起咗一啲討論。

播出期間

中國大陸網民反應

節目首集播出引起唔少中國網民討論。炎明熹憑獻唱已故女歌手陳僖儀嘅《蜚蜚》掀起關注，話題「Gigi聲音」一度登上微博「文娛榜」熱搜冠軍，唔夠一日閱讀量已破3千萬。李克勤演唱《傾城》後，相關關鍵字同樣登上中國多個熱搜榜，話題度、閱讀量都達千萬。而憑《初戀》奪「最受歡迎金曲之全場排名第一」金曲，成為首位入圍港樂時代唱片嘅曾比特，亦登上「文娛榜」熱搜頭十名，閱讀量喺一日後破2328萬。

香港網民反應

楊丞琳喺第8集現身，獻唱《使徒行者》片尾曲《越難越愛》。由於楊丞琳本身唔係唱開廣東歌，所以引起一啲網民同媒體嘅關注。

同ViuTV收視比較

由於《聲生不息》喺香港播出第一集嘅時候咁啱撞正ViuTV舉辦嘅《Chill Club 推介榜年度推介 21/22》，所以有啲媒體亦將兩個節目比較。 收視方面，《聲生不息》錄得16.9點，比《Chill Club 推介榜年度推介21/22》嘅5.8點高。不過，有啲媒體就覺得傳統收視本來就唔係ViuTV嘅主要表現層面，5.8點其實已經唔錯，反而《Chill Club》話題就得到較多討論。

部分藝人被指「食兩家茶禮」

喺呢個節目嘅籌備同資料被公佈嘅時候，有啲網民留意有咩參與藝人參與，發現其中一啲喺ViuTV出身，或者被視為同ViuTV關係密切嘅藝人，都會有啲討論，甚至批評呢啲藝人「食兩家茶禮」，其中包括曾比特同林二汶。不過，林二汶最終並無參與。

香港版本剪輯混亂

節目嘅第一集，中國版本有成3個鐘，但香港版本就只得2個鐘。喺第一集播出後，香港版本被一啲網民批評剪輯到支離破碎，將好多寶貴片段刪走，部分刪除嘅鏡頭包括楊千嬅聽到葉蒨文唱完《祝福》嗰陣爆喊嘅場面。另外，好多填詞人片段同中國歌手獻唱嘅片段亦被刪走，被指對音樂人欠尊重。

被指篡改香港同廣東歌歷史爭議

有啲對無綫電視抱有批判態度嘅人認為，《聲生不息》企圖篡改香港同廣東歌歷史。其中Facebook專頁大台監察2.0就提出三點：

1. 有參賽者指「港樂」為「國貨」，抹殺一眾香港作家對廣東歌嘅功勞，而香港發展廣東歌嘅時候，中國仍然只係改革開放初期，連電視台都未開始發展，香港樂壇同中國無關。
2. 廣東歌開始發展嗰陣，香港主權仍未移交，甚至連中英談判都未開始，節目唔應該以「中國香港」稱呼當時嘅香港。
3. 節目講到香港係為中國而發展廣東歌，但由70年代到00年代，大部分廣東歌其實都同中國無關。

而呢啲論點之後亦得到其他人認同，例如思思 TVB 的二三事就同樣批評以「中國香港」稱呼六十至八十年代香港嘅做法。另外時事評論員黃世澤亦批評無綫電視係度幫中國秘訣歷史，粵語流行曲本來就係為建立香港同中國之間防火牆而設，而唔係好似香港係為中國而發展廣東歌。

封殺政治立場相異填詞人

有網民批評，節目一邊話要保育粵語流行曲，另一邊又封殺填詞人。其中第一集入面，李克勤唱出嘅《傾城》，第二集入面楊千嬅唱出嘅《勇》，以及林子祥、曾比特合唱嘅《單車》本來都係黃偉文填詞，但不論係芒果TV定係無綫嘅版本，都並無打出歌曲由黃偉文填詞，被批評唔尊重填詞人。林夕同黃偉文多年來有唔少廣東歌作品填詞，但近年佢哋因為政治立場而被中國封殺，個名喺中國會變成「佚名」。

歌詞刪改

節目入面有啲歌嘅歌詞懷疑因為喺中國被認為政治唔正確而消失咗，譬如節目主題曲《好歌獻給你》就冇咗句「陪伴渡過黑暗長夜」；由炎明熹翻唱容祖兒嘅《心淡》冇咗句「說甚麼再平反」。

中國大陸

中國大陸 湖南衛視 首播收視率 （CSM63）
集數	播出日期	收視率	收視份額	排名
引言	2022年4月17號	0.357	1.46	1
1	2022年4月24號	0.391	2.06	1
2	2022年5月1號	0.574	2.43	2
3	2022年5月8號	0.541	2.22	1
4	2022年5月15號	0.558	2.40	1
5	2022年5月22號	0.481	2.06	3
6	2022年5月29號	0.445	2.00	3
7	2022年6月5號	0.724	3.20	3
8	2022年6月12號	0.637	2.91	3
9	2022年6月19號	0.500	2.44	3
10	2022年6月26號	0.484	2.25	3
11	2022年7月3號	0.398	1.82	5
12	2022年7月10號	0.573	2.73	4

香港