白色強人Ii: 香港電視劇
《白色強人II》（英文：Big White Duel II）係香港電視廣播有限公司同優酷製作嘅時裝醫療電視劇。呢套劇係《白色強人》嘅續集，由郭晉安、馬國明、陳豪、胡定欣、唐詩詠同張曦雯領銜主演，並由蔣志光、韋家雄、徐肇平、姜麗文、張達倫同劉溫馨聯合演出，監製羅永賢。呢套劇喺2020年11月開拍，喺2021年4月煞青，2022年6月22號喺優酷首播同喺TVB Anywhere上架，7月25號21:30喺翡翠台首播。
故仔大鋼
明成北醫院喺院長楊逸滔（郭晉安飾）同副院長唐明（馬國明飾）嘅領導下，急症室、心胸肺科、神經外科三個核心部門，每日都譜寫住拯救生命嘅醫患故事。逸滔希望推動全面開放藥物名冊，再唔會有人因為買唔起藥而等死，但係受到腫瘤科專家葉晴（胡定欣飾）嘅質疑。葉晴空降到明成北做院長，同逸滔分庭抗禮，點知葉晴被唐明嘅人格魅力同精湛醫術折服，但係唐明淨係在乎未婚妻，急症室醫生蘇怡（唐詩詠飾）。同時，有急症室同普通外科雙專業資格嘅李文信醫生（陳豪飾），由無國界醫生退役，加入明成北急症室，佢擅長處理種種奇難雜症，深得逸滔器重，但佢係逸滔女朋友呂靄寧醫生（張曦雯飾）嘅前任……
角色表
明成北醫院
| 演員 | 角色 | 暱稱／關係 |
| 郭晉安 | 楊逸滔 | YT 院長／外科主管／神經外科部門主管兼顧問醫生／全面開放藥物名冊草案委員會召集人 呂靄寧嘅上司兼男朋友 唐明、李文信嘅好朋友 張庭嘅前夫 睇返《白色強人》 |
| 馬國明 | 唐 明 | 副院長／心胸肺外科部門主管兼顧問醫生 蘇怡嘅未婚夫 余㻣深、楊逸滔、李文信嘅好朋友 睇返《白色強人》 |
| 陳 豪 | 李文信 | Vincent 急症室副顧問醫生／前世界醫護團醫生 有外科醫生執照 楊逸滔、唐明嘅好朋友 呂靄寧嘅前男友 |
| 胡定欣 | 葉 晴 | 醫院發展局港島東聯網總監／院長／腫瘤科部門主管兼顧問醫生 反對全面開放藥物名冊 楊逸滔嘅競爭對手 鍾意唐明 |
| 唐詩詠 | 蘇 怡 | Zoe 急症室副顧問醫生 余湛琛嘅下屬兼好朋友 唐明嘅未婚妻 呂靄寧嘅好朋友 睇返《白色強人》 |
| 張曦雯 | 呂靄寧 | Yan 神經外科副顧問醫生 楊逸滔嘅下屬兼女朋友 蘇怡嘅好朋友 李文信嘅前女友 睇返《白色強人》 |
| 蔣志光 | 余湛琛 | 琛哥 急症室部門主管兼顧問醫生 蘇怡嘅上司兼好朋友 唐明嘅好朋友 睇返《白色強人》 |
| 韋家雄 | 何秉光 | Hugo 心胸肺外科副顧問醫生 唐明嘅下屬 |
| 徐肇平 | 阮振輝 | 輝仔 心胸肺外科駐院醫生 唐明嘅下屬 |
| 姜麗文 | 范慧珊 | Rachel 心胸肺外科駐院醫生 唐明嘅下屬 |
其他演員
| 演員 | 角色 | 暱稱／關係 |
| 張達倫 | 溫銘章 | Martin 醫院發展局主席 |
| 劉溫馨 | 張 庭 | TNN 新聞部總監 楊逸滔嘅前妻 |
出面網頁
- 白色強人II - 主頁 - tvb.com
This article uses material from the Wikipedia 粵語 article 白色強人II, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.