煎堆(粵拼:zin1 deoi1),又寫做煎䭔deoi1;亦有叫油炸䊦;係中國廣東一種食品。華北叫佢做麻糰,而海南就叫佢做珍袋,台灣叫佢做麻飴,越南叫佢做𥹘炟(越南文:bánh rán)(bánh rán,「炸糕」)。
煎堆喺廣東、香港同澳門一帶係賀年食品,正所謂「煎堆轆轆,金銀滿屋」,即係富有嘅意思。另外有隻石榴花煎堆,上面有紅花點綴,好似石榴咁,寓意多仔多福。
煎堆喺香港粥舖會當油器賣,部份香港酒樓都會當點心咁賣。
喺唐朝時長安已經有碌堆呢樣宮廷食品,唐初詩人王梵志有詩:「貪他油煎䭔,愛若菠蘿蜜。」之後唔少中原人南遷,帶埋煎堆來南方,成為廣東食品。
This article uses material from the Wikipedia 粵語 article 煎堆, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.