東方Project

東方Project,簡稱東方,係日本同人遊戲社團「上海愛莉絲幻樂團」(日文:上海アリス幻樂団)製作嘅以彈幕射擊為主嘅一系列遊戲同相關作品。

東方Project同暮蟬、月姬並列為日本三大同人奇蹟,仲同VOCALOID、偶像大師並稱NICONICO御三家,一般認為,東方Project喺同人界咁出名嘅主要原因可能有爾幾個:落足心機做嘅幾何形狀彈幕,自成一派嘅架空世界同埋個性鮮明嘅角色人物,專為每個角色所設計嘅音樂,同埋作者ZUN舊陣時對於二次創作版權嘅管理相對較鬆。

喺2010年10月,東方Project系列獲健力士紀錄認證為作品最多嘅同人射擊遊戲。作者ZUN,幾乎一手包辦全部遊戲嘅製作。淨係得格鬥遊戲《東方萃夢想》、《東方緋想天》、《東方非想天則》同《東方心綺樓》係同黃昏邊境合作嘅,《東方花映塚》結局CG係由alphes繪製嘅,《妖精大戰爭》中嘅立繪係《東方三月精》嘅畫師比良坂真琴畫嘅。

喺原作者ZUN發佈准許並限制二次創作嘅訊息下,東方Project刺激咗同人界嘅創作潮流,以東方為中心嘅二次創作物種類好多,包括動畫、漫畫、插圖、遊戲、MAD、音樂、小說等。

PC-98作品

1996年到1998年間以PC-98為平台發表嘅作品,發行嗰時社團嘅名稱仲係「ZUN Soft」。由於當時PC-98已經衰退緊,爾幾款遊戲並唔出名,但受到日後Windows上新作嘅影響而重新受到關注。現時遊戲商品已經絕版,硬件亦唔易搵到,但係重可以用模擬器運行爾啲遊戲。由于人設、故事背景同之後Windows版嘅有較大唔同,而且ZUN亦都表示希望大家忘記爾五部舊作,所以PC-98平台系列嘅五作俾稱為「黑歷史」。

  • 東方靈異傳 ~ Highly Responsive to Prayers.日文東方霊異伝とうほうれいいでん
    販售日期:1996年11月
    販售Event:鳩山祭
    類別:打磚塊遊戲
    系列第1作。係一個「打磚塊」遊戲,同之後嘅系列作有好大唔同。主角博麗靈夢第一次登場。
  • 東方封魔錄 ~ the Story of Eastern Wonderland.東方封魔録とうほうふうまろく
    販售日期:1997年8月
    販售Event:Comic Market52
    類別:縱捲軸射擊遊戲
    系列第2作,奠定咗東方系列主要遊戲嘅型態。霧雨魔理沙第一次登場。五關卡並追加Extra關卡。
  • 東方夢時空 ~ Phantasmagoria of Dim.Dream.東方夢時空とうほうゆめじくう
    販售日期:1997年12月
    販售Event:Comic Market53
    類別:對戰射擊遊戲
    系列第3作。極之少見嘅「對戰射擊遊戲」。
  • 東方幻想鄉 ~ Lotus Land Story.東方幻想郷とうほうげんそうきょう
    販售日期:1998年8月
    販售Event:Comic Market54
    類別:縱捲軸射擊遊戲
    系列第4作。加入「低速模式」系統,可揀唔同嘅自機,之後系列作嘅特徵已差唔多具備。六關卡並追加Extra關卡。
  • 東方怪綺談 ~ Mystic Square.東方怪綺談とうほうかいきだん
    販售日期:1998年12月
    販售Event:Comic Market55
    類別:縱捲軸射擊遊戲
    系列第5作。六關卡並追加Extra關卡。

Windows作品

製作停咗四年之後,改成喺Windows平台發行作品,並將社團名改成延用到而家嘅上海愛莉絲幻樂團(日文:上海アリス幻樂団)。遊戲整體水準同舊作相比有好大進步,特別係背景音樂同人物設定,表現都幾好,喺同人遊戲中算好叻嘅作品,亦帶動咗好多同人社團嘅二次創作風潮。

值得一講嘅係,作者ZUN身兼程式、音樂、美術、劇本,幾乎一手包辦成個遊戲製作。

Windows作品能夠以三部作品合為一個「三部曲」。例如《紅魔郷》、《妖妖夢》同《永夜抄》,同埋《風神錄》、《地靈殿》同《星蓮船》。

彈幕射擊遊戲

  • 東方紅魔鄉 ~ the Embodiment of Scarlet Devil.東方紅魔郷とうほうこうまきょう
    體驗版公開日期:2002年6月10號
    販售日期:2002年8月11號
    販售Event:Comic Market62
    類別:縱捲軸射擊遊戲
    系列第6作。平台改到Windows。第一次以東方Project嘅名義發行。首次引入成為東方系列特色嘅「符卡系統」(SPELL CARD SYSTEM)。六關卡並追加Extra關卡。
  • 東方妖妖夢 ~ Perfect Cherry Blossom.東方妖々夢とうほうようようむ
    體驗版公開日期:2002年12月30號(Comic Market63)
    販售日期:2003年8月17號
    販售Event:Comic Market64
    類別:縱捲軸射擊遊戲
    系列第7作。低速郁時,人物中間增加亮點(命中判定點),方便玩家擦彈得分。六關卡並追加Extra關卡,達成特定條件重會追加Phantasm(幻想)關卡。
  • 東方永夜抄 ~ Imperishable Night.東方永夜抄とうほうえいやしょう
    體驗版公開日期:2004年5月14號
    販售日期:2004年8月15號
    販售Event:Comic Market66
    類別:縱捲軸射擊遊戲
    系列第8作。引入玩家方人類妖怪同隊嘅操作系統(人妖系統)、刻符系統。並導入「符卡練習」(SPELL PRACTICE MODE)模式,可以畀玩家練習SPELL ATTACK,或係挑戰各角色嘅Last Word。六關卡並追加Extra關卡。
  • 東方花映塚 ~ Phantasmagoria of Flower View.東方花映塚とうほうかえいづか
    體驗版公開日期:2005年6月12號
    販售日期:2005年8月14號
    販售Event:Comic Market68
    類別:縱捲軸射擊遊戲
    系列第9作。作者使用咗之前喺《東方夢時空》用過嘅對戰射擊遊戲系統。呢部作品中十四位角色都有劇情模式,喺對戰模式中重可以同兩位額外角色進行對戰。
  • 東方風神錄 ~ Mountain of Faith.東方風神録とうほうふうじんろく
    體驗版公開日期:2007年5月20號(博麗神社例大祭四)
    販售日期:2007年8月18號
    販售Event:Comic Market72
    類別:縱捲軸射擊遊戲
    系列第10作。開始使用新嘅程式框架,畫面精細咗好多,將彈幕之美表現得更加淋漓盡致;導入咗代替傳統符卡嘅「靈擊系統」、影響得點道具分數嘅「信仰點數系統」,另外,由於有啲人會利用擦彈系統來攞高分,但係會拉慢遊戲進度,所以傳統嘅擦彈系統亦都變得虛位化,唔似之前可藉由擦彈加分。操縱角色亦變返原來嘅兩位主角:博麗靈夢同霧雨魔理沙。共六關,重有EXTRA關卡。
  • 東方地靈殿 ~ Subterranean Animism.東方地霊殿とうほうちれいでん
    體驗版公開日期:2008年5月25號(博麗神社例大祭伍)
    販售日期:2008年8月16號
    販售Event:Comic Market74
    類別:縱捲軸射擊遊戲
    系列第11作。引入咗「通信系統」:可藉由擦彈同其他方式提昇通信值,進而影響得點道具嘅分數。操縱角色仍然係傳統嘅兩位主角,但各自可揀三個妖怪作為拍乸,唔同嘅妖怪拍乸將會影響自機嘅攻擊方式、靈擊範圍同劇情。
  • 東方星蓮船 ~ Undefined Fantastic Object.東方星蓮船とうほうせいれんせん
    體驗版公開日期:2009年3月8號(博麗神社例大祭六)
    販售日期:2009年8月15號
    販售Event:Comic Market76
    類別:縱捲軸射擊遊戲
    系列第12作。取消咗《風神錄》同《地靈殿》使用嘅靈擊系統,恢復自機使用符卡攻擊,並增加飛碟系統幫玩家執道具同埋清理彈幕。操縱角色除咗傳統嘅兩個主角之外,仲可以揀東風谷早苗當自機用。
  • 東方神靈廟 ~ Ten Desires.東方神霊廟とうほうしんれいびょう
    體驗版公開日期:2011年4月15號
    販售日期:2011年8月13號
    販售Event:Comic Market80
    類別:縱捲軸射擊遊戲
    系列第13作。除咗東風谷早苗之外,爾部作品亦追加咗魂魄妖夢作自機。各自機到唔揀得射擊裝備,但係喺低速同高速情況下射擊裝備會有較大分別。導入咗新嘅「靈界系統(trance mode,霊界トランス)」,重首次出現咗識回復體力嘅BOSS。另外,本作重新啟用《永夜抄》嘅符卡練習模式。
  • 東方輝針城 ~ Double Dealing Character.東方輝針城とうほうきしんじょう
    體驗版公開日期:2013年5月26日
    販售日期:2013年8月12日
    販售Event:Comic Market84
    類別:縱捲軸射擊遊戲
    系列第14作,爾作將會延續神靈廟嘅系统設定,保留符卡練習模式,通过大量回收跌落蒞嘅道具可以更多嘅積分同理殘機或者bomb碎片。

彈幕格鬥遊戲

  • 東方萃夢想 ~ Immaterial and Missing Power.東方萃夢想とうほうすいむそう
    體驗版公開日期:2004年8月15號(Comic Market66)
    販售日期:2004年12月30號
    販售Event:Comic Market67
    類別:格鬥動作遊戲
    系列第7.5作。呢部遊戲係同另一個同人社團黃昏邊境(日文黄昏フロンティア)一齊製作嘅,ZUN只負責劇本同一部份背景音樂。
  • 東方緋想天 ~ Scarlet Weather Rhapsody.東方緋想天とうほうひそうてん
    體驗版公開日期:2007年8月17號(Comic Market72)
    販售日期:2008年5月25號
    販售Event:第5回博麗神社例大祭
    類別:格鬥動作遊戲
    系列第10.5作。特有系統係「天氣系統」,唔同嘅天氣唔單影響視覺效果,仲會影響戰鬥結果,因而豐富咗整體遊戲性。
  • 東方非想天則 ~ 追尋特大型人偶之謎東方非想天則とうほうひそうてんそく超弩級ちょうどきゅうギニョルのなぞ
    販售日期:2009年8月15號
    販售Event:Comic Market76
    類別:格鬥動作遊戲
    系列第12.3作。同前作《緋想天》資料片相似。加入五個人,五個新嘅天氣效果,改咗天氣及角色符卡性質,加強咗整體遊戲性。
  • 東方心綺樓 ~ Hopeless Masquerade.東方心綺樓とうほうしんきろう
    體驗版公開日期:2012年12月30號(Comic Market83)
    販售日期:2013年5月26日
    販售Event:博麗神社例大祭10
    類別:格鬥動作遊戲
    系列第13.5作,本作喺2012年10月5日公佈。同《緋想天》唔同,《心綺樓》引入咗新嘅對戰系統,所有嘅戰鬥都改為空中戰,而且畫質提升到720P。

彈幕攝影遊戲

  • 東方文花帖 ~ Shoot the Bullet.東方文花帖とうほうぶんかちょう
    販售日期:2005年12月30號
    販售Event:Comic Market69
    系列第9.5作。同名書籍嘅遊戲部分。控制射命丸文嘅彈幕攝影遊戲。「彈幕攝影遊戲」即係自機喺彈幕中穿行,同時控制鏡頭影低對手嘅相。相機有影相同消除子彈嘅雙重功能(Shoot有「射擊」同「影相」兩種意義)。
  • Double Spoiler ~ 東方文花帖Double Spoilerダブルスポイラー東方文花帖とうほうぶんかちょう
    販售日期:2010年3月14號
    販售Event:博麗神社例大祭7
    系列第12.5作。東方文花帖 ~ Shoot the Bullet.續作。同《文花帖》一樣係控制射命丸文同姬海棠極進行彈幕攝影嘅遊戲,系統同文花帖相似。
  • 彈幕天邪鬼 ~ Impossible Spell Card.弾幕だんまくアマノジャク
    販售日期:2014年5月11日
    販售Event:博麗神社例大祭11
    系列第14.3作。喺遊戲入面,玩家需要控制鬼人正邪,用各種道具去避無可能避嘅彈幕。

彈幕冰凍遊戲

  • 妖精大戰爭 ~ 東方三月精妖精大戦争ようせいだいせんそう ~ 東方三月精とうほうさんげつせい
    販售日期:2010年8月14號
    販售Event:Comic Market78
    系列第12.8作。同名書第二冊嘅遊戲部分。講述琪露諾同三妖精之間展開大對抗嘅故事,加咗同文花帖中「攝影」相似嘅「冰凍」功能。短過其他系列作,難度亦比較高。

參考

出面網頁

Tags:

東方Project PC-98作品東方Project Windows作品東方Project 參考東方Project 出面網頁東方Project日文日本社團

🔥 Trending searches on Wiki 粵語:

謝雨橋譚玉瑛鍾卓穎IPhone口爆天國的階梯蝦條哥香港蔴雀食糊牌型八國聯軍坂井泉水麥紫莉69陳慧嫻曾舜晞郭富城The Nolans黃潔琪長沙灣三角函數九龍辛偉誠許寶恆臺灣桃園國際機場木薯李星熲中國東方航空5735號班機空難國家面積一覽四書五經萬里長城呂慧儀邵卓堯白氏尼日利亞第16屆中華民國總統選舉熟女愛漫遊4曲婉婷李雲迪黑鬼土星環羅哲琛援交吉隆坡我想和你唱 (第五季)三上悠亞南方舞廳第41屆日本眾議院議員總選舉國產凌凌漆唐英傑案扑嘢陳廣池朱棣黃伊汶李芯駖Last Seen!袁綺雯中國四大名著獅子山下亞洲國際餐飲陳伊霖薛之謙西敏寺高圓圓矩陣陳奇志葛綽瑤陳綺雯林沚羿王家晴Beanies袁偉豪廣東金門建築王寶葆葡撻年級廣東麻雀籌碼計法馮盈盈黃氏兄弟🡆 More