升旗易得道

爾檔嘢經常引用爆料，獨家報道香港親中共者醜聞，例如吳克儉係某風化事件當中嘅施害者、鄧炳強個老竇係毒販、譚詠麟等人喺東莞開雞竇、曾志偉以揾人合資做生意為名呃錢、汪奇經常接受大陸國企嘅色情傍飲食賄賂、蘇惠德出奇咁快噉攞到人哋嘅心臟來移植、蕭澤頤係祼官、有中聯辦官員出席違令嘅洪為民生日宴會………

霍嘉誌傍蔡明達亦有份經營三間位於英國黑池嘅酒店（Ashgill Hotel、Kings Court Hotel傍Come-ye-in）。

英國廣播公司於2022年派過人去專訪上述生意嘅負責人及住客。按常理計，與其內容匹配嘅語言係中文傍英文，不過出乎意料，渠只用西班牙文報導。升旗易得道話相信恁係由於中共作祟。

霍嘉誌傍蔡明達都係香港議會選舉籌備委員會嘅成員，亦頻頻為其宣傳。

俾香港親中派指摘及控告

• 2019年12月，何柱國狀告霍嘉誌，指摘升旗易得道2019年12月3號嘅節目誹謗。
• 2021年11月22號，劉業強狀告升旗易得道2021年11月10號嘅節目誹謗。
• 2021年12月10號，東方傳媒機構指摘升旗易得道2021年12月9號嘅節目侵犯版權。

俾YouTube政治打壓

升旗易得道嘅頻道由2021年1月28號起經常出問題，有時部份頻道被禁止操作一排，有時新影片被大量「黃標」，尐畀出嘅所謂處罰理由往往無釐頭尻，又唔回覆申訴，每次有冒充渠等傍老翻其作品嘅頻道出現，系統都會放任好耐，先至收拾……各種打擊加埋，搞到廣告費分賬少徂好多。升旗易得道推斷爾尐係中共或親中共勢力嘅政治打壓手段，並經調查得知，操刀者係某間代理YouTube工序嘅星加坡公司，而估計對方由於權力有限，無本事將渠嘅頻道永久封鎖，惟有耐唔耐搞下小動作，亦因此可以靠開多過一條頻道，來稍為減少傷害。爾類麻煩至今仍會斷續出現，有時好嚴重，有時頗輕微。

俾謎米香港呼籲收拾

升旗易得道對政府強制打疫苗嘅態度一直都係反對，喺2022年2月7號，蕭若元喺謎米香港節目《蕭氏新聞台》當中表示，要動員觀眾，舉報「反疫苗」YouTube頻道片，直至佢哋全部落架，Tony Choi之後喺節目入邊回應，話唔會向蕭若元屈服，仲希望觀眾取消訂閱謎米香港。

支援反送中通緝犯

簡介

升旗易得道曾經長期磅水，協助勇武派抗爭者曾志健、馮清華、王愷銘傍黃竣賢匿埋，亦試過搭路，嘗試引領其逃離香港，不過渠等落網收場。有一個香港政府部門、五檔香港傳播媒界、一檔澳門傳播媒界傍一個香港政治組織，以獨家內容猛烈抨擊升旗易得道，話渠食人血饅頭，為徂賺錢而害到啱啱提到嗰四個人好慘；升旗易得道對此一一否認，亦落力還擊，話對方嫁禍傍陷害；一時之間有無數真假難辨嘅相互指控湧現。

2022年7月14號

香港警務署國家安全處高級警司李桂華宣佈：嚮2022年7月13號，上述四人啟程，打算上快艇着草去台灣，喺香港陸地俾香港警察捉咗，喺之前打點其衣食住行嘅葉豪亦被拉埋；《大公報》早過渠些少，報導徂其中一部份。《香港01》話得知差人為此案查緊升旗易得道。

2022年7月15號

《文匯報》披露嗰四個後生仔之前嘅藏身處所之大廈名。升旗易得道聲稱以前試過秘密恁使錢，安排各人上貨輪潛逃，不過因成行前走漏風聲而取消，至於導致落網嗰趟行程就同渠哋無關。

2022年7月16號

升旗易得道點名Harrison Chan（英文花名）／陳世德（中文真名）／肥仔德（中文花名）傍Nicholas Chan（英文花名）／陳宇軒（中文真名讀音），話渠等先至係壞蛋，行惡時利用嘅渠道包括Telegram 「channel」「🛂探子限定group🛂」。

2022年7月19號傍2022年7月20號

以下三方開始公開譴責升旗易得道：大肥看天下大力指摘升旗易得道，並公開兩段分別出自葉豪傍蔡明達嘅錄音；「探子團隊」發表聲明並公開一截蔡明達嘅銀行電子文件，鄭重反駁升旗易得道；司徒文進 CROSSBONE嘅節目有嘉賓Sandy（英文花名）／佐敦姨姨（中文花名）出聲，講咗唔少嘢，嚴辭斥責升旗易得道。渠等喺跟着嗰幾日同升旗易得道持續互咬，一路有新料爆，均指對方作惡多端，內容亦唔局限於上述之案件。

2022年7月22號

升旗易得道宣稱渠等營運用，設喺香港嘅銀行戶口被凍結徂。

2022年7月24號

《東周刊》刊登徂篇文，講述若干靠明查暗訪得來嘅內容，亦極力批評升旗易得道。

2022年7月26號傍2022年7月31號

蔡明達經Facebook公開自己嘅廿四張銀行手機應用程式嘅截圖傍兩張紙質銀行文件嘅相，話相信葉豪（中文真名）、余日照（中文真名）傍Hebe（英文花名）都有做衰嘢。《東周刊》對於蔡明達傍霍嘉誌嘅採訪材料，經該雜誌傍升旗易得道分別公開，有段曾志健、馮清華、王愷銘傍黃竣賢自拍嘅影片亦然。

簡介

以下只列出長期與之公開互動者。

盟友

• 袁弓夷（袁爸爸 袁弓夷政經評論）^{[未記出處或冇根據]}

仇家

• 黃世澤（martin oei）^{[未記出處或冇根據]}
• Wong Kwok Chung（大肥看天下）^{[未記出處或冇根據]}
• 蕭若元（memehongkong、蕭若元說）^{[未記出處或冇根據]}

• YouTube言論審查爭議
• 香港議會
• 香港之友