做個創世神

《做個創世神》(粵拼:zou6 go3 cong3 sai3 san4,英文:Minecraft,中國大陸叫做《我的世界》)係一款沙盒起嘢遊戲,玩家可以喺個三維世界入面用唔同嘅方塊嚟起嘢。呢隻遊戲係由馬歇佩松出品,佢開咗間Mojang公司嚟搞呢隻遊戲。

做個創世神
Minecraft
做個創世神
官方譯名Mojang
類型沙盒、生存
Mojang
4J Studios(Xbox 360
設計師馬歇佩松
系列做個創世神系列
最新版本
  • Java版:1.19.2
  • 基岩版:1.19.22
  • 基岩版(Beta):1.19.40.21
  • 教育版:1.18.32
模式單人、多人
你要有

Java、OpenGL

開發史同未來發展

《做個創世神》嘅靈感來自《矮人要塞》、《地下城守護者》、 同《Infiniminer》。

Java版

pre-Classic至Classic

馬歇佩松一開頭整隻遊戲嗰時叫《Cave Game》,後來改為《Minecraft: Order of the Stone》,最終又變返「Minecraft」(《做個創世神》)。《做個創世神》踏入Classic前嘅版本叫pre-Classic。

  1. 《做個創世神》Classic 地圖範圍細,好多bug,所以嗰時《做個創世神》唔多人玩。《做個創世神》Classic 搞好之後,2009年5月17日喺TIG Source論壇發佈,好受玩家歡迎。

Indev

Indev(全名 In Development,指開發中)嘅畫面整理好,同加咗啲生物,呢個時候《做個創世神》先有返啲今日嘅標準。

Infdev

Infdev(全名 Infinite Development,指無限開發)喺馬歇佩松決定重新寫啲代碼令地圖無限並程序化生成,而非以前嘅有限地圖嘅開發階段。Infdev嘅地圖嘅盡頭在正負3200萬方塊處。

Alpha

Alpha加咗好多依家《做個創世神》見到嘅嘢,例如加咗多人生存遊戲(SMP)、地獄、新嘅怪獸等。Alpha嘅售價喺€9.95。

Beta

Beta係踏入Minecraft 1.0.0前嘅最後一個版本。「冒險更新」(Adventure Update)(Beta 1.8)係佢嘅主要更新,加咗衝刺、重擊、極限模式、功能全面嘅創意模式同俾《做個創世神》增添咗個結局。「冒險更新」著重於探索同戰鬥。Beta嘅售價喺€14.95。

Minecraft 1.0.0 (Java 正式版)

Minecraft嘅正式發布版——Minecraft 1.0.0喺MineCon 2011期間嘅2011年11月18號下晝9時54分(GMT時間)由馬歇佩松喺主題演講儀式上發布。今次更新包括咗「冒險更新」重未包含嘅功能。其中最主要嘅功能喺可以喺終界殺咗終界龍之後睇到嘅遊戲結局。

Minecraft 1.0.0之後嘅大更新

  • 1.4.2:駭人更新 - 加咗大量嘅新生物(女巫、蝙蝠、殭屍村民同凋零骷髏)
  • 1.5:紅石更新 - 加咗好多種同紅石有關嘅方塊同一種新裝飾性方塊石英方塊嘅更新。呢個版本亦含有計分板系統、新材質包格式同光照引擎優化。
  • 1.6.1:馬匹更新 - 加咗諸如馬、拴繩、煤炭方塊、地毯、資源包同新啟動器之類嘅新特性。
  • 1.7.2:改變世界嘅更新 - 係《做個創世神》嘅一次主要更新,加咗新嘅生態域、新嘅結構、新嘅花、染色玻璃、更好嘅網絡環境、新嘅指令等。
  • 1.8:繽紛更新 - 喺《做個創世神》加咗好多新內容同修改咗好多方面。呢次更新允許地圖製作者更方便噉製作冒險地圖,同加咗好多新方塊同生物,世界嘅邊界變為強制嘅,好多生存機制被修改,加咗旁觀者模式,效能顯著上升同加咗自訂世界嘅選項。
  • 1.9:戰鬥更新 - 係《做個創世神》嘅一次主要更新。呢次更新透過加入時間攻擊系統、雙持、追跡之箭、藥水箭同盾牌徹底修改咗戰鬥系統。喺終界中玩家同終界龍戰鬥機制被修改,擴大咗終界島嶼同加咗歌萊枝、終界城、終界船、紫珀方塊、界伏蚌同玩家穿戴後可進行空中滑行嘅鞘翅。
  • 1.10:霜炙更新 - 呢次更新畀玩家用結構方塊嘅能力,加咗岩漿塊、地獄疙瘩塊、紅地獄磚同由骨塊組成嘅化石結構,亦加咗流髑、屍殼同北極熊。
  • 1.11:探險更新 - 呢次更新對實體ID作出咗重大改動,並且加咗窳民(衛道士同喚魔者)、惱鬼、不死圖騰、探險家地圖、偵測器、界伏盒、綠林府邸以及駱馬。
  • 1.12:多彩世界更新 - 呢次更新加咗新嘅合成系統同函數系統、為新手準備嘅提示、釉陶、混凝土、染色床、幻術師同鸚鵡,同取代成就嘅進度。
  • 1.13:水域更新 - 呢次更新注重海洋內容、錯誤修復、技術性特性同優化。加咗諸如藍冰、珊瑚、海靈核心、海帶、海鞘、剝皮原木、剝皮木塊同海龜蛋等嘅方塊,亦加咗諸如藏寶圖、除錯棒、魚桶、海洋之心、夜魅皮膜同三叉戟等新物品。此外仲加咗新生物海豚、沉屍、魚、夜魅、海龜、全新嘅生態域、新嘅自助式世界類型同新嘅生成結構。呢次更新亦加咗好多指令同變更咗已存在嘅指令嘅格式,加咗好多新嘅技術性內容,例如資料包同標籤。
  • 1.14:「村莊與掠奪」- 呢次更新主要喺專注於村莊,包括加咗一個稱為掠奪者嘅窳民變種,同重新設計村莊建築以匹配佢所在嘅生態域。呢次更新亦引入咗好多新嘅方塊同怪物,修改咗合成系統,更新咗針葉林生態域(加咗狐狸同甜莓),加咗新嘅特化叢林竹林(包括竹子同貓熊)。
  • 1.15:「嗡嗡蜂群」- 呢次更新加咗蜜蜂同其相關物品,例如蜂箱、蜂窩同蜂巢。除此以外,呢個更新亦專注於修復錯誤同改善效能,同加入咗好多原本基岩版獨有嘅特性。
  • 1.16:地獄更新 - 呢次更新喺MineCon Live 2019公布。呢次更新為地獄加咗大量嘅特性,包括加咗四種新嘅生態域、四種新的生物同大量新嘅方塊,同時仲引入咗一種名為獄髓嘅裝備品質,透過地獄中稀有嘅遠古遺骸攞。
  • 1.17:「洞穴與山崖Part I - 喺Java版就快有嘅一次主要更新,於2021年年中發布。呢次更新2020年10月3號喺Minecraft Live 2020中首次公布。
  • 1.18:「洞穴與山崖」Part II - 係1.17嘅第二個正式版,2021年年尾發布。
  • 1.19:「荒野」Part I - 係1.19嘅第一個正式版,2022年頭發布。

未來更新

  • 基岩版1.19.30及1.19.40:係基岩版即將到來嘅一次次要更新,發佈時間待定。呢次更新將會同步一啲Java版嘅特性,並修復一啲特性。

地圖

地圖係根據一串隨機且非常長嘅種子字串(種子碼,喺遊戲中輸入/seed就查詢到)形成嘅,所以要隨機形成兩幅完全相同嘅地圖係幾乎冇可能(但可以透過人手動鍵入種子字串以形成相同嘅地圖)。地圖嘅大細非常廣,理論上可以係無限大,因為新嘅區塊可以一路根據種子生成。1.8版加入咗世界邊界,世界邊界所限定嘅範圍以坐標原點為中心,長寬都係六千萬米。

地圖形成嘅模式

預設(Default

仿現實中嘅環境地圖,有峽谷、叢林、草原、山脈、沼澤、沙漠、大海、雪地等基本嘅地理環境,到深啲就有洞穴、廢棄礦井、地牢、要塞等。另外,遊戲裡面多數方塊都唔受重力影響,可以浮喺空中。

放大化(Amplified

比起預設,爾個設定會產生好多高山同峭壁,令地圖更加難玩。

平地(Superflat

完全平地嘅地圖 ,用嚟做各種測試同埋創造。

大型生態系(Large Biomes

大型生態系會同主世界採用相同方法生成,唯一唔同係面積擴展咗16倍。喺相同嘅地圖種子下,預設同巨型生物群系具有相同嘅地貌分佈,只係大型生態系嘅地貌大約擴展咗16倍。

維度(Dimensions

除咗主世界(Overworld)之外,遊戲裡面重有另外兩個唔同維度嘅世界。

下界/地獄(Nether

下界/地獄,仿照地獄嘅形象,由岩漿海同啲下界先有嘅方塊組成嘅地圖,其中存在唔少獨有嘅怪物同材料。要入地獄,玩家必須喺主世界建造起一個地獄傳送門 (Nether Portal)。

終界(The End

終界,或譯「末路之地」(簡稱「末地」),顧名思義,呢個係遊戲嘅最後地方,喺類似於外太空嘅黑暗維度,漂浮喺虛空之中。終界係一個由方塊「終界石」形成嘅「漂浮島」嘅地圖,上面有好多黑曜石柱。嗰度係末影人同終界龍住嘅地方。如果你喺嗰度殺咗終界龍,就代表你搞掂咗生存模式。要入終界,玩家必須喺要塞(Stronghold)入面搵終界傳送門。

衍生遊戲

  • 做個創世神:故事模式(Minecraft: Story Mode)- 一款文字遊戲,喺2015年10月上市,2019年6月25號關閉。
  • Minicraft - 喺2011年12月19號發布。係一隻2D上帝視角平面動作遊戲,由Minecraft嘅創作者馬歇佩松整。
  • 做個創世神:教育版(Minecraft: Education Edition)- 喺2016年11月1號上市。
  • 做個創世神:地下城(Minecraft: Dungeons)- 喺2020年5月26號上市。
  • 做個創世神:中國版(Minecraft China)- 由網易同Mojang一齊開發,喺2017年8月8號上市。
  • 做個創世神:傳奇(Minecraft: Legends)-預計2023年上市。

參考

出面網頁

Tags:

做個創世神 開發史同未來發展做個創世神 地圖做個創世神 衍生遊戲做個創世神 參考做個創世神 出面網頁做個創世神MojangWikipedia:粵文拼音中國大陸沙盒遊戲英文馬歇佩松

🔥 Trending searches on Wiki 粵語:

倪匡蘇可欣伯爵茶鄧浩光黎雪瑩文詠珊王敏奕惠英紅英華書院林肯 (電視製作人)梁凱晴 (藝人)中華人民共和國領導排名美女與野獸素海霖美心集團梁朝偉邱意濃謝霆鋒頂包案吳紫韻東京鐵塔張栢芝梁雁翎戴卓爾夫人習近平負面稱呼袁綺雯陳濬樺混么九北京龘䶛䨻䆉林可瑩殺人放火金腰帶、修橋補路冇屍骸聖家大殿聖柏德歷節告五人百份百餐廳兔猻DAY6LOONG 9Now新聞部主要人員名單江南四大才子逾越節何厚華數學符號華晨宇凱風快晴楊殷彤雞棚柳俊烈男人韓志旼2090年秦嵐呂方中華民國許冠傑上流寄生族鹹濕金宇珍曾紀華家族鋼鐵雄心ZARD周處除三害 (電影)粵語李賢 (香港)郭嘉盈張智霖香港奧林匹克運動會獎牌得主一覽4月4號防彈少年團1991年我想身體健康芭蕾舞詞彙表戀愛季節趙麗穎疊碼仔奧斯卡金像獎老虎機🡆 More