.Sj

.sj係為斯瓦巴和揚馬延而保留嘅互聯網國家代碼頂級域名,域名註冊局係Norid,但係唔對外開放註冊。由於國際標準化組織為斯瓦爾巴特群島和揚馬延兩塊挪威享有特殊司法權嘅領土規定ISO 3166-1二位字母代碼SJ,而國家代碼頂級域名係根據呢個標準而制定嘅,所以呢個域名喺1997年8月21日被寫入根域名庫。與此同時,布韋島獲得對應嘅.bv域名。因為對嗰啲同斯瓦巴和揚馬延有聯繫嘅組織同個人嚟講,挪威分配到嘅.no已經夠用,而挪威政策規定唔將域名資源商業化,所以.sj域名唔開放註冊。如果呢個域名投入使用,佢將會受挪威通信管理局監管,並遵循同.no相同嘅政策。

.sj
.Sj
推出日期1997年8月21號 (1997-08-21)
頂級域類型國家代碼頂級域名
狀況唔開放註冊,但係喺根域名庫入面
域名註冊局Norid
贊助組織Norid
預期使用.Sj 冷岸群島同揚馬延島
相關文件相關政策
註冊局網站www.norid.no

歷史

斯瓦爾巴和揚馬延係挪威兩塊特別嘅領土(非建制地區)。《斯瓦爾巴條約》授予挪威政府對斯瓦爾巴嘅完全主權,但因為群島係自由港,唔屬於歐洲經濟區同神根區,所以享有特殊地位。而揚馬廷係大西洋上幾乎無人住嘅火山島,係挪威領土嘅一部分。制定ISO 3166標準嘅時候,有人建議單獨分出斯瓦爾巴,但係挪威當局選擇將揚馬延都包埋入去。按照呢個標準,.sj域名同.bv域名喺1997年8月21日同時分配,寫入全球根域名庫。

2015年6月,挪威計算機科學家哈肯·維姆·萊同社會主義左翼黨提議啟用.sj域名同.bv域名,並提供畀挪威嘅公共部門、組織同埋一啲個人,用嚟存儲數據並安全表達言論,而唔使擔心安全問題。呢個提議目的係保護挪威當局同外國持不同政見嘅人免受監視。

政策

.sj域名嘅註冊局係位於挪威特隆赫姆嘅Norid,佢亦都係.no同.bv域名嘅註冊商。Norid係Uninett持有嘅一家有限公司,而後者就係挪威教育同研究部所有。法律上,呢個域名嘅管理權基於兩方面,一方面係同互聯網號碼分配機構達成嘅協議,另一方面係由位於挪威利勒桑嘅挪威通信管理局出台嘅《電信法》規定。

.sj受《挪威國家代碼頂級域名域名管理條例》(Regulation Concerning Domain Names Under Norwegian Country Code Top-level Domains)監管。呢條條例亦都監管挪威.no同.bv兩個頂級域名。如果.sj遲啲開放使用嘅話,佢嘅監管政策將會同目前.no相關嘅政策相同。雖然呢個域名被保留,未來可能使用,但對於嗰啲同斯瓦巴和揚馬延有聯繫嘅組織同個人嚟講,挪威分配到嘅.no已經足夠使用;而對.sj同.bv呢兩個未使用嘅頂級域名進行商業化,唔符合挪威嘅政策,所以挪威暫時無計劃開放呢個域名嘅註冊。

參考資料

睇埋

出面網頁

Tags:

.Sj 歷史.Sj 政策.Sj 參考資料.Sj 睇埋.Sj 出面網頁.Sj

🔥 Trending searches on Wiki 粵語:

陳子豐敦煌石窟水獺4月22號桔梗奧米嘉儀薛之謙複合材料西維爾足球會米津玄師中華人民共和國領導排名老撾許光漢鹹濕詹可琳干支謝霆鋒美式咖啡飛蛾白雪公主梁小冰徐廣林黃雅慧霉菌潘紹慈各國兵力一覽馬蹄 (植物)鋤大弟五餅二魚何居倬亞洲國際餐飲亞氏保加症洪嘉豪湯之欣陳寶蓮驚安之殿堂贏在旅遊起跑線朱栢康牛奶公司林潤娥𨋢單文柔蜜袋鼯香格里拉日本仲可以咁玩鍾奕莊家族何啟華房時爀2012年5月20號日食非黑即白吳家樂世界語關之琳張員瑛桃樹人人耆望可食到廣東話粗口追夢人日本梁家琪觀塘廣場彭于晏數學符號尚雯婕臥底旅行團玩轉腦朋友啟德機場鄧卓殷打天下適者生存 (電視節目)雅慧On9中華人民共和國全國運動會亞洲容可兒經濟用語🡆 More