藍鯨

藍鯨個身係深藍灰色，身上佈滿銀灰色斑紋。係一條相當流線型鯨魚，個頭比其他鯨魚闊好多。佢嘅脷有大象咁重，心臟大細同車差唔多，動脈血管可以畀人游。

藍鯨通常喺離岸較遠嘅水域度游，多數單獨或者成對母子咁游。游得好快，大約每小時6至8海里，如果被嚇親重可以游到18-20海里呼氣時會噴出白色嘅直立霧柱，有10米咁高。每次10-20秒噴氣，每次2-6分鐘後，就潛水10-50分鐘不等。

藍鯨係濾食性動物，會用鯨鬚濾食佢哋唯一嘅食物——磷蝦，一日內大約可消耗6噸食物。佢哋嘅咕嚕聲，嗡嗡聲同呻吟聲嘅音量有時超過180分貝，係所有動物之中吼聲最大嘅，喺1000米外都可以俾其他鯨魚聽到。

因為藍鯨有90%時間都係沉喺海底，所以而家人類對呢種鯨魚嘅生態資料唔多。

藍鯨響 20 世紀之前全世界嘅海洋都好易搵倒，喺 20 世紀頭嗰 40 年，藍鯨俾人捉到差唔多絕種。國際社會，響1966年，取締捕鯨呢種行為，2002年一份報告估計有 5000 至 12000 條，分成五本地組（local group）。較近對 Pygmy 亞組嘅研究認為呢個數目可能低估。響大量捕鯨之前，數目最多係 239,000 條（由 202,000 至 311,000 條 ）喺南極搵倒，家下只剩低 2000 條集中喺東北太平洋、南極、以及印度洋。北大西洋至少重有兩組，南半球亦有至少兩個。

而家人類對呢種鯨魚嘅生態資料唔多。