植物: 生物嘅一種主要形態，多數利用佢哋自己嘅葉綠素，透過光合作用整營養出嚟。

植物界
各式各樣嘅植物
物種分類
界 植物界 Plantae
門
睇內文

植物可以靠太陽光或其他生物做營養為生。多數植物都利用佢自己嘅葉綠素，透過光合作用整營養出嚟。

 

古希臘人阿里士多德將生物區分成植物（通常唔會郁）同動物（識周圍走去搵嘢食）兩種。響林奈系統裏面，就俾佢分為植物界同動物界兩界。原先一啲真菌同幾種藻類都被歸納入去，之但係無論響專業方面，定抑或響普通人眼中，好難對「植物」作完美而極之明確嘅界定。

當使用林奈對「植物界」呢一個概念嗰陣，通常會係指三種概念嘅其中一種。由細至大，呢三個類群會係：

• 有胚植物，係最狹義嘅植物範疇。
• 綠色植物，由有胚植物、輪藻門（好似車軸藻）同綠藻門（例如石蓴）所組成。呢一個分支係呢篇文嘅最終定義。
• 泛植物，由綠色植物、紅藻同灰色藻所組成。呢個係定義最廣闊嘅植物分支，包含咗大多數響遠古時代直接吞噬藍菌而得到葉綠體嘅真核生物。

據估計而家全世界大約有350,000個植物物種，可以分類為種子植物、苔蘚植物、蕨類植物同蕨類相關。直至2004年，其中287,655個物種已經被確認，有258,650種開花植物、16,000種苔蘚植物、11,000種蕨類植物同8,000種綠藻。

成長

植物嘅成長通常係靠光合作用解決。植物會利用太陽光作為能源，將大氣層嘅二氧化碳轉化成糖。呢啲糖分會成為植物嘅主要結構成份。植物同時要利用泥土取得水份、氮、磷等等基本養分。當然氧氣亦係唔可以缺少嘅。

 

影響成長嘅因素

• 植物嘅基因：佢絕對會影響植物本身嘅成長，例如大麥有啲品種可以響110日之內成熟，但響其他相同嘅環境底下，就會生得比較慢，需要155日。
• 環境因素：亦即係溫度、水、光同泥土裏面嘅養分等等。
• 其他生物嘅存在：植物會同其他植物爭空間、水份、光線同養分。植物可以互相搏到冇一個能夠單獨成長。

簡單嘅植物好似藻類，條命通常會好短。其他植物就可以按佢嘅季節性成長模式，分成以下幾種：

• 一年生植物：響一年裏面成長，並且繁殖嘅植物。
• 二年生植物：響二年裏面成長嘅植物，通常會響第二年時候繁殖。
• 多年生植物：成長好多年，一旦成熟之後，會持續繁殖落去。