斐濟

 

斐濟成個國家由斐濟群島組成，總面積（包含海域面積）為194,000平方公里，其中只有10%面積係陸地。斐濟喺夏威夷檀香山西南大約4,450km，紐西蘭以北大約1,770km。

斐濟群島一共有322個島，同埋522個小島礁。呢啲島嶼其中大約只有106個有人住。最大嘅島嶼係維提島，佔全國面積大約57%，首都蘇瓦同其他重要城市包括勞托卡都喺呢一個島上面，亦佔全國69%總人口住喺維提島。呢個島好多山，最高峰有1200m，亦有熱帶雨林。另外，瓦努阿島係斐濟第二大島，面積佔全國30%土地，人口大約佔全國總人口15%。

斐濟屬於熱帶海洋氣候，全年氣温變化唔大。其中11月到第二年4月氣温較高，5月至10月氣温相對較低，但係相對涼爽嘅季節平均溫度仍然有22°C（72°F）。

 

斐濟主要經濟活動係農業、漁業、林業、製造業、礦產業、資訊同通訊產業、影視工業為主。

農業方面，包括栽培農作物同新鮮生果。蔬菜方面，包括芋頭、椰子、可可豆、木瓜、各種生果同蔬菜、卡瓦（Kava）同稻米。畜牧方面，包括牛肉、乳品、豬肉、家禽、綿羊、山羊同養蜂。漁業對斐濟經濟具有好大意義，佢係斐濟就業同外匯收入主要來源。林業可供砍伐嘅林地面積總計大約956,860公頃，佔國內產值（GDP）1.3%。製造業多數係基礎工業。採礦同採石業平均佔國民生產總值1.4%。

根據2010年調查，斐濟一共有631868名遊客，比2009年增長16.5％。當中澳洲遊客佔50.4％，係最大遊客群組，一共有318,135人；第二名係紐西蘭，有97857人；第三名係美國，有53122人。

2019年主要遊客係澳洲（367,020人）、紐西蘭（205,998人）、美國（96,968人）、中國（47,027人）、英國（16,856人）、加拿大（13,269人）、日本（14,868人）、南韓（6,806人）。