披頭四樂隊(The Beatles,亦譯作「甲殼蟲樂隊」,因團名 Beatles 嚟自甲蟲 Beetles 嘅典故)係嚟自英國利物浦嘅四人搖滾樂隊組合。佢哋喺1962年同 EMI 百代唱片公司簽約錄製唱片。1963年初,單曲唱片《Please Please Me》登上英國排行榜嘅首位。1964年,披頭士首次去到美國演出。1966年喺東京嘅日本武道館舉行咗大規模嘅音樂會,1966年8月29號晚喺三藩市舉行最後一場嘅收費現場音樂會。1970年4月10號,成員保羅麥卡尼個人專輯中嘅話畀媒體視為宣布樂隊解散,1970年12月31號,保羅正式起訴樂隊其他三位成員,要求結束樂隊合作同埋指明管理並分配樂隊財產嘅正式人選。
披頭四最後一首出嘅歌係2023年出嘅 《Now And Then》,由1994年小野洋子交畀樂隊其他三位成員嘅 Demo,經人工智能分開人聲同鋼琴聲之後重新錄音。
This article uses material from the Wikipedia 粵語 article 披頭四, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.