廣州人

廣州人(粵拼:gwong2 zau1 jan4)指長期住喺廣州市嘅人,或出生地、戶籍、籍貫、祖籍喺廣州市嘅人。主要語言為廣州話。好多人對「廣州人」呢個詞有唔同嘅理解。

身份

  • 老廣州人一般認為,識得純正廣州話、熱愛並瞭解廣州本土文化、兼且土生土長嘅人,先算得上係廣州人。老廣州人一般只限定喺越秀荔灣、海珠、白雲部分地區。
  • 出生喺白雲區(新市以北等鄉鎮)、花都區、番禺區、增城市及從化市等地方嘅人,一般唔叫自己做“老廣州”。
  • 白雲部分區域、花都、番禺、增城及從化等地方長大嘅人,同廣州本地人交流嗰陣,亦會認為自己係當地區縣人,例如番禺人士會話自己係番禺人,一般唔會話自己係廣州人;
  • 廣州人舊時慣稱廣東省珠江三角洲一帶地方做「四鄉」;
  • 有新移民同外地人話「只要有廣州戶口,就算廣州人」;
  • 政府話「只要喺廣州打工嘅外來工」都算廣州人,但就叫「新廣州人」。

廣州人同廣州話

廣州係一座沿海城市,從清朝嗰陣時,就已經係對岸通商口岸,海外華僑好多,幾乎每個廣州人都有親戚喺港澳海外。兼且受到香港電視廿幾年嘅影響,廣州人可以容納多種唔同文化共存,而唔會鄙視貶低。

喺中華民國時期及之前,廣州學校都用廣州話嚟母語授課。中國共產黨建政後開始打壓粵語,學校全部改成普通話,且唔再保留母語課程,再宣傳「喺學校講廣州話不文明」對學生進行處罰等措施。喺文化大革命時期,所有粵語歌、粵曲等都被取締,換成鋪天蓋地嘅普通話革命紅歌,嗰陣時廣州人就將呢啲歌曲,改成粵語惡搞歌詞嚟自娛自樂。從嗰陣時起,廣州喺粵語中心區嘅角色,就被香港所取代。粵語到而家都仲係香港官方語言,並冇當局行政干預,使其充分繁榮發展。

1980年代,隨著改革開放,「偷偷翻錄香港嘅廣東歌、流行曲、錄音帶」嘅日子成為過去,廣州同香港嘅交流中斷咗差唔多30年後,先至重新駁返。但係,由於廣州缺失對粵語系統教學,並且長年以嚟廣州仲進行緊政治推普宣傳,所以廣州後生一代,逐漸講唔出流利嘅標準音調同傳統詞彙,普通話詞組嘅直譯比比皆是。1949年之前廣州市嘅主要英文拼寫方案,係傳統粵式郵政式拼音,但從1950年代開始,就被當局強行取消。喺21世紀香港開放自由行之後,先逐漸被廣州人所重新認識。但好多人已經話嗰啲係「香港拼音」(參見廣州地名),而實際上卻係源自廣州,現今喺海外嘅使用率仲高過廣州。

到近年嚟,當局仍然時不時有小動作,嚟挑戰廣州人嘅底線。例如:有官方背景嘅廣州地鐵,就多次被發現喺部分線路取消咗粵語報站,但解釋都係「故障」或者「冇儲存空間」;官方機構嘅熱線電話,亦冇粵語電腦語音服務;喺學校同政治科試卷宣傳,話粵語係「不文明」等等。到2010年嘅市政協委員建議「取消廣州電視台嘅粵語廣播」後,終於令廣州人忍無可忍,用上街示威。

當局為咗賣地賺錢,經常將公租房、廉租房、限價房(即香港嘅公屋、居屋)嘅興建位揀喺城鄉結合部,而幾乎從嚟唔會選擇返喺市區地段,其目的係「抽疏老城區」。例如白雲區嘅金沙洲新社區同同德圍、芳村地區嘅芳和花園、海珠區嘅毛紡廠(唔係舊城所在嘅河南區域)、天河區廣氮花園等地,使廣州市民被迫搬離舊區。而喺西關恩寧路嘅「危房改造工程」里面,當局只為有產權嘅居民提供回遷方案,仲要係回遷到距離原地塊約模一公里外嘅待建小區;其餘嘅公私房(樓)租客部分要遷到挨近佛山市南海區大瀝鎮黃岐嘅金沙洲新社區,部份遷到天河區嘅珠江新城,部分自謀出路。而持普通話、各地方言或「唔鹹唔淡」粵語嘅外地租客,反而開始湧入西關。佢哋大部分喺西關附近嘅批發市場打工,例如黃沙水產批發市場、十三行附近嘅服裝批發市場。因為呢類人士受教育水平較低,其不良生活習慣,使舊區環境更加惡劣。隨着舊城嘅空心化,傳統民俗文化亦都加速消亡。有恩寧路舊街坊話,舊城改造唔單止係興建新樓,仲需要等土生土長嘅西關人安住喺西關,「如果西關啲街坊,都要搬到好遠嘅地方,咁邊個講述西關歷史啊?重塑西關歷史文化,又從何而談?等本土居住嘅人留喺本地,先係至關重要。根嘅傳承,仲要靠原住民啊」。

廣州人同外地人嘅關係

喺廣州人捍衛自己本土文化嗰陣,有部分外地人話粵語係「鳥語」,且該部分人根本唔考慮廣州當地實際情況,話「廣東嘅電視台用粵語,係搞獨立」,咁就不可避免引起大部分廣州人不滿。

大部分廣州人認為,只係想賺錢、唔想學粵語、唔想融入廣州文化嘅低質素外地人太多,加上當局打壓,係造成廣州粵語被邊緣化嘅一個因素。喺廣州以至於整個珠三角,對外地低素質人士同軍人嘅主要印象,都係「犯案率高、偷呃拐騙、隨地吐痰、亂拋垃圾、高聲喧嘩、野蠻暴力、帶小朋友喺地鐵大小便、冇禮貌、排隊兼隊、軍車衝紅燈」等等。而嗰啲人大部分都係講普通話。對比咗香港2012年嘅「蝗蟲論」之後,有部分廣州人深有共鳴,產生或多或少嘅排外心理,認為廣州如果能夠好似香港咁就好了。每年嘅春節假期,亦都係廣州一年之中最乾淨嘅日子。

外地人話,「冇咗外來工,就冇人肯做低下崗位,廣州就冇今天嘅建設成就」,話廣州人存有「優越感」。廣州人就話,喺中華民國及清朝之前,廣州嘅城市建設大部分係靠自己人,就算國民政府嘅廣東政策都係「粵人治粵」。外來人口數目與日俱增,帶嚟好重嘅交通壓力,當局為咗為緩解交通壓力,興建廣州地鐵,而拆毀咗中山路嘅大段騎樓,使大批老字號消失,而嗰啲係廣州人嘅集體回憶。而低下崗位(清潔工同建築工人等)因為中國大陸嘅勞動力太多,所以工資亦都好低,做呢啲工作嘅廣州人無法喺市區立足;相反,香港有最低工資同最低工時保障,喺嗰處從事低層崗位嘅人,都仍然係香港人。

目前,大部分廣州後生仔通曉普通話,同非廣州話母語嘅人士溝通嗰時亦會使用。

喺廣州人主導嘅2010年廣州撐粵語行動中,整個遊行過程,都係理性表達訴求。但喺2012年中國反日示威活動中,由外省人主導嘅遊行,出現乘機破壞、趁火打劫嘅情況,致使廣州民眾話:「衝入酒店、衝擊店舖嘅人,都係講普通話、夾雜各地口音」,對佢哋扮成廣州人到處搞事感到憤怒。而經調查,打砸店鋪嘅人確實都係外省人。當晚有廣州中學生自發喺遊行路段打掃及清理街道,呢種「文明舉動」喺中國大陸少有發生,於是引起香港媒體關注,官方香港電台特別報導,台灣嘅中央社轉載。

鄰里關係

廣州人性格低調、務實、溫順。稱呼鄰里為“隔籬鄰舍”,住喺附近人士為“街坊”,鄰里關係好,且樂於守望相助,習慣和氣生財,因此先前大家都夜不閉戶,好少有發生傷害性事件。但而家廣州鄰里關係中,摻入咗許多外地人,言語溝通同生活習慣唔同,及外地人士嘅素質參差不齊,外地人入屋搶劫案件頻發,導致鄰里關係普遍趨向於冷漠同僵硬,只有舊城區同部分廣州人仲保留住良好嘅鄰里關係。

生活習慣

  • 語言文字:同香港人同聲同氣,同講粵語廣州話,但自中共建政以嚟嘅長年打壓政策,唔少新生代嘅廣州人,已經常用普通話直譯嘅粵語詞,而唔識用粵語原有嘅詞彙,部分人連普通詞彙嘅讀音都出錯。好彩受香港澳門電視台影響,廣州人仲係大部分都會睇正體中文,本土後生仔喺網上用正體字、粵語中文字嘅比例亦算較多。
  • 飲茶:飲茶為老一輩廣州人嘅日常必需,由早茶到午夜茶都有人幫趁,因此廣州茶樓普遍開到深夜,上茶樓亦成為廣東文化嘅重要組成部分。
  • 粵菜蔬菜類一般清淡過北方人,卻講求鮮味,鍾意食海鮮野味。家庭菜多數以清餸嘅清淡口味為主,而喺酒樓則以鮮味為主。舊時廣州部分人士口味廣,乜都敢食。因此有外省媒體批評,基本上「天上飛嘅、地上爬嘅、水裏邊游嘅、背脊朝天嘅」都敢食。但受到香港電視上漁農自然護理署等政府宣傳片及新聞報導(喺香港,虐待動物即會判監)嘅影響,21世紀以嚟市區食肆已好少見到有貓狗供應,而就算郊區有供應嗰陣,亦會受到動物權益保護人士投訴,以及媒體關注。
  • 涼茶:因應氣候濕熱,廣州人會用涼茶消暑。
  • 煲湯:廣州人鍾意煲湯,煲湯被認為更容易煮出食物嘅營養,因此有「廣東老火靚湯」之名。
  • 火鍋(俗寫打甂爐):廣州人當有親朋好友同聚嗰陣,就用打甂爐代替煮餸。材料多數用貓狗羊兔等嘅御寒肉類,想便就用雞鴨鵝等。而家打甂爐嘅食材,就更加多元化了。
  • 宵夜:廣州人有喺深夜臨瞓前小食嘅習慣,意在地道方便。
  • 知慳識儉:唔鍾意鋪張浪費,唔亂使無謂錢,外出茶樓食肆就餐鐘意打包,鍾意「抵食夾大件」。
  • 公民社會:廣州人嘅議政參政程度較高,曾出現拇指妹、舉牌哥等問政活動,並且迫使當局改變政策嘅先例;南方電視台彭彭(彭維納)嘅敢言風格,就曾被香港電台《頭條新聞》、《太陽報》及《蘋果日報》報導;廣州電視台新聞日日睇》前主持人陳揚亦一樣受到廣泛關注。

廣州人嘅認同感

「新廣州人」

所謂嘅「新廣州人」,係相對本地廣州人而言。「外地人點樣先可以成為新廣州人」係個討論熱點,有廣州官媒話「而家喺廣州商業區及新開發區工作嘅非廣州戶口人士」應該屬於廣州人。有時都指「新被納入廣州市範圍地方嘅人」,由於呢啲人所在地區而家屬於廣州市管轄,所以成為相對意義上嘅新廣州人。亦有部分人話「喺廣州工作嘅外地人子女,因其喺廣州成長及上學,理應成為新廣州人」。

目前未有廣州戶口嘅「新廣州人」,佢哋喺廣州嘅福利政策,相比少過本地廣州人,例如就學、工作保障等等,同廣州人並唔平等,被認為係「引致對廣州認同感不足嘅誘因」。但正如陳揚所講,「新廣州人」當廣州係戰場,而唔係家園。但廣州本地人同外地人難以融洽相處,以及本地語言問題,仍然係「外地人能否成為廣州人」嘅一個主要評判標準。

新移民問題

廣東省人口,從20世紀六七千萬激增到而家超過一億一千幾萬,外來人口喺過去二三十年冇節制咁增長,使廣東成為第一大移民大省,人口多過越南(人口約八九千萬)兩三千萬,廣州市人口亦從原來嘅五六百萬人,激增超過千幾萬。近十幾年社會治安變得非常復雑,有人認為同大量外省人士進入廣東紀律部隊有關,因為外來人士可能為鞏固自身勢力,而聯群結黨安置親屬及老鄉到所駐守在地基層單位工作。批評指出,呢類人士連最起碼嘅當地語言都唔識,反而恬不知恥噉放言「為當地作貢獻」,有啲地方居然仲出現外來人口多過原居民嘅奇怪現象。

需要指出,喺而家大陸政制下,非城市人口可能依靠戶籍占有土地或宅基地,而城市人口就反而冇咁嘅權利。咁樣一嚟,喺城市裏邊兩種人口,喺城市福利競爭之中,非城市人口顯得更加有資源優勢,被市民批評為“占有兩種資源非常爽”。

目前有建議,要求政府嚴控湖南河南四川東北呢啲人口大省人士,嚟跨省工作定居,強制遣返外來人口返原籍,將廣東人口控制喺8000萬人以內。

參考

睇埋

Tags:

廣州人 身份廣州人 同廣州話廣州人 同外地人嘅關係廣州人 鄰里關係廣州人 生活習慣廣州人 嘅認同感廣州人 「新」廣州人 參考廣州人 睇埋廣州人Wikipedia:粵文拼音廣州市廣州話

🔥 Trending searches on Wiki 粵語:

顧紀筠周杰倫澳門綠皮書法國香港銀行一覽劉德華口交Wild Boar趙麗穎傅孟柏蔣家旻劉蘊晴廣東城市一覽天主經熟女愛漫遊神魔之塔北極熊徐有潔油炸鬼無間道風雲空肚講宵夜彭麗媛死亡塔泰文安冬晴古巴導彈危機國家面積一覽龍珠老虎機樊沛珈香港特別行政區行政長官守護甜心!聖家大殿喼汁真田廣之火焰龍山隧道香港童軍總會陳自瑤陳奇志陳蒨葶黃敏蕎手掌笠 (民間故事)中蘇交惡葉萱羅力威石矢陳瀅經濟用語加侖彩虹站第三條路軌傳說普洱Feeling Good陳書昕方中信新天鵝堡微辣四書五經生命麪包 (遊戲)瑪莉蓮夢露IPhone李澤鉅今天只做一「健」事黃瀅仴羅允芝北京青衣站防彈少年團仙荻廬泊香港隧道一覽元素週期表人民幣911事件科莫多巨蜥🡆 More