安息年(希伯來文:שמיטה,羅馬拼音:shmita),係七年耕作周期嘅第七年,安息年期間,土地必須休養,所有土地都要停止耕種,現代嘅猶太教仍然遵守呢個規定。
根據《利未記》記載,上帝嘅子民經過六年嘅播種、剪枝、收割,就要俾土地歇息。嗰啲喺田上自然生長嘅產物係畀窮人收取嘅,餘低嗰啲就留畀野獸。上帝為咗避免佢嘅子民驚住之後唔夠物資,保證第六年所出產嘅可以足夠使用三年,而第七年就稱為「安息年」(Sabbatical Year)。凡違反呢個這律例嘅子民,都要受到上帝嘅憤怒同懲罰。
喺安息年期間,土地需要休養,所有農業活動,包括:耕種、栽種、修剪、收割,都一律禁止。其他農業技術,例如:淋水、施肥、除草、噴霧、割草等,只可以進行預防措施,而唔係用嚟提高果樹同農作物嘅產量。此外,所有自己生長嘅果實都會視為無主嘅(hefker),任何人都可以攞走。各種律法亦應用喺安息年農產品嘅出售、消費同處理。
This article uses material from the Wikipedia 粵語 article 安息年, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.