好奇

 

好奇係一種心理狀態，可以當係情感嘅一種。喺心理學定義上，情感可以泛指啲同動機相關嘅身心狀態，每種情感都會對應某類特定嘅刺激，亦會對應某拃特定嘅身心變化，令個人有動機去做某啲行為。舉例說明，驚係種情感－

• 刺激：一隻動物會驚，通常係因為感知到啲危險嘢；
• 身心變化：隻動物驚，就會心跳加快同埋對眼擘到大一大；
• 動機行為：佢往往會有股強嘅動力想逃走，遠離令佢驚嘅刺激。

而响心理學上，好奇感係畀人噉描述嘅：

英文原文："... the impulse towards better cognition."
－粵文翻譯：（好奇係）嗰股（令人）趨向更優良認知嘅衝動。

英文原文："... a 'manipulatory motive' - that drives organisms to engage in puzzle-solving behavior that involved no tangible reward."
－粵文翻譯：（好奇係）一股操作性質嘅動力—會引導生物去作出唔會帶嚟咩具體犒賞嘅解謎行為。

英文原文："... a cognitive induced deprivation that arises from the perception of a gap in knowledge and understanding."
－粵文翻譯：（好奇係）一股受引起嘅認知缺乏感，源於感知到（自己）响知識同理解上有罅隙。

基於呢啲描述，好奇就可以噉想像^{:Sec. 2}：

• 刺激：源於隻動物感知到啲認知上有刺激性嘅事物（睇下面）；
• 身心變化：一隻動物覺得好奇嗰陣，唔會好受壓，彷彿好似件事物係一樣犒賞噉；
• 動機行為：佢仲會有探索行為，會（例如）行埋引起佢好奇嗰件事物度，想睇清楚啲件事物。

心理學、神經科學同動物行為學等嘅領域都有對好奇感做研究，會想知（例如）一個人覺得好奇嗰陣，佢個腦裏面發生緊啲乜變化。而且人工智能（AI）領域嘅工作者，仲有嘗試教電腦展現出好似人同第啲動物噉嘅好奇行為^{:Sec. 3}。

• 新穎（睇埋不匹配負向波）
• 不確定性
• 衝突
• 複雜

強化學習（RL）可以結合人工好奇嚟用：喺廿一世紀初，AI 最大嘅弱點係專化得滯，教一個 AI 幫手睇病，佢唔會識得（例如）做法律相關嘅判斷，但由現實經驗可知，人有能力學完一樣嘢走去學第樣；噉嘅其中一個重要原因係，人具有好奇心－喺手上資訊唔夠嗰陣，人往往會主動噉去搵新嘅資訊吸收；於是有 AI 研究者就提出咗「人工好奇」嘅概念，主張要用電腦模擬人類嘅好奇心，從而教到 AI 唔使吓吓都要由人類畀資訊佢，而係會曉自己搵資訊吸收。

對於人工好奇嘅概念，有人就舉咗個噉嘅例子：

• 想像家陣有個人喺一間超市裏面兜圈噉行，想搵菠菜；
• 喺每一步，個人都行經幾排貨架，呢啲貨架上面並冇菠菜；
• 如果個人係跟簡單 RL 行事嘅，佢會一路噉「周圍貨架冇菠菜，冇任何一個選項得到強化」，進入「永世都唔會離開個圈」嘅狀態；
• 但假如個人具有好奇心嘅能力，曉（例如）有動機想探索未行過嘅路線，隨機噉揀條圈以外嘅路線行－就有可能最後搵到菠菜，或者最少脫離「係噉兜圈」嘅狀態。

有研究者指，呢點就係缺乏好奇心嘅 AI 嘅問題所在－冇好奇心嘅智能體，一定要有人畀有用嘅資訊或者環境佢，先會有能力成長，但喺現實，人成日都會面對「周圍環境冇咩有用資訊」噉嘅情況，要自己去搵資訊；而好奇心正正就係能夠「令人自發噉去搵有用資訊」嘅嘢。要達致人工好奇，一段 RL 演算法起碼要有以下嘅嘢：

• 段演算法要有記憶能力，能夠記住過往嘅經驗；
• 段演算法要識得將「而家呢刻觀察到嘅嘢」攞去同記憶入面嘅片段對比；
• ${\displaystyle R_{a}}$  唔淨只取決於一個行動能唔能夠達到目的，仲要或多或少噉取決於「件行為帶嚟嘅觀察有幾新穎」（詳情可以睇返好奇感啲起因）。

... 呀噉。

• 創造力
• 稱奇感
• 認知需要
• 知識論
• Teaser

 

維基同享有多媒體嘅嘢：
好奇

• （英文） How can Artificial Intelligence become curious?. Towards Data Science.