塔瑪麗女王

早年

塔瑪麗大約1160年出世，喬治三世同埋亞蘭王國公主布爾杜汗所生，係巴格拉季昂王朝嘅成員。

1177年，喬治亞嘅貴族推舉喬治三世嘅侄仔德姆納為皇，嘗試推反喬治三世，叛軍被打敗後，喺1178年開此塔瑪麗同佢老竇共同執政。

1184年，喬治三世死後，塔瑪麗成為喬治亞維一皇帝。

第一次婚姻

塔瑪麗一開此成為女皇嘅時候，因性別同埋經驗少而被喬治亞嘅貴族睇輕，嘗試從中取利，係好多時上向貴族讓步。當時貴族推舉弗拉基米爾-蘇茲達爾大公國王子尤里·博戈柳布斯基成為佢老公，尤里喺戰將上好打得，但係佢同塔瑪麗嘅關係唔好。

1187年，塔瑪麗成公以尤里酗酒為原因，同佢離婚，流放咗佢去君士坦丁堡。同年，喬治亞大主教邁克爾死咗，加上宮廷中塔瑪麗嘅支持者越嚟越多，令塔瑪麗喺喬治亞王國嘅權力更大。

第二次婚姻

1191年，塔瑪麗選擇同佢嘅遠親亞蘭王子大衛·索斯蘭結婚。大衛亦都係擅於軍事，對日後塔瑪麗幾次打敗尤里嘅支持者同埋出征好有幫助。

佢哋生咗兩個仔女，喬治四世同埋魯速丹。

外交同埋出征

特拉比松帝國嘅成立

1204年4月12號，君士坦丁堡被第四次十字軍東征侵占，拜占庭帝國被瓜分。塔瑪麗派兵幫助兼拜占庭皇帝安德洛尼卡一世後人親戚阿歷克塞一世同埋大衛奪回小亞細亞嘅一部分領土，成立特拉比松帝國。

阿尤布帝國

1187年薩拉丁成功喺十字軍手中攞返耶路撒冷城，塔瑪麗同佢嘅宮廷膽心喺耶路撒冷附近以及聖地嘅喬治亞僧院嘅安全。塔瑪麗派人要求阿尤布方交會回僧院比喬治亞，薩拉丁嘅回應沒有被記載，但雙方成功達成協議。根舉阿卡主教，喺聖地一帶，嚟朝聖嘅基督徒都要向人交錢，維獨係喬治亞人唔使，可見喬治亞喺聖地有一定嘅應響力。

1208年喬治亞派兵攻打阿赫拉特城，阿尤布蘇丹阿迪爾一世親自領兵。伊万將軍被阿尤布捉咗，最後雙方簽定三十年和約，喬治亞交出100,000第納爾，割27坐城堡，放5000名戰俘同埋伊万將軍嘅女同佢對方定婚，阿尤布方則釋放伊万將軍，雙方以阿拉斯河為界。

喬治亞王國喺塔瑪麗統治之下延續咗由佢太爺大衛四世時候開此嘅黃金時期，喺各方面都達都有史以嚟最頂盛。

政治

 

喺塔瑪麗統治之下，喬治亞嘅喺大高加索山脈越嚟越強大，喺塔瑪麗臨終前，喬治亞嘅版圖北至切爾克西亞，南至凡城，西至錫諾普，東至巴庫，成個高加索地區都係喬治亞嘅屬土。佢稱號係「神意所歸，阿布哈茲人、卡特維爾人、阿蘭尼亞人、卡赫季人、亞美尼亞人嘅眾王之王同埋眾后之后，希爾凡沙阿同埋沙汗沙，全東西方嘅君主，世界同埋信仰嘅榮耀，彌賽亞嘅捍衛者」。

文化

喺塔瑪麗統治之下，喬治亞嘅文化亦都達至最頂盛。喬治亞嘅文化被拜占庭同埋伊朗影響，朔做出獨特嘅文化。當時喬治亞嘅教堂林立，規模比起以往嘅大，風格近似拜占庭風格，塔瑪麗因此而得「彌賽亞嘅捍衛者」稱號。當時文獻同埋文學作品都比以往多，最出名嘅有紹塔·魯斯塔韋利嘅史詩。