加沙走廊

加沙走廊 (阿拉伯文：قطاع غزة‎，羅馬拼音：Qiṭāʿ Ġazzah、希伯來文：רצועת עזה‎，羅馬拼音：Rətzūʿat ʿAsah)，又叫做加沙地帶，係一個位於巴勒斯坦地區嘅政體，同西岸地區一齊造成巴勒斯坦國嘅宣稱國土。加沙走廊位於地中海東岸，佢嘅西南面係埃及，東面係以色列，西北面係地中海。加沙走廊嘅首都係加沙城，而絕大部分人口都係巴勒斯坦人。

加沙走廊 阿拉伯文：قطاع غزة‎ 希伯來文：רצועת עזה‎
巴勒斯坦國國旗
加沙走廊喺巴勒斯坦國宣稱領土嘅位置
首都	加沙 31°30′53″N 34°27′15″E / 31.51472°N 34.45417°E / 31.51472; 34.45417
最大城市	拉法城
官方語言	阿拉伯文
族裔	阿拉伯人（巴勒斯坦人）
宗教	99% 回教遜尼派 (國教) <1% 基督教
政府
• State	巴勒斯坦國
面積
• 總計	365 km2（141 sq mi）
人口
• 2022估計	2,375,259
• 密度	6,507/km2（16,853.1/sq mi）
貨幣	新謝克爾 埃及鎊
時區	UTC+2 （標準時區）
• 夏令時（DST）	UTC+3 （夏令時區）
電話區號	+970
ISO 3166代碼	PS
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。

一直到1948年，加沙走廊係屬於英屬巴勒斯坦。到第一次中東戰爭嘅時候，埃及控制咗加沙走廊，成爲咗巴勒斯坦人嘅避難所之一。但係，喺埃及控制加沙走廊期間，埃及政府並冇為加沙居民提供公民權。到1956年蘇彝士運河危機嗰陣，以色列佔領咗加沙地帶，去到1957年先撤軍。

喺1967年六日戰爭期間，以色列打敗咗阿拉伯國家，成功控制全個巴勒斯坦地區，包括加沙走廊。到1993年嘅《奧斯陸協議》，以巴同意建立巴勒斯坦自治政府嚟管治巴勒斯坦嘅部分地區。當時，呢個政府係由法塔赫帶，不過到2006年嘅選舉之後，恐怖組織哈馬斯贏咗。喺2007年嘅加沙之戰之後，哈馬斯成功趕走原有嘅政府，真實咁控制加沙走廊。因爲以哈之間嘅嚴重矛盾，佢哋喺短短二十年左右嘅歷史，已經打過5次仗。喺2008年12月，加沙之戰爆發，打到2009年1月先停。到2014年7月至8月，哈馬斯同以色列又再打過。到2023年10月，哈馬斯對以色列發動大規模襲擊，搞到以軍向加沙地帶大舉進攻，爆發以色列-哈馬斯戰爭。

人道災難

喺2005年，以色列完全撤出加沙走廊，包括拆哂啲猶太人聚居地。到哈馬斯喺2007年之後，以色列爲咗阻止軍火落入恐怖組織嘅手中，所以同埃及一齊長期咁封鎖加沙走廊。但係，封鎖同時造成咗人道災難，令人話加沙走廊就好似係“露天監獄”一樣。聯合國同埋至少19個人權組織都曾經要求過以色列對加沙走廊解封。加沙喺近代歷史上，一直都係巴勒斯坦民族主義同埋人民反抗嘅象徵之一。

加沙走廊總共長41公里（25英里），濶6至12 km（3.7至7.5 mi），面積總共係365 km²（141 sq mi）。同時，加沙走廊人口有超過200萬，令佢成爲世界上其中人口密度最高嘅地方之一。

除此之外，呢個人口有超過7成係難民或者難民嘅後代，而加沙走廊嘅人口有一半都係唔夠18歲。加沙嘅人口年均增長係2%，喺全球排第39位。加沙嘅失業率係46%，青年失業率更加高到7成，係全球其中最高嘅地方之一。但係，加沙嘅人口識字率係其中最高嘅之一。

宗教方面，加沙走廊絕大部分人都係遜尼派信徒，亦有一個好細嘅基督徒人口。

•  
  加沙走廊詳細地圖
•  
  加沙走廊邊界
•  
  加沙走廊喺行政上分成5個省份

• 以巴衝突
• 西岸地區
• 加沙之戰 (搞清楚)

• 加沙走廊喺中央情報局《世界概況》嘅資料 （英文）