世界無車日(粵拼:sai3 gaai3 mou4 ce1 jat6) (英文:World Car Free Day),又叫國際無車日gwok3 zai3 mou4 ce1 jat6,係全球性嘅環保活動。佢提倡喺每年9月22號唔用私家車,坐巴士、地下鐵或輪渡等一系列公共交通、或踹jai2單車、步行嚟畀市民全面關注環保。
1990年代尾,由於越嚟越多汽車喺歐洲街頭出現,搞到城市成日烏煙瘴氣同超多噪音,重帶嚟馬路塞車、空氣污染等一系列問題,所以法國當地35個城市啲人喺1998年9月22號嗰日,自願發動唔用私家車,成為法國第一個「市内無車日」。後嚟「無車日」喺2000年2月俾歐盟列入環保政策,重將每年9月22號定為「歐洲無車日」同「國際無車日」,之後全球各地有近1500個城市加入呢項活動。而家喺歐洲、亞洲同南美洲國家啲城市都猛咁推廣呢項活動。
This article uses material from the Wikipedia 粵語 article 世界無車日, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.