Asie: Continende

'A masse continendale se spanne a sud cu le ttrè granne penisole de l'Arabie, de l'Indiane e de l'Indocinese. A quiste urteme stonne, cumme prolungamende naturale, le isole de l'Indonesie, mendre cchiù a est, jndr'ô Oceane Pacifiche, ce sonde granne festone de isole ca, da le Curili a 'u Giappone e a le Filippine, formane le confine de le mare costiere. Le punde estreme de l'Asie sonde: A nord Cape Čeljuskin, sus 'a coste siberiane (77° 40' latitudine nord); A sud Cape Buru, a l'estremità d'a penisole de Malacca (1° 16' latitudine nord); A ovest Cape Baba, jndr'à Asie Minore (26° 5' longitudine est); A est Cape Oriendale, sus a 'u strette de Bering (170° longitudine ovest). L'asse nord-sud jè de 8600 km ca., quidde ovest-est de 9000 km ca. L'Asie jè aunite a l'Europe, cu 'a quale forme 'na sule masse continendale, chiamate Eurasie, e jè aunite pure a l'Africa da l'istme de Suez; jè separate da l'Americhe settentrionale da 'u strette de Bering (larghe 92 km); 'u comblesse insulare indonesiane 'a culleghe a l'Australie.

Probabilmende 'u termine jè de origgene greche e derive da 'na parole accadiche (asû) inerende a 'u decorse d'u sule, o a 'u soje 'nghianare. 'U termine ha state ausate pò da totte le popolazziune vicine, pè esembie 'a paroe fenicie ce segnefeche l’est jè asa. Ce a l'inizie stave a 'ndicà sule le reggione limitrofe a 'u mar Mediterraneo, cu le sèchele ca passene hagghie indicate le 'ndere continende.

L'Asie non g'è sulamende 'u continende cchiù granne d'a Terre, jè pure quidde addò cchiù profunne sonde le condraste fiseche, umane ed economeche. 'U monde Everest (8844,43 m) jè 'u punde cchiù ìrte d'a Terre, mendre 'a fosse de le Marianne quidde cchiù profunne. L'Asie se spanne 'n totte e ttrè le zone astronomeche de l'emisfere boreale: 'a glaciale, 'a temberate e 'a torride. De conseguenze assaje forte sonde le condraste climateche: jndr'à Siberie settentrionale, 'nfatte, se vedene temberature ce vonne a -70 °C (Verkhojansk e Ojmjakon), mendre jndr'ô deserte de Lut, jndr'ô Iran, se tòcchene le +54 °C a l'ombre; a le pide de l'Himalaya, a Cherrapunji, cade cchiù de 11.000 mm de chiogge a l'anne, mendre jndre aree deserteche 'nderne d'u continende non ge chiove quase mai e stè picche picche umidità. Jndr'à l'Asie se trove 'u cchiù granne laghe d'u munne, 'u mar Caspie (371.000 km²), quidde cchiù profunne 'u Bajkal (1741 m), jndr'à Russie, e quidde cchiù depresse, 'u Mar Muèrte (-395 m). 'Nu fenomene meteorologgeche staggionale ca pigghie ogne tande 'na granne parte de l'Asie Oriendale durante le mise primaverile jè quidde de le tembeste de polvere asiateche ca se origine jndre deserte d'a Mongolie, d'a Cine e d'u Kazakistan settentrionale.

'A granne variaziune de clime jè 'a cause de le cchiù deverse specie de vegetale ce sonde presende: da 'a tundre e da 'a granne foreste de conifere (taighe) de le reggione settentrionale, ad 'a vegetazzione tropicale de le savane e de le foreste equatoriale. Inoltre da l'Asie ce sonde giunde a nuje 'a cchiù granne parte de le piande utile a l'omme, cumme 'u frumende, l'orze, 'a fave, 'a lendicchie, 'u fasule, l'alie, 'a vite, 'a canne da zucchere ecc. Accusì pure ricche e variate jè 'a faune: da 'a renne e da le animale da pelliccie a 'u cammelle, a 'u cavalle, ad 'a pechere, ad 'a tigre, ad 'a pandere, ad 'u lione ecc.

Pure jndr'ô cambe antropiche se potène vedé granne condraste: l'Asie tène 'na popolazziune ca rappresende quase le 3/5 d'a popolazziune de totte 'a terre, ma jè distribuite 'n mode picche uniforme: se passe da le aree deserteche, praticamende senze crestiáne, a quedde d'a coste cinese, d'u Giappone e de l'Indonesie, addò se arrive a le 1000 ab./km². Granne sonde le differenze etniche.

L'Asie jè state 'a sede de le prime cchiù 'mbortande e comblesse manifestaziune culturale; jndr'à l'Asie sonde state probabilmende misse n'atte le prime tècneche de agricolture e de allevamende, fù 'nvendate 'a metallurgie e nascerene le prime State; totte le cchiù 'mbortande releggione (giudaisme, crestiánesime, islamisme, induisme, buddisme) nascerene jndr'à l'Asie e se spannerene 'n seguite jndre totte 'a Terre. Jndre le assaje granne spazie asiateche sonde sorte e se sonde sviluppate le cchiù granne 'mbere continendale ca 'a storie ricorde: da 'u persiane, a l'arabe, a 'u turche, a 'u bizandine e pure ôsce assaje granne sonde le dimensione de alcune State asiateche, cumme 'a Cine, ca se spanne pè cchiù de 9,3 miglione de km².

L'Asie jè 'u continende cu 'a cchiù granne altitudine medie (960 m); da 'u punde de viste sciugrafeche, pò essere scucchiáte 'n ttrè granne reggione: 'a reggione settentrionale, pianeggiande, costituite da 'u vascepiane turaniche-siberiane e da 'u tavolate siberiane; 'a reggione mediane, cu le gegantesche sisteme monduose; 'a reggione meridionale, fraziunate 'n ttrè granne penisole. 'U fiume Jenisej scucchie 'n dò parte 'u tavolate siberiane: l'oriendale (altopiane siberiane), cu vasce rilieve ca generalmende non ge arrivane a le 500 m, cu quacche cime cchiù elevate (monde Putorane, 2037 m; monde d'u Jenisej, 1122 m); l'occidentale (vascepiane siberiane), cu terre pianeggiande scucchiáte da 'u vascepiane turaniche da le alture d'a Chirghisie. 'A reggione mediane de le granne sisteme monduose combrende 'na fascie gegantesche de acrocore, altipiane e de catene ca se mèttene 'nzieme jndr'ô Pamir, 'a "cime d'u munne".

Da occidente 'a granne fascie orografeche presende l'altopiane anatoliche, cu a nord le monde Eusine e a sud 'u Tauro, l'Acrocore Armene, ca arrive a le 5165 m cu 'u monde Ararat, e se colleghe a nord cu 'u sisteme d'u Caucaso furmate da catene parallele altissime (Elbrus, 5633 m), e a sud-est cu l'altopiane iraniche chiuse 'mbrà le monde Elbrus e le monde d'u Khorasan e da 'u Afghanistan a nord, le monde d'a Persie meridionale e d'u Belucistan a sud ca terminène, cu le monde Sulaiman, jndr'à pianure de l'Indo.

Da quiste masse monduose se departene pò catene minore jndr'à Cine e, verse sud, jndr'à penisole indocinese. 'Mbrà le dò fasce de catene ca se departene da 'u Pamir, se spanne l'altopiane de Hanhai (mare disseccate), 'a cui parte oriendale jè occupate da 'u deserte d'u Gobi.

'A reggione meridionale de l'Asie presende dò granne penisole vagnate da l'oceane Indiane: l'Arabie e l'Indie, furmate da tavolate cu borde mondagnuse, morfologgecamende simile a l'Africa; 'u tavolate indiane (Deccan) jè orlate luènghe le coste da rilieve, Ghati Occidentali e Ghati Oriendali, e jè scucchiáte da granne sisteme monduose cendrale da 'u vascepiane indogangetiche. Le festone insulari e peninsulari d'a parte oriendale d'u continende sonde stuezze de catene monduose periferiche caratterizzate d'a presenze de assaje vulcane (116 attive 'mbrà le isole Curili e 'u Giappone), allineate jndr'à cosiddette cindure de fuèche pacifiche.

L'Asie pò essere ulteriormende scucchiáte 'n sèje reggione, scritte de seguite cu 'a liste de le 48 paise e relative capitale:

 

 

Nome de le reggione e territorie, cu 'a bandiere	Grannenèzze (km²)	Crestiáne (1 Luglie 2008 est.)	Denzetà (pè km²)	Capitale
Asie cendrale:
Kazakistan	2,724,927	15,666,533	5.7	Nur-Sultan
Kirghizistan	198,500	5,356,869	24.3	Bishkek
Tagikistan	143,100	7,211,884	47.0	Dushanbe
Turkmenistan	488,100	5,179,573	9.6	Ashgabat
Uzbekistan	447,400	28,268,441	57.1	Tashkent
Asie oriendale:
Cine	9,640,821	1,322,044,605	134.0	Pechino
Hong Kong	1,092	7,008,300	6,417.9	—
Macao	25	460,823	18,473.3	—
Giappone	377,835	127,288,628	336.1	Tokyo
Coree d'u Nord	120,540	23,479,095	184.4	Pyongyang
Coree d'u Sud	98,480	49,232,844	490.7	Seoul
Mongolia	1,565,000	2,996,082	1.7	Ulaan Baatar
Taiwan, Repubblica di Cina	35,980	22,920,946	626.7	Taipei
Asie settentrionale:
Russie	17,075,400	142,200,000	26.8	Mosca
Sud-est asiatiche:
Brunei	5,770	381,371	66.1	Bandar Seri Begawan
Myanmar	676,578	47,758,224	70.3	Naypyidaw
Cambogia	181,035	13,388,910	74	Phnom Penh
Timor Est	15,007	1,108,777	73.8	Dili
Indonesie	1,919,440	230,512,000	120.1	Jakarta
Laos	236,800	6,677,534	28.2	Vientiane
Malesia	329,847	27,780,000	84.2	Kuala Lumpur
Filippine	300,000	92,681,453	308.9	Manila
Singapore	704	4,608,167	6,545.7	Singapore
Thailandie	514,000	65,493,298	127.4	Bangkok
Vietnam	331,690	86,116,559	259.6	Hanoi
Asie meridionale:
Afghanistan	647,500	32,738,775	42.9	Kabul
Bangladesh	147,570	153,546,901	1040.5	Dhaka
Bhutan	38,394	682,321	17.8	Thimphu
Indie	3,287,263	1,147,995,226	349.2	Nuova Delhi
Maldive	300	379,174	1,263.3	Malé
Nepal	147,181	29,519,114	200.5	Kathmandu
Pakistan	803,940	167,762,049	208.7	Islamabad
Sri Lanka	65,610	21,128,773	322.0	Sri Jayawardenapura-Kotte
Asie occidentale:
Armenie				Yerevan
Azerbaigian	86,660	8,845,127	102.736	Baku
Bahrain	665	718,306	987.1	Manama
Cipre	9,250	792,604	83.9	Nicosia
George			64.06	Tbilisi
Iraq	437,072	28,221,181	54.9	Baghdad
Iran	1,648,195	70,472,846	42.8	Tehran
Isdraele	20,770	7,112,359	290.3	Jerusalemme
Giordania	92,300	6,198,677	57.5	Amman
Kuwait	17,820	2,596,561	118.5	Kuwait City
Libano	10,452	3,971,941	353.6	Beirut
Oman	212,460	3,311,640	12.8	Muscat
Palestina	6,257	4,277,000	683.5	Ramallah
Qatar	11,437	928,635	69.4	Doha
Arabie Saudite	1,960,582	23,513,330	12.0	Riyadh
Siria	185,180	19,747,586	92.6	Damasco
Turchie				Ankara
Emirate Arabe Aunìte	82,880	4,621,399	29.5	Abu Dhabi
Yemen	527,970	23,013,376	35.4	Sanaá
Totale	43,810,582	4,162,966,086	89.07

 

 

'A storie de l'Asie pò essere viste cumme le distinde storie de le deverse reggione costiere perifereche: de l'Asie oriendale, de l'Asie meridionale, d'u Sud-Est asiateche e d'u Medie Oriende, cullegate 'mbrà lòre da le masse 'ndrne de steppe de l'Asie centrale.

'A periferie costiere ha state sede de quacche de le cchiù andiche civiltà d'u munne canosciute, totte quèste civiltà se sonde sviluppate mmienze a de le fertile vallate fluviale. 'A civiltà de l'Asie aví condivise assaje somiglianze jndr'à Mesopotamie, jndr'à Valle de l'Indo e jndr'ô Gange. Quiste civiltà potène pure aví cangiate 'mbrà lòre tecnologgije e idee innovative, cumme 'a matemateche e 'a rote. Otre innovaziune, cumme 'a scritture, sembre ce sonde state sviluppate singularmende jndre ogne aree. Cetate, state e le 'mbere se sonde sviluppate 'n quiste pianure.

'A reggione cendrale d'a steppe ere state pe 'nu sbuenne de timbe abitate da nomade a cavalle ca onne potute arrivà jndre totte le zone de le steppe de l'Asie. 'A prime espanzione postulate fore d'a steppe jè quedde de le Indo-Europee, ca spanneno accussì le lòre lènghe jndr'ô Medie Oriende, jndr'à l'Asie meridionale, e jndre frondiere d'a Cine, addò stavane le Tocari. 'A parte cchiù settentrionale de l'Asie, ca pè 'na granne parte combrende 'a Siberie, ere prevalendemende inagibbele pè le nomade d'a steppe, a cause de le fitte foreste, d'u clime e d'a tundre. Quiste aree sonde remaste picche picche popolate.

'U cendre e le periferie erene pè 'a maggior parte tenute scucchiáte da mondagne e deserte. Le mondagne d'u Caucaso d'u Himalaya e le deserte d'u Karakum e d'u Gobi erene granne barriere e le cavaliere de le steppe ce putevane passà attraverse sule cu difficoltà. Mendre le crestiáne de le cetate, erene cchiù avanzate tecnologgecamende e socialmende, jndre 'nu munne de case putevane fare assaje picche jndre l'aspette de difese militare ce se conzidere 'a granne forze de le orde dele nomade a cavalle de le steppe. Comungue, le pianure non g'onne avute assaje praterie apirte purcè jidde onne potute sfruttà 'a granne forze de le cavallerie lòre, pè quiste e otre raggione, le nomade ca onne conquistate state jndr'à Cine, jndr'à l'Indie e jndr'ô Medie Oriende, spesse sonde state cchiù megghie a levelle locale, ce jndre società cchiù ricche.

Metologgije

'A metologgije asiateche jè comblesse e varie. 'A storie d'u Diluvie Universale pè esembie, ce ha state presendate a le crestiáne jndr'ô Vècchie Testamende, ha state trovate pè 'a prime vote jndr'à metologgije mesopotamiche, jndre l'Epopee de Gilgamesh . 'A metologgije indù parle de 'nu avatar d'u Die Vishnu jndr'à forme de 'nu pìsce, ca aví avvertite Manu de 'na granna alluvione. Jndr'à andiche metologgije cinese, Shan Hai Jing, 'u sovrane cinese Da Yu, aví dovute passà 10 anne pè condrollare 'nu diluvie ca s'aví spannute jndr'à cchiù granna parte d'a Cine andiche e jè state aiutate d'a dea Nüwa, ca letteralmende aví fissate 'u cìele attraverse 'u quale stave a cadè 'na granna quantità de chiogge.

Releggione

Quase totte le releggione asiateche onne 'nu carattere felosofeche e le tradiziune felosofeche asiateche tènene 'nu ambie cambe de penziere felosofeche e scritte. 'A felosofije indiane combrende felosofije indù e felosofije buddiste. Lòre combrendone elemende de 'nseguimende immateriale, mentre n'otre scuole de penziere ce vène da l'Indie, 'a Chārvāka, aví priate 'u godimende d'u munne materiale. 'U Crestiánesime jè pure presende jndr'à cchiù granna parte de le paise asiateche.

Abrahamiche

'A releggione de Abramo ('u Ebraisme), 'u Crestiánesime e l'Islam onne avute origgene jndr'à l'Asie Occidentale. 'U Giudaisme, 'a cchiù andiche de le fede abramiteche, jè praticate principalmende jndr'ô Israele (ca tène 'a cchiù granna popolazziune ebraiche d'u munne), pure ce piccele comunità stonne jndre otre paise, cumme 'a Bene Israele jndr'à l'Indie. Jndre Filippine e Timor Est, 'u cattolicesime jè 'a releggione predominande, ma jè state 'ndrodotte rispettivamende da le spagnole e da le portoghese. Jndr'à Armenie, jndr'à George e jndr'à Russie 'a releggione predominande jè quidde ortodosse oriendale. Varie denominazziune crestiáne onne aderite jndre quacche parte d'u Medie Oriende, accusì cumme 'a jndr'à Cine e jndr'à l'Indie. 'A cchiù granna comunità musulmane (jndre le confine de 'na naziune) jè jndr'à Indonesie. L'Asie meridionale (principalmende 'u Pakistan, l'Indie e 'u Bangladesh) tènene 'u 30% de le musulmane. Ce sonde pure 'nu 'mbortande numere de popolazziune musulmane jndr'à Cine, jndr'ô Iran, jndr'à Malaysia, jndr'ô sud de le Filippine (Mindanao), jndr'à Russie e jndr'à cchiù granna parte de l'Asie occidentale e de l'Asie cendrale.

Dharmiche e Taoiste

Le releggione de l'Induisme, d'u Buddisme, d'u Jainisme e d'u Sikhisme sonde originarie de l'Indie, jndr'à l'Asie meridionale. Jndr'à l'Asie oriendale, particolarmende jndr'à Cine e jndr'ô Giappone, onne pigghiate forme releggione cumme 'u Confucianesime, 'u Taoisme e 'u Buddisme Zen.

Liste e tavele

• Demografije
  • Aree e popolaziune de le state asiateche
  • Le aree metropolitane cchiù populose jndr'à l'Asie
  • Le aree metropolitane cchiù populose jndr'à Europe

• Economije
  • Economije de l'Asie
  • Classifeche finanziarie e sociale de le paise asiateche
  • PIL de le paise asiateche

• Otre
  • Liste de le argumende cullegate a l'Asie

• Higham, Charles. Encyclopedia of Ancient Asian Civilizations. Facts on File library of world history. New York: Facts On File, 2004.
• Kamal, Niraj. "Arise Asia: Respond to White Peril". New Delhi:Wordsmith,2002, ISBN 978-81-87412-08-3
• Kapadia, Feroz, and Mandira Mukherjee. Encyclopaedia of Asian Culture and Society. New Delhi: Anmol Publications, 1999.
• Levinson, David, and Karen Christensen. Encyclopedia of Modern Asia. New York: Charles Scribner's Sons, 2002.

• Viaggie fotografeche in Asia
• Artichele sus a l'Asia d'u cendre studie www.geopolitica.info
• Artichele sus a l'adesione d'a Cine a 'u WTO

•   Uicchizionarie tène il lemma di dizionario «Asie»
•   Uicchinotizie tène notizie di attualità sus Asie
•   Uicchimedie Commons tène files multimediale sus Asie

Continende d'a Terre
Africa				Antartide				Asie				Oceanie				Europe				Americhe settentrionale				Americhe meridionale