Asia: Continent

Asia (var. Àsia) es lo continent pus grand e pus poblat del mond. Ocupa 8,6% de la superfícia totala de la Tèrra (o 29,4% de las tèrras) e, amb aperaquí 4 miliards de personas, conten mai de 60% de la populacion mondiala actuala.

Asia
Superfícia	44 579 000 km²
Populacion	4 140 336 501
Densitat	87 ab./km²
Païses	49
Lengas principalas	chinés, indi, ordo, japonés
Vilas principalas	Tòquio, Shangai, Mumbai, Manila, Jakarta
Fus orari	UTC+2:00 a UTC+12:00

Mai que mai situada dins los emisfèris nòrd e èst, Asia es tradicionalament definida coma una partida d'Eurasia –amb l'extrèm oèst confrontat per Euròpa–mai a l'èst per lo Canal de Suèz, los monts Orals, e al sud per las montanhas de Caucàs, la Mar Caspiana e la Mar Negra. Es bordada a l'èst per l'Ocean Pacific, al sud per l'Ocean Indian, e al nòrd per l'Ocean Artic.

De per sa talha e diversitat, Asia –un toponim datat de l'Antiquitat– es mai un concèpte cultural incorporant un grand nombre de regions e pòbles qu'una entitat fisica omogenèa.