Dit Woort hett noch annere Bedüden: kiek dorför ünner Scifresh.
Jazz is een Wies Musik to spelen, de in de Süden vun de USA so um 1900 dörch dat Tosomendräpen vun Rhythmik un Harmonik ut Afrika un Europa entstunnen is. De Blues, de Sprituals, de Gospels vun de afrikanschen Sklaven, awer ok de ünnerscheedlichsten Wiesen vun Musik, Leders un de Militärblasmusik ut Europa warn sien Woddels.
Dat Besündere an de Jazz is de Improvisation. Toeerst kümmt de Speler mit sien Eegenheiten, wo sien Toon klingen deit un de Phrasierung. Dat is in de europäischen Kunstmusik grad annersrüm: de Komposition steiht an de eersten Stell, de Speler is dor man blots een Utföhrender. Besünders is ok, wo de Tied un de Rhythmus föhlt un verstohn warrt. Dat warrt Swing oder ok Groove nöömt und kümmt vun de afrikanschen Spelers un ehrn Musik. De Harmonik vun de Jazz is liek de europäischen, de dörch de afrikanschen Blue Notes erwiedert wor.
Wo dat Word „Jazz“ herkümmt, weit keeneen to seggen.
In de tweten Halft vun de 19. Johrhunnert gääv dat in’n Süden vun de USA veel Stratenmusik. De Brass Bands wärn deelt in „witte“, mit Musikers ut Europa, un „swatte“, mit Musikers, de de Nohkommen vun de Sklaven ut Afrika wärn. In düssen „swatten“ Marschkapelln wurd de afrikansche un europäpische Wies, Musik to maken, tosamenbrocht: de Jazz was born. Da warrt ok „archaischer Jazz“ to seggt.
This article uses material from the Wikipedia Plattdüütsch article Jazz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.