Kelly Preston: Actriz estauxunidense (1962-2020)

Actuó en más de sesenta producciones de televisión y cine, ente les que s'inclúin Christine, Twins y Jerry Maguire.

Kelly Preston
Vida
Nacimientu	Honolulu, 13 d'ochobre de 1962
Nacionalidá	Estaos Xuníos
Llingua materna	inglés
Muerte	Clearwater, 12 de xunetu de 2020 (57 años)
Causa de la muerte	cáncanu de mama
Familia
Madre	Linda Kamalalehua Reynolds
Casada con	Kevin Gage (1985 – 1987) John Travolta (1991 – m. 2020)
Fíos/es	Ella Bleu Travolta Jett Travolta
Estudios
Estudios	Universidá del Sur de California USC School of Dramatic Arts (en) Pembroke School (en)
Llingües falaes	inglés
Oficiu	actriz, actriz de cine, actriz de televisión
Creencies
Relixón	ciencioloxía
IMDb	nm0000593
kellypreston.com

Kelly Kamalelehua Smith (el so segundu nome «Kamalelehua» significa "xardín de lehuas"»; la lehua ye una conocida flor ḥawaiana).​ Nació en Honolulu (Ḥawai). La so madre Linda yera alministradora d'un centru de salú mental y el so padre, que trabayaba pa una empresa agrícola, morrió cuando Preston tenía trés años. La so madre casóse con Peter Palzis, un miembru del personal direutor, que darréu la adoptó; ella usó'l so apellíu cuando empezó la so carrera como actriz hasta 1984. Tenía un mediohermanu más nuevu, Chris Palzis. De neña, pasó un tiempu viviendo n'Iraq y tamién n'Australia, onde asistió a la Pembroke School n'Adelaida. Asistió tamién a la escuela Punahou y estudió teatru na Universidá del Sur de California.

L'actriz casóse con Kevin Gage en 1986, de quién se divorció en 1988, ensin tener fíos. En 2004 protagonizó'l videoclip She Will Be Loved de Maroon 5.

Preston casóse en 1991 con John Travolta, el so compañeru de repartu de la película The Experts. El so fíu Jett, que carecía la enfermedá de Kawasaki, nació'l 13 d'abril de 1992 y finó'l 2 de xineru de 2009 a los 16 años. La so fía Ella Travolta, nació'l 3 d'abril de 2000. El so tercer fíu, Benjamín, nació'l 23 de payares de 2010.

La pareya volvió trabayar xunta en dellos proyeutos posteriores, como la película de ciencia ficción Battlefield Earth (2000), basada na novela homónima de L. Ron Hubbard, y la comedia Old Dogs (2009). Na última película qu'estrenó antes del so fallecimientu, Gotti (2018), tamién collaboró xunto a Travolta, quien interpretó al mafiosu John Gotti, mientres Preston actuó como la so esposa Victoria.

Depués de dos años lluchando escontra'l cáncer de mama, morrió a los 57 años el 12 de xunetu de 2020 pola mor de complicaciones de la enfermedá.

• Gotti (2018)
• Casino Jack (2010)
• The Last Song (2010)
• Old Dogs (2009)
• Death Sentence (2007)
• Broken Bridges (2006)
• Sky High (2005)
• Eulogy - Eulogy (2004)
• The Cat in the Hat (2003)
• View from the Top (2003)
• What a Girl Wants (2003)
• Battlefield Earth (2000)
• Bar Hopping (2000)
• For Love of the Game (1999)
• Daddy and Them (1999)
• Jack Frost (1998)
• Holy Man - Holy Man (1998)
• Addicted to Love (1997)
• Nothing to Lose (1997)
• Curdled (1996)
• Citizen Ruth (1996)
• Jerry Maguire (1996)
• From Dusk Till Dawn (1996)
• Mrs. Munck (1995)
• Double Cross (1994)
• Cheyenne Warrior (1994)
• Love Is a Gun (1994)
• Only You (1992)
• Run (1991)
• The Perfect Bride (1991)
• Tales from the Crypt 3 (1990)
• The Experts (1989)
• Love at Stake (1988)
• Spellbinder (1988)
• Twins (1988)
• Amazon Women on the Moon (1987)
• A Tiger's Tale (1987)
• Space Camp (1986)
• Mischief (1985)
• Secret Admirer (1985)
• Christine (1983)
• Metalstorm: The Destruction of Jared-Syn (1983)

•   Wiki Commons acueye conteníu multimedia sobre Kelly Preston  .

• Kelly Preston na Internet Movie Database (n'inglés)