Tasonomia Fameja

Sta voxe ła xe parte de ła sèrie Clasifegasion sientìfega

Domìnio Regno Sotoregno Infraregno o Rama Superphylum Phylum (o Tipo o Divizion) Subphylum (o Sototipo o Sotodivizion) Infraphylum Microphylum Nanophylum Superclase Clase Sotoclase Infraclase Parvclase (o Subterclase) Magnórdene Superórdene Órdene Sotórdene Infraórdene Parvórdene Superfameja Fameja Sotofameja Infrafameja Supertribù Tribù Sototribù Infratribù Zènaro Sotozènaro Spece Sotospece Rasa (zoołozia) o Varietà (botànega) Stipite (virołozia) Clade, Lejon e Coorte (pozision variàbiłe)

[cànbia]

In biołozia, coi fini de ła tasonomia, ła fameja el ze uno dei livełi de clasifegasion sientìfega dei organismi viventi e de altre entità biołòzeghe, de consevensa anca de ła zoołozia, de ła botànega, de ła protistołozia, micolozia, bateriolozia, virołozia.

Inte ła organizasion sistèmega, ła fameja ła ze definia cofà rango inferioro a l'órdene e superioro a l'zènaro. Inte el isteso órdene ghe ze de consevensa una o pì fameje, e cadauna fameja ła ze sudivideste in uno o pì zènari.

La sudivizion in zènari ła połe èsar precedesta da cheła in sotofameje, che in zoolozia łe połe èsar a so volta divideste in tribù.

In zoolozia i nomi de łe fameje i finise senpre co -idi (-idae); ła prima parte ła se baza invese sol nome del zènare che pì łe raprezenta.

Ezénpio
fameja de apartegnensa de l'Anara beco roso (Anas erythrorhyncha):
Cheła dei Anatidi (Anatidae), insieme a łe altre (Anhimidae, Anseranatidae) ła ze una de łe fameje atinenti a l'órdene dei Anseriformi (Anseriformes). Sta fameja ła ze par de pì sudividesta inte łe sotofameje Anserinae, Anatinae, etc. St'ùltema sotofameja ła ze oncorpì sudividesta in tribù: Tadornini, Anatini. La tribù dei Anatini ła ciapa drento i zènari Anas, Tachyeres. ogniuno dei cuałi sudividesto ulteriormente in spece.

• Clasifegasion sientìfega
• Sistemàtega
• Nomenclatura binomenałe