Немечму

Германия, нем.  Deutschland) — ыджыт канму рытвыв Европа шӧрын. Тыр нимыс Немечму йитан республика (рочӧнжык: Федеративнӧй Республика Германия, немеч кыв вылын: Bundesrepublik Deutschland, шусьӧ [ˈbʊndəsʁepuˌbliːk ˈdɔʏtʃlant]).

Немечму йитан республика Bundesrepublik Deutschland
Дӧрапас Вужпас
Девиз: Einigkeit und Recht und Freiheit Гимн: Das Lied der Deutschen
Аркман кад	843 во 1871 январ 18 лун 1949 май 23 лун 1990 октяб 3 лун
Каналан кыв	немеч кыв
Юркар	Берлин
Веськӧтлан нёж	федератив республика
Юралісь	Франк-Вальтер Штайнмайер
Федерал канцлер	Олаф Шольц
Мувывтор му югытас ва увтын %	357 021 км² 63’ местаын 2,416
Оліссезлӧн лыд Му югытас Тшӧкыта	82 210 000 (2007) 14’ местаын 230 морт/км²
Валюта	евро (EUR)
БПЛ му югытас БПЛ/морт му югытас	2 609 000 млн $ (2006) 5’ местаын 31 472 $ 19’ местаын
Интернет домен	.de (+.eu)
Телефон код	+49
Кад кытш гожумнас	UTC +1 UTC +2

Ойвылын Немечму межаасьӧ Данмарккӧт да петӧ Ойвыв да Балты саридззез дорӧ, асыввылын видзӧ ӧтласа визир Польскакӧт да Ческокӧт. Лунвылас Немечмукӧт ордчон куйлӧны Австрия да Швайсму, рытвылын — Франс, Лецебург, Белгия да Недерланд.

Мывывторыслӧн ыжда 357,021 кв.км. Климатыс — шӧркодь, вежласьӧ сезоннэз сьӧрті. Оліссез — 82 млн. морт, этӧ лоӧ медуна Ӧтувтчӧм Европаын. Му югытын быдӧс пышьяліссез коласісь куимӧт торыс адззӧмась мӧдік гортнысӧ Немечмуас.

Немечму — парламента федератив республика, тэчӧм 16 йитчан муись (бундесланддэзісь).

Канкарыс да канмуын медыджыт карыс — Берлин.

Немечму пырӧ Ӧтувтчӧм Войтыррез коласӧ, НАТО-ӧ, Кыкьямыса йылӧ, Кыкдаса йылӧ, OECD-ö, Муюгытісь удж артмӧтчанӧ (ВТО).

Немечмулӧн экономика ӧддьӧн вына: му югытас сія ВВП сьӧрті нёльӧт, эмбур петкӧтӧм (экспорт) сьӧрті - мӧдік да эмбур пыртӧм (импорт) сьӧрті — медодзза.

Канмуын лӧсьӧтӧма бур олан отир понда, бура зорӧтӧм йӧзыслӧ бытын отсалан тэчас.

Немечму юралӧ тӧдӧс (наука) да технология кынымкӧ сфераэзын.