Waeteroverlast 1998
Int jaer 1998 krege stikken vant zuudwêssen vant land te maekene mit een haope regen die waeteroverlast veroorzaekende.
Vooral op Goereê-Overflakkeê was veel overlast. Op 13 en 14 september van dat jaer viel bevobbeld in Dirksland mar lieft 136 millimeter. Veêl durpen hao te maeken mit overstroômde straeten, kelders en huuzen. Buuten de durpen stonge hille stikken land onger waeter. De schae an gewassen was enorm. Verschei fietstunnels kwamme vol te stoône. 't Was een vreemd gezicht, al die sloôten tot an nokke toe vol. D'r most volan 'epompt worre deu 't toenmaelige waeterschap Goereê-Overflakkeê, mar deurdat op de Noôrdzeê 't waeter op'estuwd wier kont Zuujerdiep, de boezem nie loze. Noôdpompen wiere an'evoerd, mar dat hao nie veel omt lief. Uuteindelek wiert wel weer draog, mar de financiële ofwikkelieng van de schae heit lange 'eduurd. Gevolg was dat waeterschap her en der netuurvriendeleke oevers an ging legge om meer waeterberging te kriegene. 1998 wier 't natste jaer ooit. In oktober wast noôrdoôs'n vant land an de beurte. Vooral in de Noôrdoôstpolder rondom Tollebeek wast raek.
Externe verwieziengen
This article uses material from the Wikipedia Zeêuws article Waeteroverlast 1998, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zeêuws (DUHOCTRUNGQUOC.VN) is an independent company and has no affiliation with Wiki Foundation.