Turkieje

D’r bin ongeveer 20-30 inweuners. ‘t Grooste deêl van d’uuzn in ’t dorp bin wel vakantieverbluuven.

Turkeye was van 1796 toet 1970 een dêel van de gemeênte Waterlandkerkje. Die gemêente kwam in 1970 by Wosburg, dat in 2003 were opging in de gemeênte Sluus.

By d’overgoave van Sluus in 1604, (Tachtigjoarign Oorloge), kwoamn d’r 1500, voora Turksche galeisloavn vrie. In da jaor krêeg Turkieje z’n naeme van Maurits van Oranje. Ie wilde zo de Turksche zêemannen bedankn vor under steun an de Nederlanden in de strijd teegn de Spanjoarden. Die Turkn zyn e paor jaor laoter op Ollandse scheepn nao Algerije, toen een provincie van ‘t Ottomoanse Ryk, verscheept.

Liever Turks dan Paaps (eigentlik: Liever Turckx als paeusch) is een uutsproake en strydleuze ten tyde van de Tachtigjoarigen Oorlog. In ’t begun wierd de stryd tegen de Spanjoarden gesteund deur de katholieken en de protestanten in de Nederlanden moar achter een ende krêeg de stryd sterke anti-katholieke trekkn. Vo de strydlust an te wakkeren ontstong azo de leuze 'Liever Turks dan Paaps' ounder de Geuzen.

Gemeênte Sluus
Steden: Erreburg · Iezendieke · Sluus (plekke) · Sint Anna ter Mu · Wòstburg Durpen: Bresjes · De Groe · Djì · Dwòfdplaote · 't Kerkje · Kezand · Pieremie · Sinte Pier · Slikplaote · Sinte Kruus · Schwòndieke · Truzement · Zuuszande Gehuchten: Boer'nol · Drooiplotte · Eile · Nummer Jin · Rwòienoek · Sasput · Scherrebier · Stroopuut · Rostie · Turkieje · Vuulpanne · Wòstburg‎se brugge