Sint Lievensmonstertoren

D'n toren is 62 meter 'oôge. De bouw van de toren begon in 1454. Ontwerper was de Mechelse bouwmeêster Andries Keldermans.

Angenomen wordt dat het wêrk an het fundament zo'n vuufentwintig jaer in beslag 'eit genomen. De stadsbrand van 1466 zurgende voo vertraeging. De omvang van de voet van de toren is 16 x 16 meter (inclusief de steunberen 24,5 bie 24,5 meter). Ter vergelieking: de voet van de 'oôgste kerktoren van Nederland, de steunbeerloôze Domtoren in Utrecht, meet 19,5 bie 19,5 meter. Omdat de bouwpit gin schae mocht veroorzaeken an de kèrke wier de toren niet an de kèrke vastgebouwd. De toren is opgetrokken mie ienkele meljoenen baksteênen.

De buutenkante van de toren wier bekleêd mie diere netuursteênen. De kleine witte blokken van kalksteên komme uut de streek ten noôr'n en oôs'n van Brussel. Deze steên wordt Braebantse witte arduun genoemd. In een periode van onheveer 30 jaer kwam de toren in tehenwoordihe vurm gereêd, dat wil ze'n tot de eerste omloôp. Rond 1510 wier de bouw gestaekt, het geld was op. Angenomen word dat de toren ongeveer 130 meter 'oôg 'ao moeten worre en 'ao dirmee de 'oôgste toren van Nerderland gewist. In de loôp van de tied verloor de toren vee van z'n versieringen en in de 19e eêuw dreigende zelfs ofbraek.

In de nacht van zaeterdag 6 op zondag 7 oktober 1832 brak d'r brand uut in de kèrke, die reddeloôs verloren ging. De brand wier tot in Zeêuws-Vlaenderen gezieje. D'n toren bleef behouwe. In de Tweêde Wereldoôrlog reakte de toren wè beschaedigd deu geallieerd vuur vanof het al bevrijdde Noord-Beveland. Die proberende te voorkommen da-a de Duutsers d'n toren as uutkiekpunt konne gebruuke.

De Sint Lievensmonstertoren is een rieksmonument.

• Lieste mee 'oôgste gebouwen op Schouwen

• Stikje op www.zierikzee-monumentenstad.nl

Kiek vò meêr plaetjes over dit onderwerp in de categorie Sint Lievensmonstertoren van Wiki Commons.