D'n Polder

Op 1 januoari 2010 oa 't durp 1121 inweuners. D'n Polder leit an de noordpunt van Walchren, vlak bie de Veerse Gatdam die 't eiland verbindt mee Noord-Beveland. 'T ei een breêd Noordzeêstrange, dat mede dideur seumers betrekkelijk rustig is. Niettemin is toerisme een vonaeme bronne van inkomsten in dit durp. Vlak bie D'n Polder leit h't natuurebied Oranjezon. 'T durp is beriekbaer via de N57, die van Middelburg ni Europoort loôpt.

D'n Polder is, in vergeliekienge mee andere Walchrse durpen, betrekkelijk laet ontstae: de kapelle, ewied an Maria (Onze Lieve Vrouwe, an wie 't durp zun naeme ontleênt) wier ebouwd in de veertiende eêuwe, in gebied da een eêuwe divoh inepolderd was. In 1588 wier Fort den Haak ebouwd om de ingange van 't Veerse Gat te dekken. In 1809 verwoeste de Iengelse, die in dat jaer via de 'Ollandse kust Napoleons riek probeerde binnen te valle, 't fort, wivan noe nie meer over is dan een paer lège vlaktes achter de dunenrij. D'n polder vurmde van 1816 tot 1966 een zelfstandige hemeênte, witoe Breêzand, Gaepienge (1857), Schellach en Zanddiek Buuten oorde. Nae dien tied oorde 't durp toet de hemeênte Ter Veere.

In 1314 wier in Nuwenpolre buuten Stroôskerke een kapelle esticht die 10 jaer laeter toet parochie van 't durp Niepolre wier vereve. Laeter wier 't durp D'n Polder enoemd ni Maria an wie de kêrk was ewied.

In de Tachtigjaerige Oorlog (1572-'73), tiedens 't Beleg van Middelburg (1572-1574), wier de kêrk ernstig beschaedigd. In de jaeren dinae (1622-1624) wier de kêrk wi ersteld mee gebruukmaeking van de resterende muurdêlen. 'T resultaat is een typisch 17e-eêuwse zaalkerk, vuuf traveeën lang en mee een dekruuter op de Nok van 't dek. D'ouwe kêrk is groôter ewist, zoas de Restauratie van 1955 antoônde. 'T 19de-eêuwse pleisterwêrk wier toen oôk verwijderd. 'T intrieur bevat een preekstoel, doophek en een vohleêzersbanke uut dun tied van d'erbouw. Varder bevind der een doôpbekken uut 1718 in de kêrk mee de inscriptie: 'O jeugdig vlees en bloet, denckt dat ghij sterven moet'.

• Jurn de Vries (1 februari 1940), journalist, theoloôg en politicus

• Lieste van rieksmonumenten in D'n Polder

• Site over Vrouwenpolder
• Gemeente Atlas van Nederland, J. Kuyper, Vrouwenpolder, ±1867

Kiek vò meêr plaetjes over dit onderwerp in de categorie D'n Polder van Wiki Commons.

Gemeênte Ter Veere
Steden: Domburg · Ter Veere · Waschappel Durpen: Aegte · Bîkerke · Disoek · Grieps · Gaepienge · Koukerke · Melis · Oôskappel · D'n Polder · Stroôskerke · Ter Veere · Zoetelande Gehuchten: Buiskerke · Ter Bottienge · Hoôgelande · Klein Maoriekerke · Groôt Valkenisse · Klein Valkenisse · Poppendamme · Sint Jan t'n Éere · Werendieke · Zanddiek