זחא יאר: א טיפ יאָר אין יידישן קאַלענדאַר
א זחא יאָר איז איינע פון די פערצן סארטן יארן אינעם יידישן קאלענדאר.
א יאר פון סארט זחא הייבט אן שבת (ז, דער זיבעטער טאג פון דער וואך), איז "חסר" (ח) דאס הייסט סיי חשוון סיי כסלו האבן 29 טעג, און פסח געפאלט זונטיק (א). א יאר פון סארט זחא איז א פשוט יאר (נישט קיין עיבור יאר) און איז לאנג 353 טעג, מיט 51 שבתים.
א זחא יאר איז איינע פון די זעלטענע סארט יארן, און פאסירט אין 4.33% פון אלע יארן. לעצטנס האט פאסירט א זחא יאר אין ה'תשס"א, און וועט פאסירן נאכאמאל אין ה'תשפ"א.
ימים טובים
- אין א זחא יאר געפאלט ראש חודש אום שבת צוויי מאל (אחוץ פון ראש השנה וואס געפאלט שבת): ראש חודש אדר געפאלט פרייטיק און שבת און ראש חודש אב געפאלט שבת.
- חנוכה געפאלט פון פרייטיק ביז פרייטיק, מען צינדט דאס ערשטע ליכטל דאנערשטיק אוונט.
- ט"ו בשבט געפאלט דאנערשטיק.
- פורים געפאלט פרייטיק (אין ירושלים פייערט מען פורים משולש פון פרייטיק ביז זונטיק).
- ל"ג בעומר געפאלט פרייטיק.
- שבועות געפאלט מאנטיק (און דינסטיק אין חוץ לארץ).
פאסט טעג
- צום גדליה געפאלט מאנטיק, עשרה בטבת געפאלט פרייטיק, אסתר תענית געפאלט דאנערשטיק, תענית בכורות ווערט געפעדערט צו דאנערשטיק, און שבעה עשר בתמוז מיט תשעה באב געפאלן ביידע זונטיק.
רעפערענצן
This article uses material from the Wikipedia ייִדיש article זחא יאר, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.