דוד פיינשטיין: אמעריקאנער רב און ראש ישיבה
הרב דוד פֿיינשטיין (
| ||
| געבורט | 1929 ה'תרפ"ט בעלארוס  | |
|---|---|---|
| טויט | 6 נאוועמבער 2020 (אלט 91 בערך) י"ט חשוון ה'תשפ"א | |
| אמטן | ראש ישיבה פון מתיבתא תפארת ירושלים | |
| פאטער | משה פיינשטיין | |
  | ||
ביאגראפיע
ער איז געבוירן געווארן צו רב משה פיינשטיין און זיין ווייב סימא אינעם שטעטל ליובאן, די צווייטע פוילישע רעפובליקע (היינט בעלארוס), בעת ווען זיין פאטער איז געווען דארט שטאטס־רב. אין יאר 1937 (ה'תרצ"ז) האט ער אימיגרירט מיט זיין פאטער און זיין משפחה אין די פאראייניגטע שטאטן.
נאך זיין פאטער׳ס פטירה י"ג אדר ב', ה'תשמ"ו (1986), האט ער איבערגענומען זיין פלאץ אלס ראש ישיבה פון מתיבתא תפארת ירושלים, אין איסט סייד, ניו יארק.
הרב פיינשטיין ווערט גערעכנט א פוסק א מחמיר. ער האט געפסקנט פאר די איינוואוינער פון ניו יארק סיטי אז זיי דארפן פילטערן דאס וואסער פונעם קראן וועגן א חשש פון שרצים אין דעם וואסער.
אין יאר תשפ"א איז ער ל"ע זייער נישט געזונט געווארן. מען האט אים צוגעלייגט דעם נאמען חזקיהו.
ער איז נפטר געווארן פרייטאג, פרשת וירא, תשפ"א, אין עלטער פון 91 יאר. טויזנטער אידן האבן זיך באטייליגט ביי זיין לויה אין די איסט סייד, מאנהעטן.
רעפערענצן
This article uses material from the Wikipedia ייִדיש article דוד פיינשטיין, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.