ჩხომეფი (Fish) — წყარიშ გაგაჩამი ჩხოლარეფი, ნამუეფსჷთ ვა უღუნა რსხულიშ იროიანი ტემპერატურა.
ჩხომეფიშ ზჷმა-წონა გოშხვანერაფილიე: პანდაკიშ სიგჷრძა 7,5 მმ-ის ოჭირინუანს, ოდო ვერშაპიშობური ზვიგენიშ 15-20 მ-ას. ჩხომეფიშ უმენტაშობას ჩერიაშობური რსხული უღუ, ნამთინეს — ხასჷლეფშე (კამბალა) ვარა ოჭიშ-ქვარაჸურე (სკაროსი) ლაბარტყია, გვერშორო (სარღალა) ლაგირძია ვარა ლიშიშორო (ზუღაშ ლიშჩხომი) წჷმოჭიფარაფილი, ნამთინე ბურთიშობური (ექინიჩხომი) ვარა ხვიანდაგიშობურიე (ქაშაყეფიშმაფა).
ჩხომეფიშ რსხული სიმეტრიულიე, კამბალაშ მოხ, ნამუსჷთ ჟირხოლო თოლი ცალ განშე უღუ. რსხული ფორილიე ქერენჭით. ექინჩხომიშ რსხული გოქუნილიე გჷნძე ქერცით, ზინთხიშობურეფიშ რსხულს 5 რანწკას რე ძვალამი ბართეფი. ლოქო დო შხვეფიშ რსხული ტაცალე რე. ჩხომეფიშ კანი დიდი მუდანობათ იკათუანს ლორწიშ გჷშმართუმუ ართკურთხამი ჯარკვალეფს. ტომბა ზუღაშ ჩხომეფიშ უმენტაშობას ზუღაშ მანათებელი ორგანოეფი უღუ. ჩხომეფიშ ფერი კანიშ შხვადოშხვანერ პიგმენტეფშა რე მიკობუნაფილი. მუჭოთ თაშინ, თინეფიშ ოჭიშიშ განი უმოსი რუმე რე, ვინდარო ქვარაშ. დო საართოთ დიდო მორგე ჩხომეფი რენა.
ჩხომეფიშ ძელამი სისტემა დასაბაღას დიფერენცირაფილი რე დო თიწკჷმა მერსხუაფილიე ნამთინე ჩხომეფიშ ელექტრული ორგანოეფი, ოდო უმენტაშობას - ძვალამ ზვიგენეფიშ უმენტაშობას დო ზინთხიშობურ ჩხომეფს უგუნწყუმუ ქორდა უღუნა.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ჩხომი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.