იუდაიზმი (ური.
ɳיהדות – იაჰადუთ) — ურია ერიშ რელიგია; ისტორიას ეკოროცხილი მაართა მონოთეისტური რწუმა დო ანტიკური ხანშე ასქილადირი ართ-ართი რელიგია. იუდაიზმიშ დოქტრინა დო ისტორია შანულამი ნორთი რე შხვა მონოთეისტურ, კერზოთ: სამარიულ, ქირსიანულ დო მუსლიმურ რელიგიეფიშ ნერჩეფიში.
ეკონია, დოხოლაფირო 2000 წანაშ გოძვენას, იუდაიზმიშ პრაქტიკული ეკოჸუნა მონოლითური ვაჸოფე: თის ვაჸუნდჷ ცენტრალური შურიელი მართუალა; ვაუღუდჷ გჷმახურგე დოგმა. თეშ უმკუჯინალო, ირ ვარიაციას იუდაიზმიქ მეჭედელო მერსხილქ ქჷდოსქიდჷ მუსხირენ რელიგიურ პრინციპწკჷმა, ნამუეფშეთ უშანულამაში რე აკა, ირიშმორჩქინე, ირიშშემალებე, ირიშ მოჭყოლოფე დო უძირაფე (ტრანსცენდენტული) ღორონთიშ რწუმა; ღორონთიში, ნამუქჷთ ოქიანუ აკოქიმინუ დო ნამუთ აგჷნძორენს თიშ მართუალას. ურიული არზუანობაშ მეჯინათ, ოქიანუშ აკმაქიმინალ ღორონთქ უძვეშაში აპიანით ქიმკარსხჷ ურიალ ერწკჷმა, მუჟამსჷთ თინეფს თორაშ სახეთ თიშით დჷნადგინა კანონეფი დო მცნებეფი უსქილიდუ. ურიული ღორონთიშნინალა არძაშე დიდ აბანს მეთმეჩანს თე კანონეფიშ დო მცნებეფიშ დოგურაფას დო ირდღარ რინას თეშ გოხორციალაფას, მუჭოთ რე ინტერპრეტირაფილი რელიგიაშ კანონიკურ წინგეფს დო რაბინულ ლიტერატურას.
This article uses material from the Wikipedia მარგალური (Margaluri) article იუდაიზმი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.