چینی تقویم یا چینی کیلنڈر (انگریزی: Chinese calendar) (چینی: 農曆) روایتی چین تقویم (رسمی طور دیہی کیلنڈر کہا جاتا ہے ) یا سابقہ تقویم (舊曆; 旧历; Jiùlì) یا روایتی کیلنڈر (老曆; 老历; Lǎolì) اور قمری کیلنڈر (陰曆; 阴历; Yīnlì; 'ین کیلنڈر') ایک قمرشمسی تقویم ہے جس سالوں، مہینوں اور دنوں کا حساب فلکیاتی مظاہر کے مطابق ہوتا ہے۔ گووبیاو معیارات میں اس کی تعریف 33661-2017 چینی تقویم کا حساب اور اعلان کے مطابق کی گئی ہے
اگرچہ جدید چین گریگورین تقویم کا استعمال کرتا ہے روایتی چینی کیلنڈر کے مطابق چین اور بیرون ملک چینی کمیونٹی میں تعطیلات (جیسے کہ چینی سال نو) منائی جاتی ہیں۔ یہ روایتی چینی تعطیلات کے دن مقرر کرتا ہے اور لوگوں کو شادیوں، جنازوں، منتقلی اور کاروبار شروع کرنے کے لیے اچھے دنوں کا انتخاب کرنے کی ہدایت دیتا ہے.
چینی رسم الخط کی طرح اس تقویم کی مختلف اقسام مختلف چینی ثقافتی حلقوں میں استعمال کی جاتی ہیں۔ کوریا، ویت نام اور جزائر ریوکیو نے اس تقویم کو اپنایا اور کوریائی، ویت نامی اور ریوکیوی تقاویم ایجاد کیں۔ روایتی چینی کیلنڈر کا بنیادی فرق الگ نصف النہار کا استعمال ہے۔ روایتی جاپانی کیلنڈر بھی چینی کیلنڈر کی بنیاد پر بنایا گیا ہے تاہم اس کا رسمی استعامل 1873ء میں بحالی میجی اصلاحات کے بعد ترک کر دیا گیا تھا۔ منگولیا اور تبت کے کیلنڈروں نے بھی روایتی چینی کیلنڈر کے عناصر کا استعمال کیا ہے تاہم وہ براہ راست اس مین سے حاصل کردہ نہیں ہیں۔
دن کا آغاز رات آدھی سے شروع ہوتا ہے اور مہینہ ولادت قمر سے شروع ہوتا ہے۔ نیا سال انقلاب شتوی کے دوسرے (یا تیسرے) ولادت قمر سے ہوتا ہے۔ حروف مہینے کے طویل (大، 30 دن) یا مختصر (小، 29 دن) کا اشارہ دیتے ہیں۔
روایتی چینی کیلنڈر کے عناصر مندرجہ ذیل ہیں:
دن آدھی رات سے شروع ہو کر اگلے تک
مہینا ایک ولادت قمر سے شروع ہو کر اگلے تک۔ ایک مہینا 29 17⁄32 دن طویل ہے۔
سال سورج کے گرد زمین کا ایک چکر مکمل کرنے کا وقت ہے۔ یہ بہار کے پہلے دن سے ماپا جاتا ہے (قمرشمسی سال) یا موسم سرما سے (شمسی سال)۔ یہ تقریباً 365 31⁄128 دن طویل ہوتا ہے۔
بروج 1⁄12 سال۔ ایک برج 30 7⁄16 دن کا ہوتا ہے۔
This article uses material from the Wikipedia اردو article چینی تقویم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.