1981
17.
Jierhunnert">17. -- 18. -- 19. -- 20. Jierhunnert -- 21. -- 22. -- 23.
Jiere: 1978 - 1979 - 1980 - 1981 - 1982 - 1983 - 1984 -
 Kalännere | |
| Gregorioansken Kalänner | 1981 MCMLXXXI |
| ab urbe condita | 2734 |
| Armeensken Kalänner | 1430 ԹՎ ՌՆԼ |
| Chineesken Kalänner | 4677 – 4678 丁申 – 戊酉 |
| Äthiopisken Kalänner | 1973 –1974 |
| Hebräisken Kalänner | 5741 – 5742 |
| Hindu-Kalännere | |
| - Vikram Samvat | 2036 – 2037 |
| - Shaka Samvat | 1903 – 1904 |
| Iroansken Kalänner | 1359 –1360 |
| Islamisken Kalänner | 1401 –1402 |
Foarfaale
- 10. Februoar: As eerst arabisk Stoats-Upperhaud boalt Anwar as-Sadat foar dät Europa-Parlemänt in Luxemburg, hie aasket fon Israel un do Palästinensere, sik juunsiedich antouärkannen.
- 12. April: Foar't eerste Moal stoartet een Space Shuttle, näämelk ju Columbia.
- 27. April: Die düütsk-kanadiske Neo-Nazi Wolfgang Droege wäd in New Orleans (USA) fäästnuumen, as hie sik mäd oachte uur Monljuude kloor moaked, ap een Boot mäd Woapen un een Nazi-Flaage tou gungen. Jo hääbe dän Ploan, ju Premier-Ministerske Eugenia Charles fon dän karibisken Ailound-Stoat Dominica ou tou sätten, uum dän fröieren korrupten Premier-Minister Patrick John wier in't Boantje tou brangen. Düssen failsloainen Putsk-Fersäik is as Operation Red Dog bekoand.
- 1. Moai: Heinz Nittel, aastriekisken Politiker un Präsident fon ju Aastriekisk-Israeliske Sälskup wäd fon aan Terrorist fon ju pro-palästinensiske Abu-Nidal-Organisatsjoon doodskeeten.
- 20. Juni: Bie aan Twist twiske kristelke un muslimiske Ägyptere rakt dät tjoon Doode. Fieuw deerfon sunt Kristen, fjauer Muslime un aan is nit bekoand.
- 31. Juli: Bie dän Uunfaal fon ju Twin Otter FAP-205 kuume aal do soogen Ljuude an Boud fon dän Fljooger uum't Lieuwend. Deerbie is uk die Militär-Diktoator fon Panama, Generoal Omar Torrijos. Dät rakt Ljuude, do kweede, dät waas Moort truch ju CIA, man deer rakt dät neen Bewiese foar.
- 29. August: Wilst een Sabbat-Fier stoarmje two fermoudelke Liede fon ju palästinensiske Abu-Nidal-Organisatsjoon dän Stääd-Tempel in Wien (dät is ju Haud-Synagoge fon ju Stääd), smiete Hondgranaten un skjoote in ju Masse. Twäin Moanskene stierwe, 21 wäide ferseerd.
- 5. September: Die ägyptiske Stoatspräsident Anwar as-Sadat rakt stromme Mäitnoamen juun islamiske Extremisten bekoand un sät dät Upperhaud fon ju Koptisk-orthodoxe Säärke in Ägypten ou.
- 15. September: Ägypten wiest dän Boskupper fon ju Sowjetunion un säks uur Diplomoaten uut, do bääte een Fersweerenge fon ju Regierenge fon Anwar as-Sadat stounde skällen.
- 21. September: Belize wäd uunouhongich fon do Briten.
- 6. Oktober: In Ägypten wäd Präsident Anwar as-Sadat fon politiske Juunstriedere, deerbie uk Islamisten, möärend. Vize-Präsident Husni Mubarak uurnimt dät Boantje.
- 1. November: Die karibiske Ailound-Stoat Antigua un Barbuda wäd uunouhongich.
- 17. November: Die koptiske Pestoor Maximose Guirguis wäd äntfierd un betruuet, dät me him uumebrangt, wan hie nit dät Kristendum oulait un eepentelk tou dän Islam konvertiert. Hie lient ou, kricht dät Strot truchsnieden un ferblät.
- 13. Dezember: In dän Twist mäd Gewierkskups-Ljuude ferhonget Wojciech Jaruzelski, die näie Paatäi- un Stoats-Boas in Polen, in Warschau dät Kriechsgjucht. Ju Gewierkskup Solidarność ("Solidarität") wäd ferbeeden.
Tou Waareld keemen
- 6. Januoar: Rinko Kikuchi, japoanske Skauspielerske
- 6. Januoar: Jérémie Renier, belgisken Skauspieler
- 18. Januoar: Erschüügiin Otgonbajar, mongoolsken Moaler
- 17. Februoar: Paris Hilton, US-amerikoansk Foto-Modell, Sjungerske, Skauspielerske un Unnerniemerske.
- 23. Februoar: Jan Böhmermann, düütsken Satiriker, Heerfunk- un Wiedkieker-Moderator
- 11. Meerte: Matthias Schweighöfer, düütsken Skauspieler
- 12. Juni: Nora Tschirner, düütske Skauspielerske un Moderatorinne.
- 8. August: Roger Federer, Swaitser Tennisspieler.
- 4. September: Beyoncé, US-amerikoanske Sjungerske
- 26. September: Collien Ulmen-Fernandes, düütske Wiedkieker-Moderatorinne
- 26. September: Serena Williams, Tennis-Spielerske
- 3. Oktober: Zlatan Ibrahimović, swedisk-bosnisken Foutbaaler
- 2. Dezember: Britney Spears, US-amerikoanske Pop-Sjungerske
Stuurwen
- 6. Januoar: Archibald Joseph Cronin, britisken Dokter un Skrieuwer
- 17. Januoar: Hugo Aufderbeck, Theologe un Biskop
- 20. Februoar: Athanasios Toutoungi, syrisken Äärtsbiskop
- 1. Moai: Heinz Nittel, aastriekisken Politiker un Präsident fon ju Aastriekisk-Israeliske Sälskup.
- 11. Moai: Bob Marley, jamaikoansken Reggae-Musiker
- 20. Moai: Dositej II., Äärtsbiskop fon Ohrid un Mazedonien
- 23. Juni: Zarah Leander, swediske Skauspielerske
- 31. Juli: Generoal Omar Torrijos, Militär-Diktoator fon Panama.
- 6. Oktober: Anwar as-Sadat, ägyptischer Stoatsmon
- 29. Oktober: Karl Joseph Leiprecht, Biskop fon ju Diözese Rottenburg-Stuttgart
- 17. November: Maximose Guirguis, koptisken Pestoor.
- 22. November: Hans Adolf Krebs, düütsk-britisken Mediziner un Biochemiker
- 14. Dezember: Paolo Mosconi, italieensken Äärts-Biskop
- 30. Dezember: Franjo Šeper, Äärtsbiskop fon Zagreb un Kardinoal
This article uses material from the Wikipedia Seeltersk article 1981, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.