Limba Danesa

Su danesu est una limba chi pertènet a sas limbas germanicas de su nord (est a nàrrer, iscandinavas) e sa familia prus manna de sas limbas indo-europeas.

Est sa limba uffitziale in Danimarca e secunda limba uffitziale in Groenlandia, affacch'e a su kalaallisut, e in sas Isulas Fær Øer, paris chin sa limba faroesa. Abbàrrat galu limba uffitziale in Islanda pro sa colonitzassione. Est imbètzes limba de minorìa in su Land tedescu de su Schleswig-Holstein (in danesu Slesvig-Holsten), in ube la chistiònan unas 50.000 pessònes.

Est a ammentàre chi su danesu est commo iscumpàrtu in sas Isulas Vìrghines istado-unidènsas, colùnia danesa fìntzas a su 1916.

Fìntzas sa variedade norvegesa Bokmål est, dae su puntu de bìsta limbìsticu, una forma de danesu fattu norvegesu, mancàri chi s'isvilùpu istoricu-curturale fàcat a manèra chi non si la cunsìderet goi commo.

Una variedade particulare de su danesu si chistiònat in s'isula Bornholm: su bornholmesu mantènet trastos imbènnios oje in dìe in sa limba islandesa.