Israel

Israel hot ca. 8,2 Millione Oiwuhner unn ä Fläsch vun 20.770 km². Dodraus ergebbd sisch ä Bevelgarungsdischd vun 381,22 Oiwuhner pro km² ergewwe. Haubdschdadt is Jerusalem, viele Schdaade erkenne awwa nur Tel Aviv als Haubdschdadt õõ. De Schdaad Israel is als en jiidische Nadsionalschdaad gegrinded worre, haid gebbds awwa aa viele Arawer midd de israelische Schdaadsbirgerschafd. Israel hot viele Konfligd midd soine Nachbarschdaade unn paläsdinensische Arawer dorschgschdanne, aa haid noch werd de Schdaad Israel vun viele Schdaade gsedzlisch ned õõakannd. Aa die Bsedzung vun de mehrheaidlisch arawisch bsiedelde Paläsdinensisch Audonomiegebiede schdehd unner Kridig.

Israel liehd on de Oschdkischd vum Middlmeer in de Levande-Region vum Nahe Oschde. Grenz dudd Israel on Ägypte im Siedweschde, ons Rode Meer im Siede, Jordanie im Oschde, Syrie im Nordoschde unn Libanon im Norde. Im Gebied vun Israel lieje noch die vun Israel bsedzde paläsdinensische Audonomiegebiede: Es Weschdjordanland (odda Westbank) im Oschde vun Israel umschlosse, de Gazaschdraife im Weschde on de Middlmeerkischd. Außadem hot Israel en Gebied vun Syrie bsedzd, die Golanhehe im Nordoschde.