CNN (Си-Эн-Эн гэж уншдаг; англиар товчлол.
Cable News Network- Кабелийн мэдээний сүлжээ) - америкийн бизнесмэн Тед Тёрнер-ын (англиар Robert Edward "Ted" Turner III)- 1980 оны 6 дугаар сарын 1-нд байгуулсан телевизийн суваг.
Warner Media (Уорнер Медиа) эзэмшилд байдаг Turner Broadcasting System (Тёрнер) компаний нэгэн салбар нь юм.
CNN нь дэлхийд анх удаа 24 цагийн турш мэдээ дамжуулах санал дэвшүүлж хэрэгжүүлсэн юм. 2005 оны 6 дугаар сарын 1-ний байдлаар CNN нь кабелийн болон хиймэл дагуулын мэдээллийн 14 суваг, хоёр радио станц, зургаан интернэт сайт, гадаадад 37 өөрийн товчоотой байсан. CNN-ний мэдээг 38 сансрын хиймэл дагуул дамжуулж, дэлхийн 212 улс орон, нутаг дэвсгэрийн 200 сая гаруй өрхөд хүрдэг байна.
АНУ-д тэргүүлэх байр суурь эзэлдэг хэдий ч "CNN" нь Их Британий "BBC"-ийн үзэгчдээс бага байдаг олон улсын мэдээллийн үйлчилгээнүүдийн дунд хоёрдугаарт бичигдэж байна (BBC World News - 277,6 сая өрх үздэг).
Холдингийн тэргүүн Жэф Цукер (англиар. Jeff Zucker).
Атлантад төв нь байралдаг. АНУ-ын Бостон, Вашингтон, Даллас, Детройт, Лос-Анжелэс, Майяами, Шинэ Орлеан, Нью-Йорк, Сиэтл, Сан-Франциско, Чикаго хотууд салбарууд үйл ажиллагаагаа явуулдаг байна.
Үзэгчдийн тоог тогтоодог Nielsen-ийн судалгааны дагуу CNN мэдээллийн сүлжээнүүдийг тэргүүлдэг байна. Гэсэн хэдий ч удаан хугацааны үзэгчдийн тоогоор (Nielsen Dot Ratings) Fox News-ээс доогуур байна. CNN нь голчлон Атланта хотын төв байр, Нью Йорк, Вашингтоны студиудаас нэвтрүүлэг дамжуулдаг. Америкийн Нэгдсэн Улсад 2004 оны 12 дугаар сарын байдлаар мэдээний суваг АНУ-ын 88.2 сая орон сууц, байшин, 890.000 гаруй зочид буудлын өрөөнд мэдээгээ цацдаг байна.
CNN -ний Европ дахь төв байр Лондон хотод байралдаг байна.
|
|
This article uses material from the Wikipedia Монгол article CNN, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.